ସୁଶାନ୍ତଙ୍କ ଓଡ଼ିଶା ଲିଙ୍କ୍‌: ଶୁଟିଂ ସେଟ୍‌ରେ ସର୍ବଦା କୁଲ୍‌ ରହୁଥିଲେ

ଭୁବନେଶ୍ୱର,୧୪ା୬(ବ୍ୟୁରୋ): ସେଲିବ୍ରିଟିଙ୍କଠାରୁ ଆରମ୍ଭକରି କ୍ରିକେଟର ଓ ରାଜନେତାଙ୍କ ପର୍ଯ୍ୟନ୍ତ ସମସ୍ତେ ଅଭିନେତା ସୁଶାନ୍ତ ସିଂ ରାଜପୁତଙ୍କ ବିୟୋଗରେ ମ୍ରିୟମାଣ ହୋଇପଡିଛନ୍ତି। ତାଙ୍କସହ କାମ କରିଥିବା ଦୁଇ ଓଡ଼ିଆ କଳାକାର ମଧ୍ୟ ଆଜି ଭାଙ୍ଗି ପଡିଛନ୍ତି। ହିନ୍ଦୀ ଫିଲ୍ମ ‘ଛିଛୋରେ’ରେ ସୁଶାନ୍ତ ସିଂ ରାଜପୁତଙ୍କ ସହ ଅଭିନୟ କରି ଚର୍ଚ୍ଚାକୁ ଆସିଥିଲେ ଓଡ଼ିଶାର ଅମ୍ରିତ କଶ୍ୟପ। ରାଉରକେଲା ଜନ୍ମିତ ୨୭ବର୍ଷୀୟ ଏହି ଅଭିନେତା ଉକ୍ତ ଫିଲ୍ମରେ ସୁଶାନ୍ତଙ୍କ ବିରୋଧରେ ଏକ କ୍ରିକେଟ୍‌ ମ୍ୟାଚ୍‌ ଖେଳୁଥିବା ଦୃଶ୍ୟ ବେଶ୍‌ ଆଦୃତ ହୋଇଥିଲା। ତେବେ ଶୁୁଟିଂ ସେଟ୍‌ରେ ସୁଶାନ୍ତ ବୋଲିଂ କରିବା ସମୟରେ ଅମ୍ରିତ ପ୍ରଥମେ ଠିକ୍‌ଭାବେ ବ୍ୟାଟିଂ କରିପାରି ନ ଥିଲେ। ଏହାପରେ ଅମ୍ରିତଙ୍କ ପାଖକୁ ଆସି ସେ ଯାହା କହିଥିଲେ ତାହା ସେଟ୍‌ରେ ସମସ୍ତଙ୍କୁ ଢେର୍‌ ହସାଇଥିଲା। ‘ଧୋନୀଙ୍କ ସହ ଖେଳୁଛୁ, ଠିକ୍‌ଭାବେ ବ୍ୟାଟିଂ କର’, ସୁଶାନ୍ତଙ୍କ ଏହି ପଦିଏ କଥା ଅମ୍ରିତଙ୍କୁ କେବଳ ହସାଇ ନ ଥିଲା, ବରଂ ସେଟ୍‌ରେ କୁଲ୍‌ ହୋଇ କାମ କରିବାକୁ ପ୍ରେରଣା ଯୋଗାଇଥିଲା। ତାଙ୍କ ବିୟୋଗରେ ଭାଙ୍ଗପିଡ଼ିଥିବା ଅମ୍ରିତ କହିଛନ୍ତି, ମୋର ପ୍ରଥମ ଏବଂ ଶେଷ ଫିଲ୍ମ ତାଙ୍କ ସହ ଥିଲା। ଜୀବନରେ କେବେ ହାରି ନ ଯିବାକୁ ‘ଛିଛୋରେ’ ଫିଲ୍ମରେ ସେ ସମସ୍ତଙ୍କୁ ବାର୍ତ୍ତା ଦେଇଥିଲେ। ସେହିଭଳି ଆତ୍ମହତ୍ୟା କେବେ କୌଣସି ସମସ୍ୟାର ସମାଧାନ ନୁହେଁ ବୋଲି କହିଥିଲେ। ହେଲେ ଆଜି ଏ ଖବର ଶୁଣିବାପରେ ମୋର ବିଶ୍ୱାସ ହେଉନି। ଏଥିରେ ମୁଁ ମର୍ମାହତ। ଚାରିପାଖରେ ଯାହା ବି ଘଟୁଛି ସମସ୍ତେ ସେ ସମ୍ପର୍କରେ କଥା ହେବା ଉଚିତ। ଖୋଲାଖୋଲିଭାବେ ଆଲୋଚନା କଲେ ଏଭଳି ଘଟିବନି ବୋଲି ସେ କହିଛନ୍ତି।
