୩ ମାସ ପରେ ଖୋଲିଲା ଝୋଟ କାରଖାନା

ରୂପ୍‌ସା, ୨୮।୬(ଡି.ଏନ୍‌.ଏ.)- ବାଲେଶ୍ୱର ଜିଲା ସଦର ବ୍ଲକ ଅନ୍ତର୍ଗତ ରୂପ୍‌ସା ଜୟକିଶନ ଦାସମଲ ଝୋଟ କାରଖାନା ଗୁରୁବାରଠାରୁ ଚାଲୁ କରାଯାଇଛି। ଦୀର୍ଘ ୩ ମାସ ଧରି ଏହି କାରଖାନା ବନ୍ଦ ରହିଥିଲା। ଶ୍ରମିକଙ୍କ ମଜୁରି ମାସିକ ୧ହଜାର ଟଙ୍କା ବୃଦ୍ଧି କରାଯିବା ନିଷ୍ପତ୍ତି ପରେ ଶ୍ରମିକ ସଂଘ ରାଜି ହେବାରୁ କାରଖାନାରୁ ତାଲା ଖୋଲାଯାଇଛି। ଗୁରୁବାର, ଶୁକ୍ରବାର ୨ଦିନ ଧରି ସମସ୍ତ ସେକ୍ସନର ମେଶିନ ମରାମତି ହେବା ପରେ ଶନିବାର ଶ୍ରମିକମାନେ ଡ୍ୟୁଟିରେ ଯୋଗଦେବେ ବୋଲି ସଂଘ ପକ୍ଷରୁ କୁହାଯାଇଛି। ଫଳରେ ୪ ମାସ ଧରି ରୋଜଗାର ହରାଇଥିବା ଶ୍ରମିକ ମହଲରେ ଖୁସିର ବାତାବରଣ ଖେଳିଯାଇଛି।
ଗତ ୨୦୧୮ ଅକ୍ଟୋବରରେ ଶ୍ରମିକଙ୍କ ମଜୁରି ହାର ବୃଦ୍ଧି ପାଇଁ ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଥିଲା। ସେହିଦିନଠାରୁ କାରଖାନାର ଶ୍ରମିକଙ୍କୁ ବର୍ଦ୍ଧିତ ମଜୁରି ମିଳୁ ନ ଥିଲା। ଗତ ଫେବୃୟାରୀ ୨୨ ତାରିଖରେ ସଂଘ ସଭାପତି ଅରୁଣ ଦେ, ମିଲ୍‌ ମାଲିକ ଓ ସଂଘ କର୍ମକର୍ତ୍ତାଙ୍କ ଉପସ୍ଥିତିରେ ବର୍ଦ୍ଧିତ ମଜୁରି ସମ୍ପର୍କରେ ଆଲୋଚନା ହୋଇଥିଲା। ମିଲ୍‌ କର୍ତ୍ତୃପକ୍ଷ କେବଳ ଅଣକୁଶଳୀ ଶ୍ରମିକଙ୍କୁ ବର୍ଦ୍ଧିତ ମଜୁରି ୨୮୦ ଟଙ୍କା ଦେବାକୁ ରାଜି ଥିବା ସ୍ଥଳେ ଉଚ୍ଚବର୍ଗ କୁଶଳୀ, କୁଶଳୀ ଓ ଅର୍ଦ୍ଧକୁଶଳୀ ଶ୍ରମିକଙ୍କ ଦରମା ମାତ୍ର ୩୫ ଟଙ୍କା ବୃଦ୍ଧି ଘୋଷଣା କରିଥିଲେ। ଏଥିରେ ଶ୍ରମିକମାନେ ରାଜି ନ ହୋଇ ପୂର୍ଣ୍ଣବର୍ଦ୍ଧିତ ମଜୁରି ପ୍ରଦାନ ପାଇଁ ଜିଦ୍‌ ଧରିଥିଲେ। ଏହାର ପ୍ରତିବାଦରେ କାରଖାନା ସମ୍ମୁଖରେ ସଂଘ ସଭାପତିଙ୍କ କୁଶ ପୁତ୍ତଳିକା ଦାହକରି ବହିଷ୍କାର ଦାବି କରିଥିଲେ। ବର୍ଦ୍ଧିତ ମଜୁରି ପ୍ରସଙ୍ଗରେ ମିଲ୍‌ ମାଲିକଙ୍କ ସହ ସଂଘର କର୍ମକର୍ତ୍ତାଙ୍କ ମଧ୍ୟରେ ଆଲୋଚନା ହେବା ପାଇଁ ମାର୍ଚ୍ଚ ୧୯ତାରିଖକୁ ଧାର୍ଯ୍ୟ ହୋଇଥିଲା। ମାତ୍ର ସେହିଦିନ କାରଖାନାର ମୁଖ୍ୟ ଫାଟକର ଭିତରପଟୁ ତାଲା ପଡ଼ିଥିବା ଶ୍ରମିକମାନେ ଦେଖିଥିଲେ। ବାହାରପଟେ ଅନିର୍ଦ୍ଦିଷ୍ଟ କାଳ ପାଇଁ ଲକ୍‌ ଆଉଟ୍‌ ସମ୍ପର୍କିତ ନୋଟିସ ଦିଆଯାଇଥିଲା। ଏହାପରେ ସଂଘର ନୂତନ ସଭାପତି ରଘୁନାଥ ସାହୁ, ସମ୍ପାଦକ ଦୀପକ ପଣ୍ଡା, ସହ ସମ୍ପାଦକ ଅଶୋକ ଦାସ, କୋଷାଧ୍ୟକ୍ଷ ଅନ୍ତର୍ଯ୍ୟାମୀ ମହାପାତ୍ର ପ୍ରମୁଖ ଜିଲାପାଳ, ଜିଲା ଶ୍ରମ ଅଧିକାରୀ, ଶ୍ରମମନ୍ତ୍ରୀ, ଲେବର କମିଶନରଙ୍କୁ ଲିଖିତ ଭାବେ ଜଣାଇଥିଲେ। ଗତ ମେ’ ୨୨ ତାରିଖରେ ଜିଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟରେ ତ୍ରିପାକ୍ଷିକ ଆଲୋଚନା ହୋଇଥିଲେ ହେଁ କୌଣସି ସମାଧାନର ବାଟ ଫିଟି ନ ଥିଲା। ଶେଷରେ ଚଳିତ ମାସ ୨୦ ତାରିଖରେ ମିଲ୍‌ କର୍ତ୍ତୃପକ୍ଷଙ୍କ କଲିକତା କାର୍ଯ୍ୟାଳୟରେ ସଂଘର କର୍ମକର୍ତ୍ତା, ମିଲ୍‌ ମାଲିକ ଓ କାରଖାନାର ଜେନେରାଲ ମ୍ୟାନେଜରଙ୍କ ଉପସ୍ଥିତିରେ ଆଲୋଚନା ହୋଇଥିଲା। ପୂର୍ବ ଘୋଷଣା ମୁତାବକ ଅଣକୁଶଳୀ ଶ୍ରମିକଙ୍କୁ ବର୍ଦ୍ଧିତ ମଜୁରି ୨୮୦ ଟଙ୍କା ଓ ଅନ୍ୟ ସମସ୍ତ ବର୍ଗର ଶ୍ରମିକଙ୍କୁ ମାସିକ ୧ହଜାର ଟଙ୍କା ଦରମା ବୃଦ୍ଧି କରାଯିବ ବୋଲି ମିଲ୍‌ ମାଲିକଙ୍କ ପ୍ରସ୍ତାବରେ ସଂଘର କର୍ମକର୍ତ୍ତା ରାଜି ହୋଇଥିଲେ। ଏ ସମ୍ପର୍କରେ ବୁଧବାର କାରଖାନା ଶ୍ରମିକଙ୍କୁ ନେଇ ଏକ ସାଧାରଣ ସଭା ହୋଇଥିଲା। ଏଥିରେ ସମସ୍ତେ ରାଜି ହେବାରୁ କାରଖାନା କର୍ତ୍ତୃପକ୍ଷ ଗୁରୁବାର କାରଖାନା ତାଲା ଖୋଲି ମେଶିନ ମେଣ୍ଟେନାନ୍ସ କାର୍ଯ୍ୟ ଆରମ୍ଭ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୋଖରୀରେ ବୁଡ଼ି ନାବାଳିକାଙ୍କ ଜୀବନ ଗଲା

