Posted inପୁରୀ

୩୦ବର୍ଷରୁ ଊର୍ଦ୍ଧ୍ୱ ଅପୂଜା ଥିଲେ ଅଲାରନାଥ

ବ୍ରହ୍ମଗିରି,୭ା୬(ଡି.ଏନ୍‌.ଏ.): କରୋନା ଲାଗି ମହାପ୍ରଭୁ ଅଲାରନାଥଙ୍କ ମନ୍ଦିରରେ ୧୪୪ ଧାରା ଜାରି ରହିଛି। ଆସନ୍ତା ୨୦ ତାରିଖ ମଧ୍ୟରାତ୍ର ପର୍ଯ୍ୟନ୍ତ ଏହା ବଳବତ୍ତର ରହିବ। ଫଳରେ ମନ୍ଦିରର ସିଂହଦ୍ୱାରରେ ତାଲା ଝୁଲୁଛି। ମନ୍ଦିର ପରିସରକୁ ପଶି ପାରୁନାହାନ୍ତି ସାଧାରଣ ଭକ୍ତ। ଏପଟେ ମହାପ୍ରଭୁଙ୍କ ଅନବସର ଉତ୍ସବରେ ଲାଗିଛି ରୋକ। କେବଳ ପାଳିଆ ସେବାୟତଙ୍କ ଦ୍ୱାରା ଅନବସର ନୀତି ସମ୍ପାଦନା କରାଯାଉଛି। ଏହା ପୂର୍ବରୁ ସେବକଙ୍କ ଅଭାବରୁ ମହାପ୍ରଭୁ ଅଲାରନାଥ ପ୍ରାୟ ୩୦ ବର୍ଷରୁ ଊର୍ଦ୍ଧ୍ୱ ପୂଜା ପାଇ ନ ଥିବା ଅଲାରନାଥ ମନ୍ଦିରର ବରିଷ୍ଠ ପୂଜକ ତଥା ଗବେଷକ ନୀଳମଣି ସୁଆର କହିଛନ୍ତି।
ଗବେଷକ ନୀଳମଣିଙ୍କ କହିବା ଅନୁଯାୟୀ, ମହାପ୍ରଭୁ ଅଲାରନାଥଙ୍କୁ ୧୨ଶହ କମା ବ୍ରାହ୍ମଣମାନେ ସେବା କରୁଥିଲେ। ଯାହା ରାଜା କପିଳେନ୍ଦ୍ର ଦେବଙ୍କ ଶାସନ ସମୟର। ୧୪୩୫ ଖ୍ରୀଷ୍ଟାଦ୍ଦରୁ ୧୪୬୬ ଖ୍ରୀଷ୍ଟାଦ୍ଦ ପର୍ଯ୍ୟନ୍ତ ରାଜା କପିଳେନ୍ଦ୍ର ଦେବଙ୍କ ଶାସନ ଥିଲା। ଏହି ସମୟରେ କପିଳେନ୍ଦ୍ର ଦେବ ତାଙ୍କ ଶାସନ କାଳର ପ୍ରାୟ ୧୦ ବର୍ଷ ପରେ ଦାକ୍ଷିଣାତ୍ୟ ଜୟ କରିଥିଲେ। ଫଳରେ ଏହି କମା ସମ୍ପ୍ରଦାୟର ବ୍ରାହ୍ମଣମାନେ ଉକ୍ତ ସ୍ଥାନ ଛାଡି ଅନ୍ୟତ୍ର ପଳାଇଥିଲେ। ଫଳରେ ମହାପ୍ରଭୁ ଅଲାରନାଥ ସେହି ଦିନ ଠାରୁ ଅପୂଜା ରହିଥିଲେ ା ମନ୍ଦିର ମଧ୍ୟ ପରିତ୍ୟକ୍ତ ଅବସ୍ଥାରେ ପଡିଥିଲା। ପରବର୍ତ୍ତି ସମୟରେ ଗଜପତି ପୁରୁଷୋତ୍ତମ ଦେବଙ୍କ ଶାସନ ସମୟ ଆରମ୍ଭ ହୋଇଥିଲା। ପୁରୁଷୋତ୍ତମ ଦେବଙ୍କ ଶାସନ କାଳ ୧୪୬୬ରୁ ୧୪୯୭ ଖ୍ରୀଷ୍ଟାଦ୍ଦ ବୋଲି ଜଣାଯାଏ ା ରାଜାଙ୍କ ଶାସନ କାଳରେ ପ୍ରାୟ ୧୪୭୭ ଖ୍ରଷ୍ଟାଦ୍ଦ ସମୟରେ କାଞ୍ଚି ଅଭିଯାନ ହୋଇଥିଲା। ଏହି ମସୟରେ ପୁରୁଷତ୍ତୋମ ଦେବ କାଞ୍ଚି ଯିବା ସମୟରେ ଅଲାରନାଥ ମନ୍ଦିରକୁ ଦେଖିଥିଲେ। ରାଜାଙ୍କ କାଞ୍ଚି ବିଜୟ ପରେ ଫେରି ଉକ୍ତ ମନ୍ଦିରକୁ ପୁନରୋଧାର କରିଥିଲେ। ଠାକୁରଙ୍କ ନୀତିକାନ୍ତି ପାଇଁ ୩ଜଣ ସେବାୟତ ନିୟୋଜିତ କରିଥିଲେ ା ସେବେଠାରୁ ପୁରୀ ଶ୍ରୀମନ୍ଦିରର ସମସ୍ତ ନୀତିକାନ୍ତି ସହିତ ଅଲାରନାଥ ମନ୍ଦିରର ସମସ୍ତ ନୀତିକାନ୍ତିରେ ପ୍ରାୟ ସମାଞ୍ଜସ୍ୟ ରହିଛି ା ସେବେ ଠାରୁ ମହାପ୍ରଭୁଙ୍କ ଅନବସର ନୀତି ଚାଲୁଥିଲେ ମଧ୍ୟ ଏହା ଲୋକଲୋଚନକୁ ଆସି ପାରିନଥିଲା। ରାଜା ପ୍ରତାପ ରୁଦ୍ରଦେବଙ୍କ ଶାସନ ସମୟ ଅର୍ଥାତ୍‌ ୧୫୧୦ ଖ୍ରୀଷ୍ଟାଦ୍ଦରେ ଶ୍ରୀଚୈତନ୍ୟ ଅନବସର ଦର୍ଶନ କରିବା ପାଇଁ ଅଲାରନାଥ ପୀଠକୁ ଆସିବା ପରେ ଏହା ବିଭିନ୍ନ ସାଧୁସନ୍ଥ ଓ ବୈଷ୍ଣବମାନଙ୍କ ମଧ୍ୟରେ ପ୍ରଚାର ପ୍ରସାର ହୋଇଥିଲା।


