ଅନୁଗୋଳ ଅଫିସ, ୧୮।୨: ମାଧ୍ୟମିକ ଶିକ୍ଷା ପରିଷଦ(ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଆସନ୍ତା ୧୯ ତାରିଖରୁ ଆରମ୍ଭ ହେବ। ଏ ନେଇ ବୋର୍ଡଠାରୁ ଆରମ୍ଭ କରି ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପର୍ଯ୍ୟନ୍ତ ସବୁଠି ତପତ୍ରତା ପ୍ରକାଶ ପାଇଛି। ସୋମବାର ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ୧୮ ଜଣିଆ ସ୍କ୍ବାଡ୍ ଘୋଷଣା କରାଯାଇଛି। ସେହିପରି ଜିଲାର ୩୧ଟି ପରୀକ୍ଷା କେନ୍ଦ୍ରରେ ସିସିଟିଭି ଲଗାଯାଇଥିବା ଡିଇଓ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି।
ପ୍ରଥମେ ବୋର୍ଡ ପକ୍ଷରୁ କେନ୍ଦ୍ରୀୟ ସ୍କ୍ବାଡ୍ ସହ ଫ୍ଲାଇଙ୍ଗ ସ୍କ୍ବାଡ୍ ଗଠନ ହୋଇଥିଲା। ତେବେ ସୋମବାର ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ୮ଟି ବ୍ଲକରେ ୧୬ ଜଣିଆ ସ୍କ୍ବାଡ୍ଙ୍କ ନାମ ଘୋଷଣା କରାଯାଇଛି। ଏଥିସହ ଜିଲା ମୁଖ୍ୟ କାର୍ଯ୍ୟାଳୟରୁ ମଧ୍ୟ ଦୁଇ ଜଣିଆ ସ୍କ୍ବାଡ୍ ଗଠନ କରାଯାଇଛି। ସମ୍ବେଦନଶୀଳ ଘୋଷଣା କରାଯାଇଥିବା କେନ୍ଦ୍ର ଗୁଡ଼ିକରେ ସିସିଟିଭିର ତୀକ୍ଷ୍ନ ନଜରରେ ଛାତ୍ରୀଛାତ୍ରମାନେ ପରୀକ୍ଷା ଦେବେ ବୋଲି ସ୍ଥିର କରାଯାଇଛି। ଅନୁଗୋଳ ବ୍ଲକର ୪ଟି କେନ୍ଦ୍ର, ଆଠମଲ୍ଲିକର ୫ଟି, ବଅଁରପାଳର ୩ଟି, ଛେଣ୍ଡିପଦାର ୩ଟି, କଣିହଁ।ର ୮ଟି, କିଶୋରନଗରର ୩ଟି, ପାଲଲହଡ଼ା ବ୍ଲକର ୪ଟି ଓ ତାଳଚେର ବ୍ଲକର ୧ଟି କେନ୍ଦ୍ରକୁ ସମ୍ବେଦନଶୀଳ ଭାବେ ଘୋଷଣା କରାଯାଇଛି। ଜିଲାରେ ଚଳିତ ବର୍ଷ ମୋଟ୍ ୧୭ ହଜାର ୪୯୨ ଜଣ ପରୀକ୍ଷାର୍ଥୀ ୮୫ଟି କେନ୍ଦ୍ରରେ ପରୀକ୍ଷା ଦେବେ ବୋଲି ଜିଲା ଶିକ୍ଷା ଅଧିକାରୀ କଳ୍ପନା କୁମାରୀ ବେହେରା ସୂଚନା ଦେଇଛନ୍ତି।