ରାଇରଙ୍ଗପୁର,୨୯ା୫(ଡି.ଏନ୍‌.ଏ.)-ମୟୂରଭଞ୍ଜ ଜିଲା ରାଇରଙ୍ଗପୁର ଟାଉନଥାନା ଅଧୀନ ଇଚିଣ୍ଡା ବସ୍ତୀର ଜଣେ ନାବାଳିକା ଗୁରୁବାର ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। ମୃତକ ହେଲେ ବଜରଙ୍ଗ ବେହେରାଙ୍କ ଝିଅ...

ଉଚ୍ଛେଦକୁ ନେଇ ନୀଳଗିରି ବିଧାୟକ-ତହସିଲଦାର ମୁହାଁମୁହିଁ: ପ୍ରତିବାଦରେ ଅନଶନରେ ବସିଲେ ବିଧାୟକ

ସଜନାଗଡ଼, ୪।୧୦(ଡି.ଏନ୍‌.ଏ): ବାଲେଶ୍ୱର ଜିଲା ନୀଳଗିରି ବିଧାୟକ ସୁକାନ୍ତ ନାୟକ ଓ ତହସିଲଦାର ସୁଶ୍ରୀତା ଟୁଡ଼ୁଙ୍କ ମଧ୍ୟରେ ଶୁକ୍ରବାର ମୁହାଁମୁହିଁ ହୋଇଛି। ତହସିଲ କଚେରି ପରିସରରେ...

