ସବୁଜିମା ଫେରିବା ନେଇ ଆଶଙ୍କା: ଚାରା ନେବାକୁ ଆଗ୍ରହ ଦେଖାଉନାହାନ୍ତି ସହରୀ ଲୋକ

ପୁରୀ ଅଫିସ, ୮ା୭: ପୁରୀ ଜିଲାକୁ ଏକପ୍ରକାର ଗଛ ଶୂନ୍ୟ କରିଦେଇଛି ପ୍ରଳୟଙ୍କରୀ ସାମୁଦ୍ରିକ ଝଡ଼ ଫନୀ। ବାତ୍ୟାରେ ଜିଲାରେ ଲକ୍ଷ ଲକ୍ଷ ଗଛ ଭାଙ୍ଗିଯିବାରୁ ସବୁଜିମା ନଷ୍ଟ ହୋଇଛି। ବନ ବିଭାଗ ପୁଣି ସବୁଜିମା ଫେରାଇ ଆଣିବାକୁ ଉଦ୍ୟମ ଆରମ୍ଭ କରିଛି। ଲୋକଙ୍କୁ ସଚେତନ କରିବା ସହ ମାଗଣା ଚାରା ବାଣ୍ଟିବା ଆରମ୍ଭ କରିଛି। ଗ୍ରାମଞ୍ଚଳରେ ଲୋକମାନେ ଚାରା ନେବାକୁ ଆଗ୍ରହ ପ୍ରକାଶ କରୁଥିବାବେଳେ ସହରୀ ମଣିଷ ବାଡ଼ିବଗିଚାରେ ଗଛଟିଏ ଲଗାଇବାକୁ ସେତେଟା ଆଗ୍ରହ ଦେଖାଉ ନାହାନ୍ତି। ଜିଲାର ବିଭିନ୍ନ ସ୍ଥାନରେ ଗତ ୧ ତାରିଖଠାରୁ ଚାରା ବିତରଣ କେନ୍ଦ୍ର ଖୋଲିଥିବା ବେଳେ କାଗଜପତ୍ରରୁ ଏହି ତଥ୍ୟ ଜଣାପଡ଼ିଛି। ପୁଣି ଲୋକଙ୍କ ଚାହିଦା ମୁତାବକ ଚାରା (ଆମ୍ବ, ପଣସ, ନଡ଼ିଆ ଆଦି ଫଳଚାରା)ବି ବିତରଣ କେନ୍ଦ୍ରରେ ଉପଲବ୍ଧ ହେଉ ନାହିଁ। ତେବେ ବନ ବିଭାଗ ପକ୍ଷରୁ ପର୍ଯ୍ୟାପ୍ତ ଚାରା ଅଣାଯାଇ ଭିଆଇପି ରୋଡ଼ ବନାନୀ ପରିସରରେ ଗଛିତ ରଖାଯାଇଥିଲେ ମଧ୍ୟ ବଣ୍ଟନ ଏତେଟା ଉତ୍ସାହଜନକ ହେଉନାହିଁ। ଫଳରେ ସବୁଜିମା ଫେରିବା ନେଇ ଆଶଙ୍କା ଦେଖାଦେଇଛି।
ବାତ୍ୟାରେ ଲକ୍ଷ ଲକ୍ଷ ଗଛ ଭାଙ୍ଗିଯବାରୁ ଶ୍ରୀହୀନ ଦେଖାଯାଉଥିଲା ପୁରୀ। ବିଶେଷକରି ପୁରୀ-କୋଣାର୍କ ରାସ୍ତା ପାର୍ଶ୍ୱସ୍ଥ ୮୭ ବର୍ଗକିମି ପରିବ୍ୟାପ୍ତ ବାଲୁଖଣ୍ଡ ଅଭୟାରଣ୍ୟ ସମ୍ପୂର୍ଣ୍ଣ ଭାବେ ଉଜୁଡ଼ି ଯାଇଥିଲା। ପ୍ରାୟ ୫ ହଜାର ହେକ୍ଟର ଅଞ୍ଚଳର ଲକ୍ଷାଧିକ ଗଛ ଧରାଶାୟୀ ହୋଇପଡିଥିଲା। ସେହିପରି ଜିଲାରେ ବ୍ୟାପକ ମାତ୍ରାରେ କାଜୁ ବଗିଚା ଓ ନଡ଼ିଆ ବଗିଚା ଛାରଖାର ହୋଇଯାଇଥିଲା। ତେଣୁ ଜିଲାରରେ ସବୁଜିମା ଫେରାଇ ଆଣିବା ଲାଗି ପୁରୀ ବନଖଣ୍ଡ ପକ୍ଷରୁ ଲୋକଙ୍କୁ ମାଗଣାରେ ଚାରା ବିତରଣ କରାଯିବାକୁ ନିଷ୍ପତ୍ତି ହୋଇଥିଲା। ପୁରୀ ବନମଣ୍ଡଳ ଅଧୀନସ୍ଥ କୋଣାର୍କ, ସାକ୍ଷୀଗୋପାଳ, ବ୍ରହ୍ମଗିରି, ଅସ୍ତରଙ୍ଗ, ଗୋପ ଏବଂ ପୁରୀ ସହରରେ ଚାରା ବିତରଣ କେନ୍ଦ୍ର ଖୋଲାଯାଇଛି। ପୁରୀ ସହରର ବଳଗଣ୍ଡି ଛକ ଏବଂ ଭିଆଇପି ରୋଡ (ବନ ବିଭାଗ ବନାନୀ ନିକଟ)ରେ ଖୋଲିଛି ୨ଟି କେନ୍ଦ୍ରରେ ଝାଉଁ, ପାଟୋଳି, ନିମ୍ବ, ଚାକୁଣ୍ଡା, କୁକୁମ, କୁତ୍ରଞ୍ଜିବା, ଅର୍ଜୁନ, ଜାମୁ, କଦମ୍ବ, ଶିଶୁ ପ୍ରଭୃତି ଜଙ୍ଗଲୀ ଚାରା ଉପଲବ୍ଧ ହେଉଛି। ଗ୍ରାମାଞ୍ଚଳ ଲୋକଙ୍କୁ ୧୦ଟି ଏବଂ ସହରାଞ୍ଚଳ ଲୋକଙ୍କୁ ୫ଟି ଚାରା ଦେବାକୁ ନିଷ୍ପତ୍ତି ହୋଇଛି। ଠିକଣା ଦେଇ ଜଣେ ବ୍ୟକ୍ତି ଚରା ନେଇପାରିବ ବୋଲି ବିଭାଗ ପକ୍ଷରୁ ଗାଇଡ୍‌ଲାଇନ ରଖାଯାଇଛି। ତେବେ ୭ ତାରିଖ ସୁଦ୍ଧା ଭିଆଇପି ରୋଡ କେନ୍ଦ୍ରକୁ ମାତ୍ର ୨୮୫ ଜଣ ଲୋକ ଚାରା ନେବାକୁ ଆସିଛନ୍ତି। ଏହି ୭ ଦିନରେ ମୋଟ ୨,୪୯୯ଟି ଚାରା ବଣ୍ଟନ କରାଯାଇଛି। ତେଣୁ ଏହି ସଂଖ୍ୟା ହିଁ ଲୋକଙ୍କ ମଧ୍ୟରେ ବୃକ୍ଷରୋପଣ କରିବାର ମାନସିକତା କମ୍‌ ଥିବା ସ୍ପଷ୍ଟ କରୁଛି। ମାଗଣାରେ ମିଳୁଥିଲେ ବି ବିଶେଷକରି ସହରୀ ମଣିଷ ଏଥିପ୍ରତି ଆଗ୍ରହ ଦେଖାଉ ନାହାନ୍ତି। ଗ୍ରାମାଞ୍ଚଳ ଲୋକେ ସେମିତି ଏତେଟା ବାଛବିଚାର କରୁନାହାନ୍ତି। ବାଡିରୁ ଗଛ ଶୂନ୍ୟ ହୋଇଯାଇଥିବାରୁ ଯେ କୌଣସି ଗଛ ଲଗାଇବାକୁ ପାଇଁ ଚାରା ନେଉଛନ୍ତି।
ମିଳିଥିବା ସୂଚନା ଅନୁଯାୟୀ, ଲୋକେ ବିଶେଷ ଭାବେ ଫଳ ଚାରା ପ୍ରତି ଅଧିକ ଆଗ୍ରହ ପ୍ରକାଶ କରୁଛନ୍ତି। ଆମ୍ବ, ପଣସ, ନଡ଼ିଆ ଚାରା ଖୋଜୁଛନ୍ତି। କିନ୍ତୁ ଏ ସବୁ ଚାରା ବିତରଣ କେନ୍ଦ୍ରରେ ଉପଲବ୍ଧ ହେଉନାହିଁ। ଯେ ହେତୁ ବନ ବିଭାଗ ପକ୍ଷରୁ ଏହି କେନ୍ଦ୍ର ଖୋଲାଯାଇଛି ତେଣୁ ଏହିସବୁ ଫଳ ଚାରା ନ ମିଳିବା ସ୍ବାଭାବିକ। ଉଦ୍ୟାନ କୃଷି ବିଭାଗ ଯଦି ଲୋକଙ୍କ ଚାହିଦା ମୁତାବକ ଫଳ ଚାରା ଯୋଗାଇ ଦିଅନ୍ତା ତେବେ ବନ ବିଭାଗର ଏହି ଉଦ୍ଦେଶ୍ୟ ଫଳପ୍ରଦ ହୋଇପାରନ୍ତା ବୋଲି କୁହାଯାଉଛି। ଅନ୍ୟପକ୍ଷରେ ସୋମବାର ଆନ୍ଧ୍ରପ୍ରଦେଶ ଏବଂ ପଶ୍ଚିମବଙ୍ଗରୁ ୨ଟି ଟ୍ରକ୍‌ ଯୋଗେ ବିଭିନ୍ନ ପ୍ରକାର ଚାରା ଆସି ପହଞ୍ଚତ୍ଛି। ବନାନୀ ପରିସରରେ ଏସବୁ ଚାରା ରଖାଯାଇଛି। ଆନ୍ଧ୍ରପ୍ରଦେଶରୁ ୯୫୧ ଏବଂ ପଶ୍ଚିମବଙ୍ଗରୁ ୫୫୭ଟି ଚାରା ଆସିଛି। ଏଥିରେ ବର, ଅଶ୍ୱସ୍ତ, ବଉଳ, ଜାମୁ, ମେହନାଦ, ପିପଳ, କରଞ୍ଜ, ନିମ୍ବ, ପାଟୋଳି ପ୍ରଭୃତି ଚାରା ଆସିଥିବା ଜଣାପଡିଛି। ସେହିପରି ବନ ବିଭାଗର ଖୋର୍ଦ୍ଧା ଡିଭିଜନରୁ ଶିଶୁ, ଅର୍ଜୁନ, କରଞ୍ଜ ଏବଂ ରାୟପୁରରୁ ଝାଉଁ ଚାରା ଆସିଛି। ଏଗୁଡ଼ିକୁ ଲୋକେ ନେଇ ନିଜ ବାଡ଼ିବଗିଚାରେ ଲଗାଇ ଉପଯୁକ୍ତ ଯତ୍ନ ନେବାକୁ ଡିଏଫ୍‌ଓ ହର୍ଷବର୍ଦ୍ଧନ ଉଦ୍‌ଗାତା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

୯ରୁ ୨ଟା ଯାଏ ଖୋଲିବ ଅଙ୍ଗନଓ୍ବାଡ଼ି କେନ୍ଦ୍ର

ଭୁବନେଶ୍ୱର,୨୪ା୬(ବ୍ୟୁରୋ): ରାଜ୍ୟରେ ଥିବା ସମସ୍ତ ଅଙ୍ଗନଓ୍ବାଡ଼ି କେନ୍ଦ୍ର ସ୍ବାଭାବିକ ଭାବେ ଜୁନ୍‌ ୨୭ରୁ ମାର୍ଚ୍ଚ ୩୧ ମଧ୍ୟରେ ସକାଳ ୯ଟାରୁ ମଧ୍ୟାହ୍ନ ୨ଟା ଯାଏ ଖୋଲା...

ସୁସ୍ଥ ହେଲେ ୧୧୫୦ କରୋନା ଆକ୍ରାନ୍ତ: ଜାଣନ୍ତୁ କେଉଁ ଜିଲାରୁ କେତେ

ଭୁବନେଶ୍ୱର, ୬।୮(ବ୍ୟୁରୋ): ମହାକାରୀ କରୋନାରୁ ଗୁରୁବାର ୧୧୫୦ଜଣ ସୁସ୍ଥ ହୋଇଛନ୍ତି। ଏମାନଙ୍କୁ ମିଶାଇ ଆଜି ସୁଦ୍ଧା ରାଜ୍ୟରେ ୨୬,୮୮୭ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏ...

