ଉଦଳା,୬ା୫(ଡି.ଏନ୍.ଏ.)- ଗ୍ରୀନ ଜୋନ୍ରେ ଥିବା ମୟୂରଭଞ୍ଜ ଉଦଳାରେ ଦୋକାନ ବଜାର ଖୋଲାଯାଇଛି। ହେଲେ ଏଠାରେ ଅସମ୍ଭବ ଗହଳି ଦେଖିବାକୁ ମିଳୁଛି। ଗ୍ରୀନ୍ ଜୋନରେ ଦୋକାନ ଖୋଲିବା ସମୟରେ କେତେକ କଟକଣା ରହିଥିବା ବେଳେ ତାହାକୁ ଖୋଲାଖୋଲି ଉଲ୍ଲଂଘନ କରାଯାଉଛି। ବିଶେଷକରି ସାମାଜିକ ଦୂରତ୍ୱ ଏବଂ ମାସ୍କ ପରିଧାନ ନିୟମ ବାଧ୍ୟତାମୂଳକ ଥିବା ବେଳେ ତାହାକୁ ଏଠାରେ ଉଲ୍ଲଂଘନ କରାଯାଉଥିବା ଦେଖିବାକୁ ମିଳୁଛି। କଟକଣା କୋହଳ ହେବା ପରେ ଦୋକାନ ବଜାର ଖୋଲିଥିବା ବେଳେ କୌଣସି ଦୋକାନ ସମ୍ମୁଖରେ ବୃତ୍ତ ଚିହ୍ନ ବୁଲାଯାଇ ନାହିଁ। ଏହା ସହିତ ଦୋକାନ ସମ୍ମୁଖରେ ପ୍ରବଳ ଭିଡ଼ ଲାଗି ରହୁଥିବା ଦେଖାଯାଇଛି। ମାର୍କେଟ କମ୍ପ୍ଲେକ୍ସରେ ଥିବା ଦୋକାନ ନ ଖୋଲିବା ପାଇଁ କଟକଣା ରହିଥିବା ବେଳେ ତାହାକୁ ଉଲ୍ଲଂଘନ କରାଯାଇ ଦୋକାନ ଖୋଲାଯାଉଛି। ପୂର୍ବରୁ ଉଦଳାରେ ଦୈନନ୍ଦିନ ଯେପରି ବଜାର ଭିଡ଼ ରୁହେ ସେହିପରି ଭିଡ ପରିଲକ୍ଷିତ ହେଉଛି।
