ଅନୁଗୋଳ ଅଫିସ,୨୩ା୬: ଅନୁଗୋଳ ଜିଲା ପୋଲିସରେ ଶନିବାର ରାତିରେ ୧୬ ଜଣ ଅଧିକାରୀଙ୍କ ଅଦଳବଦଳ ହୋଇଛି। ସେମାନଙ୍କ ମଧ୍ୟରେ ୪ ଜଣ ଇନ୍ସପେକ୍ଟର, ୫ ଜଣ ସବ୍ ଇନ୍ସପେକ୍ଟର ଓ ୭ ଜଣ ଏଏସ୍ଆଇ ରହିଛନ୍ତି।
ଜିଲା ପୋଲିସ ମୁଖ୍ୟାଳୟରେ ଥିବା ଇନ୍ସପେକ୍ଟର ସତ୍ୟବ୍ରତ ରାଉତଙ୍କୁ ଛେଣ୍ଡିପଦା ଥାନାକୁ ବଦଳି କରାଯାଇଛି। ବଅଁରପାଳ ଥାନା ଅଧିକାରୀ କନକ କୁମାର ମାଝିଙ୍କ ପାଲଲହଡ଼ା ଥାନା ଅଧିକାରୀ ଭାବେ ବଦଳି ହୋଇଛି। ସେହିପରି ସମଲ ଥାନା ଅଧିକାରୀ ସୁନୀଲ କୁମାର କରଙ୍କୁ ବଅଁରପାଳ ଥାନା ଏବଂ ଛେଣ୍ଡିପଦା ଥାନା ଅଧିକାରୀ ପ୍ରିୟବ୍ରତ ଦାସଙ୍କୁ ଆଠମଲ୍ଲିକ ଥାନା ଅଧିକାରୀ ଭାବେ ବଦଳି କରାଯାଇଛି। ଅନ୍ୟପକ୍ଷରେ ଜିଲା ପୋଲିସ ମୁଖ୍ୟାଳୟରେ ଥିବା ସବଇନ୍ସପେକ୍ଟର କଳାକାର ନାୟକଙ୍କୁ ଅନୁଗୋଳ ଟ୍ରାଫିକକୁ ବଦଳି ହୋଇଥିବାବେଳେ ଅମୁନସେନ୍ କିରୋଙ୍କୁ ଜିଲା ମୁଖ୍ୟାଳୟରୁ ନାଲକୋ ଥାନା, ଦୀନକୃଷ୍ଣ ମିଶ୍ରଙ୍କୁ ଜିଲା ପୋଲିସ ମୁଖ୍ୟାଳୟରୁ ସାଇବର ସେଲ, କ୍ଷୀତିଶ ପାତ୍ରଙ୍କୁ ଆଠମଲ୍ଲିକ ଥାନାରୁ ସମଲ ଥାନା, ଆଶିଷ କୁମାର ଜେନାଙ୍କୁ ନାଲ୍କୋ ଥାନାରୁ ବିକ୍ରମପୁର ଥାନାକୁ ବଦଳି କରାଯାଇଛି। ସେହିପରି ଏଏସ୍ଆଇ ଶୁଭେନ୍ଦୁ କୁମାର ଧୀରଙ୍କୁ ଛେଣ୍ଡିପଦା ଥାନାରୁ ଆଠମଲ୍ଲିକ କୋର୍ଟ, ମୀରଜା ଅନ୍ୱରଙ୍କୁ ଜିଲା ମୁଖ୍ୟାଳୟରୁ ଜିଲା ରିଜର୍ଭ କାର୍ଯ୍ୟାଳୟକୁ ବଦଳି କରାଯାଇଛି। ସରୋଜିନୀ ବାଗଙ୍କୁ ନାଲ୍କୋ ଥାନାରୁ ଜିଲା ପୋଲିସ ମୁଖ୍ୟାଳୟ, ଅଜୟ କୁମାର ସାହୁଙ୍କୁ ଜିଲା ପୋଲିସ ମୁଖ୍ୟାଳୟରୁ ସମଲ ଥାନା, ସନାତନ ମହାରଣାଙ୍କୁ ଜିଲା ପୋଲିସ ମୁଖ୍ୟାଳୟରୁ ତାଳଚେର ଏସଡିପିଓ କାର୍ଯ୍ୟାଳୟ, ପ୍ରଦୀପ କୁମାର ପଟ୍ଟନାୟକଙ୍କୁ ପାଲଲହଡ଼ା କୋର୍ଟରୁ ପାଲଲହଡ଼ା ଥାନାକୁ ପଠାଯାଇଛି। ସେହିପରି ରୁଷିନ୍ଦ୍ରା ପ୍ରଧାନଙ୍କୁ ପାଲଲହଡ଼ା ଥାନାରୁ ପାଲଲହଡ଼ା କୋର୍ଟକୁ ବଦଳି କରାଯାଇଥିବା ଜିଲା ପୋଲିସ ମୁଖ୍ୟ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି।
