କେନ୍ଦୁଝର/ଚମ୍ପୁଆ, ୨୩ା୫(ଡି.ଏନ୍.ଏ.)-କରୋନା ସଂକ୍ରମଣର ପ୍ରତିରୋଧ ପାଇଁ ଦେଶକୁ ଲକ୍ଡାଉନ୍ କରିବା ସହ ସାମାଜିକ ଦୂରତା ରକ୍ଷା କରିବା ଓ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ଦୋକାନରୁ କିଛି ସାମଗ୍ରୀ କିଣିଲେ ଗ୍ରାହକମାନେ ସେମାନଙ୍କର ନାମ, ଠିକଣା ଓ ଫୋନ ନମ୍ବର ଲେଖିବା ପାଇଁ କୁହାଯାଇଛି। ଅନେକ ବ୍ୟବସାୟୀ ଏହି ନିୟମକୁ ମାନୁ ନାହାନ୍ତି। କେନ୍ଦୁଝର ସହରର କଚେରୀ ଛକ, ଗାନ୍ଧୀ ଛକ, ସିିରାଜୁଦ୍ଦିନ ଛକ, ଡେଲି ମାର୍କେଟ, କୃଷକ ବଜାର ଆଦି ସ୍ଥାନଗୁଡ଼ିକରେ ସାବିତ୍ରୀ ବ୍ରତ ପାଇଁ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା। କେହିବି ସାମାଜିକ ଦୂରତ୍ୱ ମାନିବା ସପକ୍ଷରେ ନ ଥିଲେ। ତତୁର୍ଥ ପର୍ଯ୍ୟାୟ ଲକ୍ଡାଉନରେ କିଛିଟା କୋହଳ କରାଯାଇଥିବାବେଳେ ସାମାଜିକ ଦୂରତ୍ୱ ଏବଂ ମାସ୍କ ପରିଧାନକୁ ବାଧ୍ୟତାମୂଳକ କରାଯାଇଛି। ମାତ୍ର ଏହି ନିୟମକୁ ଅନେକ ଲୋକ ପାଳନ କରୁ ନାହାନ୍ତି। ସେହିପରି ଚମ୍ପୁଆରେ ମଧ୍ୟ ଦୋକାନୀମାନେ ଏହି ନିୟମକୁ ଭଙ୍ଗ କରୁଥିବା ଦେଖିବାକୁ ମିଳିଛି।
