୩ ବର୍ଷର ଶିଶୁକନ୍ୟା ନିଖୋଜ, ତଦନ୍ତ ଚଳାଇଛି ପୋଲିସ
4:05 pmSeptember 9, 2019 / 43

ଓଡଗାଁ, ୯।୯(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ଥାନା ସାକେରୀ ହରିଜନ ସାହିରୁ ସୋମବାର ସକାଳୁ ଏକ ୩ ବର୍ଷର ଶିଶୁକନ୍ୟା ନିଖୋଜ ହୋଇଯିବା ଘଟଣା ସମସ୍ତଙ୍କୁ ଚକିତ କରିଛି ।
ସୂଚନା ଅନୁସାରେ, ପ୍ରକାଶ ନାୟକଙ୍କ ସ୍ତ୍ରୀ ସୋମବାର ସକାଳେ ପୋଖରୀକୁ ଗାଧୋଇ ଯିବା ପୂର୍ବରୁ ଝିଅକୁ ସାହିର ଅନ୍ୟ ଏକ ଦେଢ଼ବର୍ଷର ଶିଶୁପୁତ୍ର ସହ ଖେଳୁଥା କହି ଯାଇଥିଲେ। ହେଲେ ସେ ଫେରିବା ପରେ ଆଉ ଝିଅକୁ ପାଇ ନ ଥିଲେ । ଏ ନେଇ ସେମାନେ ବହୁ ଖୋଜାଖୋଜି କରିବା ପରେ ପୋଲିସକୁ ସୂଚନା ଦେଇଥିଲେ। ପୋଲିସ ଓ ଅଗ୍ନିଶମ କର୍ମଚାରୀ ନିକଟସ୍ଥ କୂଅ, ପୋଖରୀ ତଲାସ କରିଥିଲେ। ହେଲେ ଏଯାବତ୍‌ ଶିଶୁର କୌଣସି ସୂଚନା ମିଳିନାହିଁ। ଏ ନେଇ ପୋଲିସ ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ କରୁଛି।