କେବଳ ଅମ୍ରିତ ନୁହେଁ, ଆଉଜଣେ ଓଡ଼ିଆ କଳାକାର ମଧ୍ୟ ସୁଶାନ୍ତଙ୍କ ସହ ସ୍କ୍ରିନ୍‌ ଶେୟାର କରିଥିଲେ। ସେ ହେଲେ ଓଡ଼ିଆ ଅଭିନେତା ସତ୍ୟ ରଞ୍ଜନ। ୨୦୧୯ରେ ରିଲିଜ ହୋଇଥିବା ହିନ୍ଦୀ ଆକ୍ସନ ଫିଲ୍ମ ‘ସୋନ୍‌ଚିଡ଼ିୟାଁ’ରେ ସୁଶାନ୍ତ ସିଂ ରାଜପୁତ, ଭୂମି ପେଦ୍‌ନେକର, ମନୋଜ ବାଜପେୟୀ, ରଣବୀର ଶୋରେ ଏବଂ ଆଶୁତୋଷ ରାଣାଙ୍କ ଭଳି ବ୍ରିଲିଆଣ୍ଟ କଳାକାରଙ୍କ ସହ ଅଭିନୟ କରିଥିବା ସତ୍ୟ ଉକ୍ତ ଫିଲ୍ମରେ ନିଖୁଣ ଓ ଜୀବନ୍ତ ଅଭିନୟର ଯାଦୁ ଦେଖାଇଥିଲେ। ଚମ୍ବଲ ଇଲାକାର ଏକ ସତ୍ୟ ଘଟଣା ଉପରେ ଆଧାରିତ ଏହି ଫିଲ୍ମରେ ଭଦ୍ରକ ଜନ୍ମିତ ୩୫ବର୍ଷୀୟ କଳାକାର ସତ୍ୟ ଅଭିନେତା ସୁଶାନ୍ତ ସିଂ ରାଜପୁତ, ମନୋଜ ବାଜପେୟୀ, ଆଶୁତୋଷ ରାଣାଙ୍କ ଭଳି କଳାକାରଙ୍କଠାରୁ ଅନେକ କିଛି ଶିଖିବାକୁ ପାଇଥିବା କହିଥିଲେ। ଜୀବନରେ କେବେ ବଡ଼ କଳାକାର କିମ୍ବା ସେଲିବ୍ରିଟି ହେବା ଇଚ୍ଛା ନ ଥିଲା, ବରଂ ପେସାଗତ ଓ ବୃତ୍ତିଗତ କଳାକାରଙ୍କ ସହ ଅଭିନୟ କରିବାର ଲକ୍ଷ୍ୟ ଥିଲା। ଯାହାକି ଏହି ଫିଲ୍ମ ମାଧ୍ୟମରେ ପୂରଣ ହୋଇଥିବା ସେ କହିଥିଲେ। ତାଙ୍କ ବିୟୋଗରେ ସେ ସୋସିଆଲ ମିଡିଆରେ ଭାବପ୍ରବଣ ହୋଇ ଏକ ପୋଷ୍ଟ କରିବା ସହ ସୁଶାନ୍ତ ବହୁତ ମନେପଡ଼ିବେ ବୋଲି ସତ୍ୟ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କୁକୁର ଆଖିରେ ବି ଲୁହ, ସୁଶାନ୍ତଙ୍କୁ ଖୋଜୁଛି ଫଜ୍‌

