ନ୍ୟୁୟର୍କ, ୮।୪(ପି.ଟି.)- କରୋନା ଭାଇରସ ମହାମାରୀର ରୂପ ନେଇଥିବା ବେଳେ ଲୋକମାନଙ୍କୁ ଘରେ ରହି ସୁରକ୍ଷିତ ରହିବାକୁ ଆହ୍ବାନ ଦିଆଯାଉଛି। ୟୁନାଇଟେଡ ନେଶନ (ୟୁଏନ୍) ବା ଜାତିସଂଘ ଓ ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍ଓ) କରୋନା ଭାଇରସ ମୁକାବିଲା ପାଇଁ ଲୋକମାନଙ୍କୁ ସକ୍ରିୟ ରହିବା ନେଇ ଅଭିଯାନ ଆରମ୍ଭ କରିଛି। ଏବେ ଏହି ଅଭିଯାନରେ ସାମିଲ ହୋଇଛନ୍ତି ଭାରତର ଦୁଇ ପ୍ରମୁଖ ଫୁଟବଲ କ୍ଲବ ମୋହନ ବାଗାନ ଓ ଇଷ୍ଟ ବେଙ୍ଗଲ। ୟୁଏନ୍ ଓ ଡବ୍ଲ୍ୟୁଏଚ୍ଓ ‘ବି ଆକ୍ଟିଭ’ ଅଭିଯାନରେ ବିଶ୍ୱର ବିଭିନ୍ନ କ୍ଲବ ମଧ୍ୟ ଏହି ଅଭିଯାନରେ ସାମିଲ ହୋଇଛନ୍ତି। ୟୁଏନ୍ ଇଣ୍ଟରନ୍ୟାଶନାଲ ଡେ ଅଫ୍ ସ୍ପୋଟର୍ସ ଫର ଡେଭେଲପମେଣ୍ଟ ଆଣ୍ଡ ପିସ୍ ଟୁ ବି ହେଲ୍ଦି ଆଟ୍ ହୋମରେ ଏହି ଅଭିଯାନ ଆରମ୍ଭ କରାଯାଇଛି।
ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା ଫିଫା ସମେତ ରିୟଲ ମାଡ୍ରିଡ ଏଫ୍ସି, ଏଫ୍ସି ବାର୍ସିଲୋନା, ଲିଭରପୁଲ ଏଫ୍ସି ଭଳି ବଡ଼ବଡ଼ କ୍ଲବ ମଧ୍ୟ ଫୁଟବଲ୍ ପ୍ରଶଂସକଙ୍କୁ ସବୁ ପ୍ରତିଯୋଗିତାମୂଳକ ତିକ୍ତତା ଭୁଲି ଏକାଠି ହେବାକୁ ଆହ୍ବାନ ଦେଇଛନ୍ତି। କରୋନ ଭାଇରସକୁ ହରାଇବାକୁ ହେଲେ ସମସ୍ତଙ୍କୁ ସକ୍ରିୟ ରହିବାକୁ ହେବ ବୋଲି କୁହାଯାଇଛି।
ଅଗାମୀ ଦିନରେ ଏହି ଅଭିଯାନରେ ଅନ୍ୟ କ୍ଲବଗୁଡିକ ଯଥା, କ୍ଲବ ଆମେରିକା, ସିଡି ଗୁଆଡାଲାଜାରା, ବେଜିଂ ଗୁଆନ୍ ଏଫ୍ସି, ଶାଙ୍ଘାଇ ଶେନହୁଆ ଏଫ୍ସି, ମୋହନ ବାଗାନ ଏସି, ଇଷ୍ଟ ବେଙ୍ଗଲ ଏଫ୍ସି, ମେଲବୋର୍ନ ସିଟି ଏଫ୍ସି, ସିଡ୍ନୀ ଏଫ୍ସି, ଅକଲାଣ୍ଡ ସିଟି ଏଫ୍ସି, ଟିମ୍ ଓ୍ବେଲିଂଟନ ଏଫ୍ସି, ସିଏ ରିଭର ପ୍ଲେଟ, ଅଲିମ୍ପିକ୍ ଡି ମାର୍ସେଇଲେ, ଟିପି ମାଜେମ୍ବେ, ସିଆର ଫ୍ଲାମିଙ୍ଗୋ ଓ ଏସ୍ଇ ପାଲମେରିଆସ ମଧ୍ୟ ଏହି ଅଭିଯାନରେ ସାମିଲ ହେବେ। ସୁସ୍ଥ ଥିବା ସମସ୍ତ ବ୍ୟକ୍ତିଙ୍କୁ ଦିନରେ ଅତିକମ୍ରେ ୩୦ ମିନିଟ୍ ଓ ପିଲାମାନଙ୍କୁ ୬୦ ମିନିଟି ଶାରୀରିକ କାର୍ଯ୍ୟକଳାପ କରିବାକୁ ପ୍ରସ୍ତାବ ଦେଇଛି। ଫିଫା ଅଧ୍ୟକ୍ଷ ଜିଆନି ଇନ୍ଫାଣ୍ଟିନୋ ମଧ୍ୟ ଏହି ଅଭିଯାନ ବେଶ୍ ଗୁରୁତ୍ୱ ଦେଇଛନ୍ତି। ଏଥିରେ ଫୁଟବଲ ସହିତ ଜଡିତ ଥିବା ସମସ୍ତ ବ୍ୟକ୍ତି ତଥା ଅନୁଷ୍ଠାନକୁ ସାମିଲ ହେବାକୁ ସେ ଆହ୍ବାନ ଦେଇଛନ୍ତି।
