ଭୁବନ,୧୭।୫(ଡି.ଏନ.ଏ.)-ଢେଙ୍କାନାଳ ଜିଲା ପୋଲିସ ଓ ଅବକାରୀ ବିଭାଗ ପକ୍ଷରୁ ମିଳିତ ଭାବେ ଶୁକ୍ରବାର ଭୁବନ ଅଞ୍ଚଳରେ ଚଢ଼ାଉ କରାଯାଇ ୧୮୦୦ ଲିଟର ମହୁଲ ପୋଚ ସହ ସମସ୍ତ ମଦ ରନ୍ଧା ସରଞ୍ଜାମ ନଷ୍ଟ କରାଯାଇଛି। ଢେଙ୍କାନାଳ ଏସ୍ପି ଅନୁପମା ଜେମ୍ସ ଓ ଅବକାରୀ ବିଭାଗ ଅଧୀକ୍ଷକ ମନୋଜ କୁମାର ସେଠୀଙ୍କ ନିର୍ଦ୍ଦେଶକ୍ରମେ ଢେଙ୍କାନାଳ, କାମାକ୍ଷାନଗର ଓ ଭୁବନ ପୋଲିସ, ଅବକାରୀ ବିଭାଗ ପକ୍ଷରୁ ଭୁବନ ଥାନା ମହୁଲପାଳ, ମନ୍ଦାର ଓ ଅରିଲୋ ଅଞ୍ଚଳରେ ଚଢ଼ାଉ କରାଯାଇଥିଲା। କାମାକ୍ଷାନଗର ଉପଖଣ୍ଡ ଏସ୍ଡିପି ଓ ଦାୟିତ୍ୱରେ ଥିବା ନାଗାର୍ଜୁନ ପ୍ରଧାନ, ସମ୍ବଲପୁର ଅବକାରୀ ସ୍କ୍ବାଡ୍ ଗୁପ୍ତେଶ୍ୱର ପ୍ରଧାନ, ଅବକାରୀ ଇନ୍ସପେକ୍ଟର ସମୀର ମହାନ୍ତି, ମୋବାଇଲ ଇନ୍ସପେକ୍ଟର ରାଜଶେଖର ସାଇଁ, ଭୁବନ ଥାନା ଅଧିକାରୀ ନିର୍ମଳା ଗୋଚ୍ଛାୟତ, କାମାକ୍ଷାନଗର ଅବକାରୀ ସବ ଇନ୍ସପେକ୍ଟର ସପ୍ନାରାଣୀ ସାହୁଙ୍କ ସମେତ ସମସ୍ତ ଅବକାରୀ ଓ ପୋଲିସ କର୍ମଚାରୀମାନେ ଚଢାଉରେ ସାମିଲ ହୋଇଥିଲେ।
