ବିଶ୍ୱର ଅଧିକାଂଶ ଦେଶ ଏବେ ଜନସଂଖ୍ୟା ବୃଦ୍ଧି ସମସ୍ୟାକୁ ନେଇ ଚିନ୍ତାରେ ପଡିଥିବା ବେଳେ ଏବେ ପରିବାର ନିୟୋଜନକୁ ଅନେକ ଦେଶ ଅପାଣାଇ ନେଇଛନ୍ତି। ଭାରତ, ଚାଇନା ଭଳି ଦେଶରେ ଜନ୍ମ ନିୟନ୍ତ୍ରଣ ପଦ୍ଧତି ଆପଣା ଯାଉଥିବା ବେଳେ ଏମିତି ଏକ ଦେଶ ଅଛି ଯେଉଁଠି ମା’ମାନେ ସନ୍ତାନ ପ୍ରସବ କଲେ ସେମାନଙ୍କୁ ପୁରସ୍କୃତ କରାଯାଉଛି। ହଁ କାଜାକାସ୍ତାନରେ ଦେଖିବାକୁ ମିଳିଛି ଏଭଳି ଦୃଶ୍ୟ। ଏଠାରେ ବଡ ପରିବାରକୁ ପ୍ରୋତ୍ସାହନ ଦିଆଯାଉଛି। ଜନ୍ମ ହାର ବୃଦ୍ଧି କରିବା ପାଇଁ ମା’ମାନଙ୍କୁ ‘ହିରୋ ମଦର୍ସ’ମେଡାଲ ଦିଆଯାଉଛି। ଯଦି ଜଣେ ମହିଳା ୬ଟି ସନ୍ତାନ ପ୍ରସବ କରୁଛନ୍ତି ତେବେ ତାଙ୍କୁ ସିଲଭର ବା ରୌପ୍ୟ ପଦକ ଦିଆଯାଇଥାଏ। ଯଦି ୭ରୁ ଅଧିକ ସନ୍ତାନ କୌଣସି ପରିବାରରେ ରହିଛି ତେବେ ସେହି ମାଆଙ୍କୁ ସ୍ବର୍ଣ୍ଣ ପଦକ ପ୍ରଦାନ କରାଯାଇଥାଏ। କାଜାକାସ୍ତାନର ବାସିନ୍ଦା ରୋଶନ କୋଜୋମକୁଲୋଓ୍ବା କୁହନ୍ତି ତାଙ୍କର ୧୦ ସନ୍ତାନ ଥିବାରୁ ତାଙ୍କ ନିକଟରେ ଉଭୟ ରୌପ୍ୟ ଓ ସ୍ବର୍ଣ୍ଣ ପଦକ ରହିଛି। ତାଙ୍କ ଘରେ ୮ ଝିଅ ଓ ୨ ପୁଅ ରହିଛନ୍ତି। ଏବେ ତାଙ୍କୁ ସ୍ବର୍ଣ୍ଣ ପଦକ ମିଳିଥିବାରୁ ଏବେ ତାଙ୍କୁ ବଞ୍ଚିଥିବା ପର୍ଯ୍ୟନ୍ତ ସରକାରୀ ଭତ୍ତା ମିଳିବ ବୋଲି ସେ କୁହନ୍ତି।
