ସେମିଳିଗୁଡା, ୧୫।୮(ସ୍ବ.ପ୍ର.)-
ସେମିଳିଗୁଡ଼ାସ୍ଥିତ ସାଉଥ୍-କୋ କାର୍ଯ୍ୟାଳୟରେ ଗୁରୁବାର ୭୩ତମ ସ୍ବାଧୀନତା ଦିବସ ପାଳିତ ହୋଇଛି। ପ୍ରଥମେ କାର୍ଯ୍ୟାଳୟରେ ପତାକା ଉତ୍ତୋଳନ କରାଯାଇଥିଲା। ପରେ ଏହି ଅବସରରେ ସ୍ଥାନୀୟ ପାହଡ଼ରେ ସାଉଥ୍-କୋ କର୍ମଚାରୀମାନେ ଚାରାରୋପଣ କରିଥିଲେ। ପରିବେଶକୁ ସବୁଜସୁନ୍ଦର କରିବା ଲକ୍ଷ୍ୟରେ ଆମ୍ବ, କଦମ୍ବ, ବଉଳ, କୃଷ୍ଣଚୂଡା ଗଛ ଲଗାଯାଇଛି ବୋଲି ସାଉଥ୍-କୋ ଅଧିକାରୀ କହିଥିଲେ। ପତାକା ଉତ୍ତୋଳନ ଓ ଚାରାରୋପଣ ସମୟରେ ସାଉଥ୍-କୋ ସହକାରୀ ଯନ୍ତ୍ରୀ ଅରବିନ୍ଦ ପଣ୍ଡା, ପ୍ରଭାତ ଚୌଧୁରି, ସଂଗ୍ରାମ ବିଶ୍ୱାଳ, ନୀଳ ଟାକିରି, ମନୋଜ ପାତ୍ର, ମାଧବ ମହାନ୍ତି, ଲକ୍ଷ୍ମୀ ପଣ୍ଡା, ପି. ପ୍ରଦୀପ କୁମାର, ସନ୍ତୋଷ ପାଢି, ରମେଶ କୁମାର ସାହୁ, ବାଲାଜି ଓ କାଳୁ ମହାନ୍ତିଙ୍କ ସମେତ ଅନ୍ୟ କର୍ମଚାରୀ ଉପସ୍ଥିତ ଥିଲେ।