୩୧ ଲକ୍ଷଙ୍କୁ ମିଳିବ ସ୍ମାର୍ଟ ହେଲ୍‌ଥ କାର୍ଡ

ଭୁବନେଶ୍ୱର(ବ୍ୟୁରୋ)/ବାଲେଶ୍ୱର ଅଫିସ/ଭଦ୍ରକ ଅଫିସ, ୨୬ା୧୧: ରାଜ୍ୟ ସରକାରଙ୍କ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା (ବିଏସ୍‌କଓ୍ବୋଇ) ଅନ୍ତର୍ଗତ ସ୍ମାର୍ଟ ହେଲ୍‌ଥ କାର୍ଡ ସ୍କିମ୍‌ରେ ଯୋଡ଼ିହୋଇଛି ବାଲେଶ୍ୱର ଏବଂ...

ଦୀଘା ବେଳାଭୂମି ସିଲ୍‌

ଭୋଗରାଇ,୪ ।୨(ଡି.ଏନ.ଏ.) ବାଲେଶ୍ୱର ଜିଲା ଭୋଗରାଇ ସୀମାନ୍ତ ପଶ୍ଚିମବଙ୍ଗ ସୌନ୍ଦର୍ଯ୍ୟମୟୀ ଦୀଘା ବେଳାଭୂମିକୁ ସେଠାକାର ସରକାର କୋଭିଡ୍‌ ନିର୍ଦ୍ଦେଶିକା ମାନି ପ୍ରଶାସନ ସୋମବାରଠାରୁ ୧୫ତାରିଖ ପର୍ଯ୍ୟନ୍ତ...

ଡରାଇଲାଣି ସମ୍ଭାବ୍ୟ ବାତ୍ୟା

ଭୋଗରାଇ,୨୧।୫(ଡି.ଏନ.ଏ.)-ପୂର୍ବ-ମଧ୍ୟୀୟ ବଙ୍ଗୋପସାଗରରେ ସୃଷ୍ଟି ହେଉଥିବା ସମ୍ଭାବ୍ୟ ବାତ୍ୟା ‘ୟାସ’ ବାଲେଶ୍ୱର ଓ ପଶ୍ଚିମବଙ୍ଗ ଉପୂକଳରେ ତାଣ୍ଡବ ରଚାଇବ ବୋଲି ବିଭିନ୍ନ ପାଣିପାଗ ଦପ୍ତର ଆଗୁଆ ସତର୍କ...

ଆଇକାର୍ଡ଼ା ପକ୍ଷରୁ କ୍ଷେତ୍ର ପରିଦର୍ଶନ

ବାଲେଶ୍ୱର ଅଫିସ,୨୯।୨- ରାଷ୍ଟ୍ରୀୟ କୃଷି ବିକାଶ ଯୋଜନା, କୃଷି ଓ କୃଷକ ସଶକ୍ତିକରଣ ବିଭାଗ, ଓଡ଼ିଶା ଏବଂ ଅନ୍ତରାଷ୍ଟ୍ରୀୟ ଶୁଷ୍କାଞ୍ଚଳ କୃଷି ଗବେଷଣା ସଂସ୍ଥା(ଆଇକାର୍ଡ଼ା) ନୂଆଦିଲ୍ଲୀ...

‘ଖାସ୍‌ ତୁମ ପାଇଁ’ ସାଂସ୍କୃତିକ ସନ୍ଧ୍ୟା

ବାଲେଶ୍ୱର ଅଫିସ,୧୭।୨-ବାଲେଶ୍ୱର ବାମପଦାସ୍ଥିତ ନୋସି ଉତ୍କଳା ମୁକ୍ତ ମଞ୍ଚରେ ସ୍ଥାନୀୟ ଉଦୀୟମାନ କଳାକାରମାନଙ୍କୁ ଉତ୍ସାହିତ କରିବା ପାଇଁ ପ୍ରତି ଶନିବାର ଓ ରବିବାର ସାପ୍ତାହିକ ସାଂସ୍କୃତିକ...

ବେଆଇନ ଗୋରୁ ଚାଲାଣ: ୮ପିକ୍‌ଅପ୍‌ ଭ୍ୟାନ ଜବତ, ୧୧ ଗିରଫ

ରେମୁଣା,୨୩।୭(ଡି.ଏନ୍‌.ଏ): ବାଲେଶ୍ୱର ଖନ୍ତପଡ଼ା ପୋଲିସକୁ ବଡ଼ ସଫଳତା। ବେଆଇନ ଚାଲାଣ ହେଉଥିବା ଗୋରୁଙ୍କୁ ଉଦ୍ଧାର କରିଛି ପୋଲିସ। ସୂଚନାଯୋଗ୍ୟ, ରେମାଣା ବ୍ଲକ୍‌ ଖନ୍ତପଡ଼ା ଥାନା ଅଧୀନ...

Advertisement
Archives

Model This Week