ନୂଆଦିଲ୍ଲୀ, ୨୭।୬: ଦୀର୍ଘ ୮ ବର୍ଷ ଧରି ଜଣେ ହତ୍ୟାକାରୀକୁ କ୍ରାଇମବ୍ରାଞ୍ଚ ପୋଲିସ ଖୋଜୁଥିଲା। ହତ୍ୟାକାରୀ ବିଷୟରେ ସନ୍ଧାନ ଦେଲେ ୨ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରାଯାଇଥିଲା। ଶେଷରେ ସମ୍ପୃକ୍ତ ହତ୍ୟାକାରୀ ଜଣଙ୍କୁ ପୋଲିସ ମୃତାବସ୍ଥାରେ ଉଦ୍ଧାର କରିଛି। ଜୁନ୍ ୨୫ରେ ଆସାମୀ ଜଣଙ୍କ ଗୁରୁଗ୍ରାମରେ ଥିବା ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚତ୍ଲା ପୂର୍ବରୁ ଅଭିଯୁକ୍ତଙ୍କ ମୃତ୍ୟୁ ହୋଇଯାଇଥିଲା। ସୂଚନାଯୋଗ୍ୟ, ୨୦୧୧ ଜାନୁଆରୀ ୧୧ରେ ନୂଆଦିଲ୍ଲୀ ରେଳ ଷ୍ଟେଶନରେ ଏକ ସଦିଗ୍ଧ ବ୍ୟାଗ୍ ମିଳିଥିଲା। ସେଥିରେ ଜଣେ ଯୁବତୀଙ୍କ ହାତଗୋଡ ବନ୍ଧା ମୃତଦେହ ଥିଲା। ସମ୍ପୃକ୍ତ ଯୁବତୀ ଜଣଙ୍କୁ ତାଙ୍କ ସ୍ବାମୀ ରାଜୁ ଗେହଲଟ ହତ୍ୟା କରି ଫୋପାଡି ଥିଲେ ବୋଲି ପରିବାର ଲୋକେ ଅଭିଯୋଗ କରିଥିଲେ। ପୋଲିସ ଘଟଣାର ଯାଞ୍ଚ କରି ତଦନ୍ତ ଆରମ୍ଭ କରିଥିଲା। କିନ୍ତୁ ଅଭିଯୁକ୍ତ ରାଜୁଙ୍କ ସନ୍ଧାନ ମିଳିପାରି ନ ଥିଲା। ଦୀର୍ଘ ୮ବର୍ଷ ପରେ ରାଜୁ ନିଜ ମା’ଙ୍କୁ ଫୋନ କରି ହସ୍ପିଟାଲରେ ଥିବାର କହିଥିଲେ। ପୋଲିସ ଖବର ପାଇ ହସ୍ପିଟାଲକୁ ଯାଇଥିଲା। ସେଠାରେ ରାଜୁଙ୍କୁ ଡାକ୍ତ ମୃତ ଘୋଷଣା କରିଥିଲେ।