Enter your email to get our daily news in your inbox.

All Right Reserved By Dharitri.Com

ହୋଟେଲରେ ଦେହ ବ୍ୟବସାୟ: ୩ ଗିରଫ, ୫ ବଙ୍ଗୀୟ ଯୁବତୀ ଅଟକ

ପୁରୀ ଅଫିସ,୭ା୧୧- ହୋଟେଲରେ ଦେହ ବ୍ୟବସାୟ ଚାଲୁଥିବାବେଳେ ବଳିଆପଣ୍ଡା ପୋଲିସ ଚଢାଉ କରି ୫ ବଙ୍ଗୀୟ ଯୁବତୀଙ୍କୁ ଅଟକ ରଖିଥିବାବେଳେ ୩ ଜଣ ଯୁବକଙ୍କୁ ଗିରଫ...

ଆତଙ୍କବାଦୀଙ୍କ ଟାର୍ଗେଟରେ ରହିଛି ବଡ଼ଦେଉଳ, ପରିଚୟପତ୍ରକୁ ଗୁରୁତ୍ୱ ଦେଉନି ପ୍ରଶାସନ

ପୁରୀ ଅଫିସ, ୧୩ା୮: ଦେଶର ଅନ୍ୟତମ ପ୍ରମୁଖ ତୀର୍ଥକ୍ଷେତ୍ର ହେଉଛି ପୁରୀ। ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରିବା ସହ ସମୁଦ୍ର ସ୍ନାନ ଓ ବେଳାଭୂମି ବୁଲିବା...

