ବର୍ଲିନ୍,୧୮।୧୧: ଜର୍ମାନୀ ସରକାର ଶିଶୁଙ୍କ ପାଇଁ ଉଦ୍ଦିଷ୍ଟ ମିଳିମିଳା ପ୍ରତିଷେଧକ ଟୀକାକୁ ଦେଶରେ ବାଧ୍ୟତାମୂଳକ କରିଛନ୍ତି। ଏହାର ଅବମାନନା କରୁଥିବା ଅଭିଭାବକଙ୍କୁ ୨ ଲକ୍ଷ ଟଙ୍କା ଜରିମାନା ଦେବାକୁ ପଡ଼ିବ। ଏନେଇ ଜର୍ମାନୀ ସଂସଦରେ ଏକ ପ୍ରସ୍ତାବ ସର୍ବସମ୍ମତ ଭାବେ ଆଇନରେ ପରିଣତ ହୋଇଛି। ସ୍କୁଲରେ ନାମ ଲେଖାଇବା ସମୟରେ ଏସମ୍ପର୍କିତ ସାର୍ଟିଫିକେଟ ମଧ୍ୟ ଦେବାକୁ ପଡ଼ିବ ବୋଲି ସରକାର ନିର୍ଦ୍ଦେଶ ଜାରି କରିଛନ୍ତି। ଦେଶରେ ମିଳିମିଳା ସଂକ୍ରମଣ ସମସ୍ୟା ସୃଷ୍ଟି କରୁଥିବାରୁ ସରକାର ଏଭଳି ନିଷ୍ପତ୍ତି ନେଇଛନ୍ତି। ଏହି ଆଇନ ୨୦୨୦ ମାର୍ଚ୍ଚ ଠାରୁ ଲାଗୁ ହେବ। ସୂଚନାଯୋଗ୍ୟ, ୨୦୧୮ରେ ଦେଶରେ ୩ ଲକ୍ଷ ୫୦ ହଜାରରୁ ଅଧିକ ମିଳିମିଳା ସଂକ୍ରମଣ ଘଟଣା ପଞ୍ଜିକୃତ ହୋଇଥିଲା।