ବଲିଉଡ ଷ୍ଟାର ସୁଶାନ୍ତ ସିଂହ ରାଜପୁତ ବେକରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମାତ୍ର ୩୪ ବର୍ଷ ବୟସରେ ସେ କାହିଁକି ଏଭଳି ଚରମ ପଦକ୍ଷେପ...

ରିତେଶ୍‌ ଜେନେଲିୟାଙ୍କୁ ୨ଥର କରିଥିଲେ ବିବାହ

ମୁମ୍ବାଇ: ବଲିଉଡ୍‌ ଅଭିନେତା ତଥା କମେଡି କିଙ୍ଗ୍‌ ରିତେଶ୍‌ ଦେଶମୁଖଙ୍କର ୪୧ ତମ ଜନ୍ମଦିନ ମଙ୍ଗଳବାର ପାଳିତ ହେଉଛି। ୧୯୭୮ ଡିସେମ୍ବର ୧୭ରେ ସେ ଜନ୍ମଗ୍ରହଣ...

ଦିନ ଗଣୁଛନ୍ତି ବରୁଣ

ବରୁଣ ଧାଓ୍ବନ ଏବେ ଠାରୁ ଦିନ ଗଣିବା ଆରମ୍ଭ କରିଦେଲେଣି। କେମିତି ଗଣିବେ ନାହିଁ କହୁନାହାନ୍ତି ? ତାକୁ ନେଇ ତାଙ୍କ ମନରେ କେତେ ଆଶା।...

ମାଡ଼ ଖାଇ ଅଭିନୟ ଶିଖିଥିଲେ ଏହି ଅଭିନେତ୍ରୀ

ମୁମ୍ବାଇ: ବଲିଉଡ୍‌ର ଅରିଜିନାଲ ଡିଭା କୁହାଯାଉଥିବା ରେଖା ବୁଧବାର ୬୪ ବର୍ଷରେ ପଦାର୍ପଣ କରିଛନ୍ତି। ୧୯୫୪ ଅକ୍ଟୋବର ୧୦ ଚେନ୍ନାଇରେ ଜନ୍ମ ଗ୍ରହଣ କରିଥିଲେ ଭାନୁରେଖା...

ଫିଲ୍ମକୁ ଆସିବା ପୂର୍ବରୁ ଏପରି ଦେଖାଯାଉଥିଲେ ହ୍ରିତିକ୍‌ଙ୍କ ଏହି ନାୟିକା…

ମୁମ୍ବାଇ,୧୩।୧୦: ରବିବାର ସାଉଥ୍‌ ଅଭିନେତ୍ରୀ ପୂଜା ହେଗ୍‌ଡ଼େ ନିଜର ଜନ୍ମଦିନ ପାଳନ କରୁଛନ୍ତି। ସେ ୨୯ ବର୍ଷରେ ପଦାର୍ପଣ କରିଛନ୍ତି। ୧୯୯୦ ଅକ୍ଟୋବର ୧୩ରେ ସେ...

୧୯ ବର୍ଷ ସାନ ବିବାହିତ ମହିଳାଙ୍କ ପ୍ରେମରେ ପଡିଥିଲେ ଏହି ପ୍ରସିଦ୍ଧ ଅଭିନେତା

ବଲିଉଡ ଅଭିନେତା ସଞ୍ଜୟ ଦତ୍ତ ଏବଂ ତାଙ୍କ ସ୍ତ୍ରୀ ମାନ୍ୟତା ଦତ୍ତ ମଧ୍ୟରେ ବୟସରେ ପ୍ରାୟ ୧୦ବର୍ଷର ପାର୍ଥକ୍ୟ ଅଛି। ସଞ୍ଜୟଙ୍କୁ ୪୧ ବର୍ଷ ହୋଇଥିବାବେଳେ...

କରୋନା ସହ ଲଢିବାକୁ ପୁଣି ସହାୟତାର ହାତ ବଢାଇଲେ ଅକ୍ଷୟ

ମୁମ୍ବାଇ: କରୋନା ଭାଇରସକୁ ହରାଇବାକୁ ସମସ୍ତେ ଚେଷ୍ଟା ଚଳାଇଛନ୍ତି। ଏପରି ସ୍ଥଳେ ବଲିଉଡ୍‌ ମଧ୍ୟ ସର୍ବଦା ଆଗେଇ ଆସିଛି। ବଲିଉଡ୍‌ ଖିଲାଡି ବୟ ଅକ୍ଷୟ କୁମାର...

ମାତ୍ର ୧୨ ଘଣ୍ଟା ମଧ୍ୟରେ ଷ୍ଟାର ପାଲଟି ଯାଇଥିଲେ ବିଗ୍‌ ବି ଅମିତାଭ

ମୁମ୍ବାଇ: ବଲିଉଡ୍‌ରେ ପ୍ରଥମେ ବିଗ୍‌ ବି ଅମିତାଭ ବଚ୍ଚନଙ୍କୁ ବହୁ ସଂଘର୍ଷ କରିବାକୁ ପଡ଼ିଛି। ଏହାପରେ ତାଙ୍କୁ ମିଳିଥିଲା ଷ୍ଟାର ମାନ୍ୟତା। ତାଙ୍କ ଅଭିନୀତ ଫିଲ୍ମ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *