ନୂଆଦିଲ୍ଲୀ,୨୭।୫: ଭାରତର ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତଃ ଅଟଳ ବିହାରୀ ବାଜପେୟୀଙ୍କ ଭବିଷ୍ୟବାଣୀ ଏବେ ସତ ହୋଇଥିବା ଆଲୋଚନା ହେଉଛି। ପାଖାପାଖି ଦୁଇ ଦଶକ ପରେ ଏହା ସତ ହୋଇଥିବା କୁହାଯାଉଛି। ସୂଚନାଯୋଗ୍ୟ, ୧୯୯୯ରେ ଯେତେବେଳେ ବାଜପେୟୀ ସରକାର ଖଣ୍ଡେ ଭୋଟରେ ହାରି ଯାଇଥିଲେ ସେତେବେଳେ ବିରୋଧୀ କଂଗ୍ରେସ ତାଙ୍କ ଉପରେ ଖୁବ୍ ହସିଥିଲେ। ହେଲେ ବାଜପେୟୀ କହିଥିଲେ ଏମିତି ଦିନ ଆସିବ ଯେତେବେଳେ ସାରା ଭାରତ ଆପଣଙ୍କ ଉପରେ ହସୁଥିବ ଆଉ ସବୁଠି ପଦ୍ମ ଫୁଟିଥିବ। ଅର୍ଥାତ୍ ଭାଜପା ଦେଶର ଶାସନ ଭାର ହାତେଇଥିବ। ଏବେ ବାଜପେୟୀଙ୍କର ଏହି ଭବିଷ୍ୟବାଣୀ ସତ ହୋଇଥିବା ବେଳେ ବିରୋଧୀ କଂଗ୍ରେସ ପରସ୍ପରର ମୁହଁ ଦେଖିବାକୁ ବି ଲଜ୍ୟା ବୋଧ କରୁଛି। ଏବେ ବାଜପେୟୀଙ୍କ ଏହି ଭବିଷ୍ୟବାଣୀ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