ଦୀର୍ଘ ୨ ବର୍ଷ ପରେ ଭକ୍ତଙ୍କ ପାଇଁ ରବିବାର ଖୋଲିଲା ଶ୍ରୀମନ୍ଦିର

ପୁରୀ ଅଫିସ, ୨୦।୩: ଦୀର୍ଘ ୨ ବର୍ଷ ପରେ ରବିବାର ଭକ୍ତଙ୍କ ପାଇଁ ଶ୍ରୀମନ୍ଦିର ଖୋଲିଛି। ହୋଲି ଛୁଟିପରେ ରବିବାର ଶ୍ରୀମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ...

ବୁଧବାର ବନକଲାଗି, ୪ଘଣ୍ଟା ବନ୍ଦ ରହିବ ମହାପ୍ରଭୁଙ୍କ ଦର୍ଶନ

ପୁରୀ ଅଫିସ,୨୩ା୧୦:ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ନ ପ୍ରାୟ ୪ଟାରୁ ରାତି ୮ଟା ପର୍ଯ୍ୟନ୍ତ ୪ ଘଣ୍ଟା ଶ୍ରଦ୍ଧାଳୁ ମହାପ୍ରଭୁଙ୍କୁ...

ଆଜି ଭଙ୍ଗାଯିବ ବଡ଼ ଆଖଡ଼ା ମଠ

ପୁରୀ ଅଫିସ,୩।୯: ଶ୍ରୀମନ୍ଦିର ସୁରକ୍ଷା ଆଉ ପୁରୀ ସହରର ବିକାଶ ପାଇଁ ମାଟିରେ ମିଶିବ ଆଉ ଏକ ଐତିହ୍ୟ। ତୃତୀୟ ମଠ ଭାବେ ସତ୍ତା ହରାଇବ...

୮ ଶିକ୍ଷକଙ୍କୁ କାରଣ ଦର୍ଶାଅ ନୋଟିସ୍‌

ପିପିଲି,୨୭ା୬(ଡି.ଏନ୍‌.ଏ.): ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ବିଭିନ୍ନ ଜିଲା ଗସ୍ତ କରି ଶିକ୍ଷା ବ୍ୟବସ୍ଥାର ତଦାରଖ କରୁଛନ୍ତି। ଏହିକ୍ରମରେ ସୋମବାର ସେ...

୪୧ ଶ୍ରମିକଙ୍କୁ ବସ୍‌ରେ ପଠାଇଲା ପ୍ରଶାସନ

ପିପିଲି,୨୧ା୫(ଡି.ଏନ୍‌.ଏ./ସ୍ବ.ପ୍ର.): ପିପିଲି ପୋଲିସ ଉଦ୍ୟମରେ ଗୁରୁବାର ୪୧ଜଣ ଶ୍ରମିକ ଏକ ସ୍ବତନ୍ତ୍ର ବସ୍‌ରେ ନିଜ ଅଞ୍ଚଳକୁ ଫେରିଛନ୍ତି। ଲକ୍‌ଡାଉନ ଅବଧି ବଢ଼ିବା ପରେ ଶ୍ରମିକମାନେ ଚାଲିଚାଲି...

କ୍ୱାରାଣ୍ଟାଇନ୍‌ ସେଣ୍ଟରରେ ବିବାହ କଲେ ପ୍ରେମୀଯୁଗଳ

ନିମାପଡ଼ା,୨୬ା୫(ଡି.ଏନ୍‌.ଏ.): ପୁରୀ ଜିଲା ନିମାପଡ଼ା ଥାନା ଅଞ୍ଚଳର ଏକ କ୍ୱାରାଣ୍ଟାଇନ୍‌ ସେଣ୍ଟରରେ ରହୁଥିବା ପ୍ରେମୀ ଯୁଗଳ ସୋମବାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସୂଚନା ଅନୁଯାୟୀ,...

Advertisement
Archives

Model This Week