ଭୁବନେଶ୍ୱର, ୧୧।୬(ବ୍ୟୁରୋ): କରୋନା ସଙ୍କଟ ଭିତରେ ରଜ ପର୍ବକୁ ସତର୍କତାର ସହ ପାଳନ କରିବାକୁ ରାଜ୍ୟ ସରକାରଙ୍କ କରୋନା ମୁଖପାତ୍ର ସୁବ୍ରତୋ ବାଗ୍ଚୀ ପରାମର୍ଶ ଦେଇଛନ୍ତି। ସେ କହିଛନ୍ତି, ସମଗ୍ର ନାରୀ ଜାତିକୁ ସମ୍ମାନ ଦେବାର ପର୍ବ ରଜ। ଏହି ସମୟରେ ସତର୍କ ରହି ରଜ ପାଳକ କରିବା। ଆମେ ଜୀବନକୁ ବିପନ୍ନ କରି ପାଳନ କରିବା ଉଚିତ ନୁହେଁ। ରଜ ବଜାରକୁ ଗଲେ ସାମାଜିକ ଦୂରତା ରକ୍ଷା କରନ୍ତୁ। ଭିଡ଼ରୁ ଦୂରେଇ ରହିବା ସହ ମାସ୍କ ପିନ୍ଧନ୍ତୁ। ଜିନିଷ କିଣି ଆଣିବା ପରେ ପ୍ରଥମେ ସାନିଟାଇଜ କରନ୍ତୁ, ପରେ ଘରକୁ ନିଅନ୍ତୁ। ପରିବାର ଭିତରେ ଏହି ପର୍ବ ପାଳନ କରିବାକୁ ଚେଷ୍ଟା କରନ୍ତୁ ବୋଲି ବାଗ୍ଚୀ ପରାମର୍ଶ ଦେଇଛନ୍ତି।
ଉଭୟ ବ୍ୟବସାୟୀ ଓ ଗ୍ରାହକ ମାସ୍କ ପିନ୍ଧିବେ। ମାସ୍କ ଖୋଲି କଥା ହେବେ ନାହିଁ। ବିନା ମାସ୍କରେ ଗ୍ରାହକଙ୍କୁ ଭିତରକୁ ଛାଡିବେନି। ହାତ ସାନିଟାଇଜ୍ କରିବେ। ନଗଦ କାରବାର ହ୍ରାସକରି ଡିଜିଟାଲ ପେମେଣ୍ଟ ଗ୍ରହଣ କରିବେ। ଲୁଗା ଦୋକାନୀମାନେ ହାତରେ ଗ୍ଲୋଭସ ପିନ୍ଧି ଜିନିଷ ଦେଖାଇବେ। ଗ୍ରାହକମାନେ ୬ ଫୁଟର ଦୂରତ୍ୱ ରଖିବା ଉଚିତ ବୋଲି ବାଗ୍ଚୀ ପରାମର୍ଶ ଦେଇଛନ୍ତି।
