ବଲିଉଡ୍ରେ ପ୍ରତି ଶୁକ୍ରବାର କିଛି ନା କିଛି ଫିଲ୍ମ ରିଲିଜ୍ ହୋଇଥାଏ। ସେଥିମଧ୍ୟରୁ କିଛି ସିନେମା ବକ୍ସ ଅଫିସରରେ ଭଲ ବ୍ୟବସାୟ କରୁଥିବା ବେଳେ ଆଉ କିଛି ଖରାପ ବ୍ୟବସାୟ କରିଥାଏ। ପ୍ରାୟ ସିନେମାରେ କିଛି ନା କିଛି ଭୁଲ ହୋଇଥାଏ, ଯାହା ଉପରେ ଦର୍ଶକଙ୍କ ନଜର ଯାଇ ନ ଥାଏ। ଏମିତି ୫ଟି ସୁପରହିଟ୍ ସିନେମାରେ ହୋଇଥିବା ଭୁଲ ବିଷୟରେ ଜାଣିବା।
ରବ୍ ନେ ବନାଦି ଯୋଡି: ୧୨ ଡିସେମ୍ବର ୨୦୦୮ରେ ରିଲିଜ୍ ହୋଇଥିଲା ଶାହାରୁଖ୍ ଖାନ୍ ଏବଂ ଅନୁଷ୍କା ଶର୍ମାଙ୍କ ଅଭିନୀତ ଫିଲ୍ମ ‘ରବ୍ ନେ ବନାଦି ଯୋଡି’। ଏଥିରେ ଶାହାରୁଖ୍ ୨ଟି ଚରିତ୍ରରେ ଅଭିନୟ କରିଥିଲେ। ରାଜ୍ ଚରିତ୍ରରେ ଶାହାରୁଖ୍ ଅନୁଷ୍କାଙ୍କ ସହ ଫ୍ଲଟ୍ କରୁଥିବା ବେଳେ ଅନ୍ୟ ଏକ ଚରିତ୍ରରେ ସେ ସ୍ବାମୀ ସୁରେନ୍ଦର ଭୂମିକାରେ ଅଭିନୟ କରିଥିଲେ। ଫିଲ୍ମରେ ନିଶ ଏବଂ କେଶ ଷ୍ଟାଇଲ ବଦଳିଯିବା ପରେ ଅନୁଷ୍କା ସ୍ବାମୀଙ୍କୁ ଚିହ୍ନିପାରୁ ନାହାନ୍ତି। ଏହାକୁ ଦର୍ଶକ ସହଜରେ ଗ୍ରହଣ କରି ନ ଥିଲେ।
ବ୍ୟାଙ୍ଗ୍ ବ୍ୟାଙ୍ଗ୍: ଅକ୍ଟୋବର ୨ରେ ହ୍ରିତିକ୍ ରୋଶନ ଏବଂ କ୍ୟାଟ୍ରିନା କୈଫ୍ଙ୍କ ଅଭିନୀତ ଫିଲ୍ମ ‘ବ୍ୟାଙ୍ଗ୍ ବ୍ୟାଙ୍ଗ୍’ ରିଲିଜ୍ ହୋଇଥିଲା। ଫିଲ୍ମର ଏକ ଦୃଶ୍ୟରେ ହ୍ରିତିକ୍ ଶତ୍ରୁଙ୍କୁ ମାଡ଼ ମାରିବା ସହ ତାଙ୍କଠାରୁ ମାଡ଼ଖାଇ ଛୋଟେଇ ଛୋଟେଇ କ୍ୟାଟ୍ରିନାଙ୍କ ପାଖକୁ ଯାଉଛନ୍ତି। ଏହା ପରେ ‘ତୁ ମେରି’ ଗୀତରେ ନୃତ୍ୟ ଆରମ୍ଭ ହୋଇଯାଉଛି। ଏଥିରେ ହ୍ରତିକ୍ ଏପରି ନୃତ୍ୟ କରୁଛନ୍ତି, ଏହା ଦେଖିଲେ ଲାଗିବ ତାଙ୍କ ଗୋଡରେ ଯେମିତି କୌଣସି ଆଘାତ ଲାଗି ନାହିଁ।
ଚେନ୍ନାଇ ଏକ୍ସପ୍ରେସ୍: ଫିଲ୍ମ ‘ଚେନ୍ନାଇ ଏକ୍ସପ୍ରେସ୍’ରେ ଗୋଆ ଇଜ୍ ଅନ୍ ସିନ୍ ସମସ୍ତଙ୍କର ମନେଥିବ, ଯେଉଁଥିରେ ଶାହାରୁଖ୍ ଦୀପିକାଙ୍କ ସହ ଟ୍ରେନ୍ରେ ଫଶିଯାଉଛନ୍ତି। ଏହି ଦୃଶ୍ୟରେ ଶାହାରୁଖ୍ ଜେନେରାଲ ବଗିରେ ପଶୁଛନ୍ତି ଏବଂ ସ୍ଲିପର ବଗିରୁ ବାହାରୁଛନ୍ତି। ଯାହା ଦର୍ଶକଙ୍କୁ ଅଡୁଆ ଲାଗିଥିଲା।
୩ ଇଡିୟଟ୍ସ: ଆମୀର ଖାନ୍, ଆର୍ ମାଧବନ, ଶରମନ ଯୋଶୀ ଏବଂ କରୀନା କପୁରଙ୍କ ଅଭିନୀତ ଫିଲ୍ମ ‘୩ ଇଡିୟଟ୍ସ’ର ଏକ ଦୃଶ୍ୟରେ ଆମୀର ଛାତ୍ରମାନଙ୍କ କ୍ଲାସ୍ ନେଉଛନ୍ତି। ଏହି ସମୟରେ ସେ ସବୁଜ ରଙ୍ଗର ବୋର୍ଡରେ କିଛି ଶବ୍ଦ ଲେଖୁଛନ୍ତି। ପରେ ସେ ତାକୁ ନିଜ ବନ୍ଧୁଙ୍କ ନାମ ବୋଲି କହୁଛନ୍ତି। ମାତ୍ର ୨ଟି ଦୃଶ୍ୟରେ ବୋର୍ଡରେ ଲେଖାଯାଇଥିବା ଅକ୍ଷର ଭିନ୍ନ ପ୍ରକାରର।
ଶୋଲେ: ବଲିଉଡ୍ ଫିଲ୍ମ ‘ଶୋଲେ’ ଏକ ଐତିହାସିକ ଫିଲ୍ମ। ଫିଲ୍ମର ଶେଷ ଆଡକୁ ସଞ୍ଜିବ କୁମାର ଠାକୁର ଚରିତ୍ରରେ ଅଭିନୟକରି ଗବ୍ବରକୁ ଧୂମ୍ ପିଟୁଛନ୍ତି। ଏଥିରେ ତାଙ୍କୁ ବିନା ହାତରେ ଦେଖିବାକୁ ମିଳୁଛି। ମାତ୍ର ଫିଲ୍ମର କେତୋଟି ଦୃଶ୍ୟରେ ତାଙ୍କ ହାତ ଦେଖାଯାଉଛି।
