ଭୁବନେଶ୍ୱର, ୫।୬(କ୍ରୀଡ଼ା ପ୍ରତିନିଧି)- ଆଥଲେଟ୍ ଦୂତୀ ଚାନ୍ଦଙ୍କ ସହିତ ଅନ୍ତର୍ଜାତୀୟ ହକି ଖେଳାଳି ବୀରେନ୍ଦ୍ର ଲାକ୍ରାଙ୍କ ନାମ ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ଅର୍ଜୁନ ପୁରସ୍କାର ୧ପାଇଁ ସୁପାରିସ କରାଯାଇଛି। ରାଜ୍ୟ କ୍ରୀଡ଼ା ବିଭାଗ କେନ୍ଦ୍ର କ୍ରୀଡ଼ା ମନ୍ତ୍ରଣାଳୟକୁ ପଠାଇଥିବା ସୁପାରିସ ପତ୍ରରୁ ଏହା ଜଣାପଡ଼ିଛି। ୨୦୧୨ରୁ ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଥିବା ବୀରେନ୍ଦ୍ର ଏପର୍ଯ୍ୟନ୍ତ ଭାରତୀୟ ଦଳର ଜଣେ ନିର୍ଭରଯୋଗ୍ୟ ଡିଫେଣ୍ଡରଭାବେ ଖେଳି ଆସୁଛନ୍ତି। ୨୦୧୪ ଏସିଆନ ଗେମ୍ସ ସ୍ବର୍ଣ୍ଣ, ୨୦୧୮ ବ୍ରୋଞ୍ଜ, ୨୦୧୩ ଏସିଆ କପ୍ରେ ରୌପ୍ୟ, ୨୦୧୮ ଚାମ୍ପିୟନ୍ସ ଟ୍ରଫିରେ ରୌପ୍ୟ, ୨୦୧୫ ହକି ଓ୍ବାଲର୍ଡ ଲିଗ୍ରେ ବ୍ରୋଞ୍ଜ ପଦକ ଏବଂ ୨୦୧୪ ରାଜ୍ୟଗୋଷ୍ଠୀ କ୍ରୀଡ଼ାରେ ରୌପ୍ୟ ପଦକ ବିଜୟୀ ଭାରତୀୟ ଦଳର ସେ ସଦସ୍ୟ ଥିଲେ।