ପାରଳାଖେମୁଣ୍ଡି ଉପକାରାଗାରରେ ପଶିଲା କରୋନା

ପାରଳାଖେମୁଣ୍ଡି,୯ା୮(ସ୍ବ.ପ୍ର.): ଗଜପତି ଜିଲାରେ କରୋନା କାୟା ମେଲାଇବାରେ ଲାଗିଛି। ଜିଲାର ବିଭିନ୍ନ ଅଞ୍ଚଳରୁ ମଙ୍ଗଳବାର ୮୫ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ସେହିପରି ପାରଳାଖେମୁଣ୍ଡି ଉପକାରାଗାରରେ...

ଭୂତଳ ଜଳ ସ୍ଥିତି ସଙ୍ଗିନ

ଭୁବନେଶ୍ୱର,୨।୪(ବ୍ୟୁରୋ):ରାଜ୍ୟରେ ତାତି ବଢ଼ିଚାଲିଛି। ପ୍ରତ୍ୟେକ ବର୍ଷ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଏକ ଶୁଷ୍କ ପରିବେଶ ସୃଷ୍ଟି କରୁଛି। ବିଭିନ୍ନ ଜିଲାରେ ଜଳକଷ୍ଟ ଦେଖାଦେଉଛି। ଆବଶ୍ୟକ ପରିମାଣ...

୬ ଇନ୍‌ଷ୍ଟ୍ରକ୍ଟର ତିଆରି କଲେ ରୋବଟ୍‌

କଟକ ଅଫିସ,୨୯ା୪: କରୋନା ଭୂତାଣୁ ବିପକ୍ଷରେ ସାରା ବିଶ୍ୱ ଲଢେଇ କରୁଛି। ଜିତିବାର ଆଶା ସମସ୍ତଙ୍କ ମନରେ ରହିଛି। ଏହି ଭୂତାଣୁ ବିଶ୍ୱରେ ନିଜ କାୟା...

୧୭ ଜୀବନ ନେଲାଣି କରୋନା

ଭୁବନେଶ୍ୱର, ୨୪।୬(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନାଜନିତ ମୃତ୍ୟୁ ସଂଖ୍ୟା ବଢ଼ିଚାଲିଛି। ମାର୍ଚ୍ଚ ୧୫ରେ ପ୍ରଥମ ପଜିଟିଭ୍‌ ଚିହ୍ନଟ ହେବା ପରେ ରାଜ୍ୟ ସରକାର ଆକ୍ରାନ୍ତଙ୍କ...

ରାଜ୍ୟରେ ସୁସ୍ଥ ହେଲେ ଆଉ ୨୭୧୬ କରୋନା ଆକ୍ରାନ୍ତ: ଖୋର୍ଦ୍ଧା ଜିଲାରୁ ସର୍ବାଧିକ ସୁସ୍ଥ

ଭୁବନେଶ୍ୱର,୨୧।୧୦(ବ୍ୟୁରୋ)-ରାଜ୍ୟରେ ବୁଧବାର ଆଉ ୨୭୧୬ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧା ଜିଲାରୁ ସର୍ବାଧିକ ୫୮୬ ଆକ୍ରାନ୍ତ ସୁସ୍ଥ ହୋଇଥିବାବେଳେ ସୁନ୍ଦରଗଡ଼ରୁ ୨୦୬, ଅନୁଗୋଳରୁ ୨୦୧,...

କରୋନା ଆକ୍ରାନ୍ତଙ୍କ ପରିଚୟ ପ୍ରଘଟ ମାମଲା: ପରିବାର ଅନୁମତି ନେଇ ନାଁ ସାର୍ବଜନୀନ କରିହେବ

କଟକ ଅଫିସ,୧୭।୭: କରୋନା ଆକ୍ରାନ୍ତଙ୍କ ନାମ ପ୍ରଘଟ ଉପରେ କଟକଣା ଜାରି କରିବା ପାଇଁ ରୁଜୁ ହୋଇଥିବା ମାମଲାରେ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ। ପରିବାର...

Advertisement
Archives

Model This Week