ସମ୍ବଲପୁର,୧୦ା୮(ବ୍ୟୁରୋ): ସମ୍ବଲପୁର ଜିଲା ହୀରାକୁଦ ଡ୍ୟାମ୍ରେ ଅଗଷ୍ଟ ୧୪ରେ ଚଳିତ ବର୍ଷର ପ୍ରଥମ ବନ୍ୟାଜଳ ଛଡାଯିବ। ଏନେଇ ଜଳ ସମ୍ପଦ ବିଭାଗ ପକ୍ଷରୁ ସ୍ଥିର ହୋଇଛି। ଚିଠି ନଂ-୪୯୧ରେ ଜିଲା ପ୍ରଶାସନ ଓ ଅନ୍ୟ ବିଭାଗୀୟ ଅଧିକାରୀଙ୍କୁ ଏ ନେଇ ସୂଚନା ଦିଆଯାଇଛି। ପୂର୍ବାହ୍ନ ୧୧ରେ ପାଣି ଛଡାଯିବ। ଏହାଦ୍ୱାରା ମହାନଦୀ ସମେତ ତାର ଶାଖା ନଦୀଗୁଡିକରେ ଜଳସ୍ତର ବୃଦ୍ଧି ପାଇବ। ତେଣୁ ନଦୀ ମଧ୍ୟକୁ ପ୍ରବେଶ ସମୟରେ ସତର୍କତା ଅବଲମ୍ବନ କରିବାକୁ ଡ୍ୟାମ୍ ତଳ ମୁଣ୍ଡରେ ବସବାସ କରୁଥିବା ଲୋକମାନଙ୍କୁ ନିର୍ଦ୍ଦେଶ ଦିଆଯାଇଛି। ବନ୍ୟାଜଳ ନିଷ୍କାସନ ପରେ କୌଣସି ଦୁର୍ଘଟଣା ଘଟିଲେ ଡ୍ୟାମ୍ କର୍ତ୍ତୃପକ୍ଷ ଦାୟୀ ନୁହନ୍ତି ବୋଲି ସୂଚନା ଦିଆଯାଇଛି।
ପ୍ରକାଶଯୋଗ୍ୟ, ଶନିବାର ମଧ୍ୟାହ୍ନ ସୁଦ୍ଧା ଡ୍ୟାମ୍ରେ ଜଳସ୍ତର ୬୧୧.୧୯ ଫୁଟ ରହିଛି। ପ୍ରତି ସେକେଣ୍ଡରେ ୧ ଲକ୍ଷ ୫୪ ହଜାର ୧୫୯ କ୍ୟୁସେକ୍ ପାଣି ପ୍ରବେଶ କରୁଥିବା ବେଳେ ୧୭ ହଜାର ୭୪୦ କ୍ୟୁସେକ୍ ପାଣି ନିଷ୍କାସନ ହେଉଛି ।
