ବଲିଉଡ ଅଭିନେତା ସୋନୁ ସୁଦ ପ୍ରବାସୀ ଶ୍ରମିକମାନଙ୍କୁ ସାହାଯ୍ୟ କରି ସମସ୍ତଙ୍କ ପ୍ରଶଂସାର ପାତ୍ର ପାଲଟିଛନ୍ତି। ତାଙ୍କ ପ୍ରଶଂସକଙ୍କମାନେ ସୋନୁଙ୍କୁ ଖୁବ ପ୍ରଶଂସା ମଧ୍ୟ କରୁଛନ୍ତି। ବୟସ୍କମାନଙ୍କଠାରୁ ଆରମ୍ଭ କରି ଛୋଟପିଲାମାନେ ମଧ୍ୟ ସୋନୁଙ୍କୁ ଭଲପାଇବା ଦେଉଛନ୍ତି। ନିକଟରେ ଏକ କୁନି ଝିଅର ଭିଡିଓ ଭାଇରାଲ ହୋଇଛି। ଭିଡିଓରେ ଦେଖିବାକୁ ମିଳୁଛି ଯେ କୁନି ଝିଅର ମା’ ତାଙ୍କୁ ପଚାରୁଛନ୍ତି, ଝିଅ ସୋନୁ ଅଙ୍କଲ କ’ଣ କରନ୍ତି? ଏକଥା ଶୁଣି ଝିଅଟି ତା’ର ଖନେଇ ଖନେଇ ପାଟିରେ କହୁଛି ଯେ ଯାହା ଗୋଡରେ ଚପଲ ନାହିଁ, ସୋନୁ ଅଙ୍କଲ ତାଙ୍କୁ ପିନ୍ଧିବା ପାଇଁ ଜୋତା ଦିଅନ୍ତି। ଯାହାକୁ ଭୋକ ଲାଗେ, ତାଙ୍କ ଖାଇବାକୁ ଦିଅନ୍ତି। ଯିଏ ଗାଁକୁ ଯିବାକୁ ଚାହୁଁଛନ୍ତି, ସୋନୁ ଅଙ୍କଲ ତାଙ୍କୁ ଘରେ ଛାଡିଦେଉଛନ୍ତି। ସୋନୁ ଅଙ୍କଲ ହେଉଛନ୍ତି ଗୁଡ ବୟ।’ ସୋନୁ ଏହି ଝିଅଟିର ଭିଡିଓ ନିଜ ଟୁଇଟରରେ ଶେୟାର କରିଛନ୍ତି। ଏକଥା ଶୁଣି ସୋନୁ କହିଛନ୍ତି ଯେ ଲିଟିଲ ଆଞ୍ଜେଲ ମୁଁ ତୁମକୁ ଆଲିଙ୍ଗନ କରିପାରିବି କି? ସୋନୁ ପ୍ରବାସୀ ଶ୍ରମିକଙ୍କ ପାଇଁ ଦେବଦୂତ ପାଲଟିଛି। ସେମାନଙ୍କୁ ନିଜ ଘରେ ପହଞ୍ଚାଇବାର ଦାୟିତ୍ୱ ନେଇଛନ୍ତି।
Can I give u a tight hug little angel 😍🤗 https://t.co/LhfZTEOvxS
— sonu sood (@SonuSood) June 6, 2020
