ମାଲକାନଗିରି,୧୫।୫(ଡି.ଏନ.ଏ)-ମାଟିର ମହକ ନିଆରା । ରୋଷେଇ ସାମଗ୍ରୀ ଠାରୁ ଆରମ୍ଭ କରି ବିଭିନ୍ନ ବସ୍ତୁ ତିଆରିରେ ବ୍ୟବହାର ହୁଏ ମାଟି| ଦିନଥିଲା କୁମ୍ଭାର ମାନେ ସାହି ସାହି ବୁଲି ନିଜ ହାତ ଗଢା ମାଟି ପାତ୍ରକୁ ବିକ୍ରି କରୁଥିଲେ ା ଆଉ ଲୋକେ ବି ବେଶ ଆଦରର ସହ ତାହାକୁ କ୍ରୟ କରି ବ୍ୟବହାର କରୁଥିଲେ ା ହେଲେ ଏବେ କିନ୍ତୁ ଦୃଶ୍ୟ ଅଲଗା । ବୁଡ଼ିବାକୁ ବସିଲାଣି ଏହି ବୃତ୍ତି ା ଜନ୍ମରୁ ଆରମ୍ଭ କରି ମୃତ୍ୟୁ ପର୍ଯ୍ୟନ୍ତ ସବୁ କ୍ଷେତ୍ରରେ ମାଟି ପାତ୍ର ଦରକାର ପଢୁଥିଲେ ବି ଆଜିକାର ପ୍ଲାଷ୍ଟିକ୍ ଯୁଗ ଧୀରେ ଧୀରେ ମାଟି ପାତ୍ର ଉପରେ ନିଜର କବଜା ଜାହିର କରି ସାରିଲାଣି ା ବାଧ୍ୟ ହୋଇ କୌଳିକ ବୃତ୍ତିରୁ କିଛି କୁମ୍ଭକାରମାନେ ଓହରି ଯାଇଥିବା ବେଳେ ଆଉ କିଛି ଏହି ବୃତ୍ତିକୁ ଆପଣେଇ ଆଦରି ରଖିଛନ୍ତି। ଅର୍ଥାଭାବ ଓ ସରକାରୀ ପ୍ରୋସତ୍ାହନ ମିଳୁନଥିବାରୁ ସେମାନେ ବି ଅନେକ ଅସୁବିଧାର ସମ୍ମୁଖୀନ ହେଉଛନ୍ତିି ା ମାଟି ପାତ୍ର ନିର୍ମାଣ କରିବାକୁ ଏହି କୁମ୍ଭକାରମାନଙ୍କୁ ଅନେକ ପରିଶ୍ରମ କରିବାକୁ ପଡେ ା ମାଟି ଚକଟା ଠୁ ଆରମ୍ଭ କରି ପାତ୍ରଟିଏ ନିର୍ମାଣ କରିବା ଏତେ ସହଜ ନଥାଏ ା ତଥାପି ନିଜର କଳାକୁ ଏହି କାରିଗରମାନେ ମାଟି ମାଧ୍ୟମରେ ଜୀବିତ କରିଥାନ୍ତି। ଆଉ ଗଢିଥାନ୍ତିି ମାଟିରୁ ଅନେକ ସୁନ୍ଦର ବସ୍ତୁମାନ ା କିନ୍ତୁ ଏହି କୁମ୍ଭାକାରମାନଙ୍କୁ ମିଳୁନି ସେମାନଙ୍କ ପରିଶ୍ରମର ଉପଯୁକ୍ତ ପାରିଶ୍ରମିକ ା ମାଲକାନଗିରି ଜିଲା ସଦର ମହକୁମାରେ ବସବାସ କରୁଥିବା ପ୍ରାୟ ୨୦ ରୁ ଅଧିକ କୁମ୍ଭାର ପରିବାର ପକ୍କା ଘର କିମ୍ବା ଅନ୍ୟାନ୍ୟ ସରକାରୀ ସାହାଯ୍ୟରୁ ମଧ୍ୟ ବାଦ ପଡିଛନ୍ତିି ା ଏମାନଙ୍କ ପାଇଁ ଯୋଜନା ତ ବହୁ ଦୂର କଥା , କାମ କରିବା ପାଇଁ ନାହିଁି ଗୋଟିଏ ବି ହାଣ୍ଡିଶାଳ ା ମାଟି ପାତ୍ରକୁ ବିକିବା ନିମନ୍ତେ ନାହିଁି ଉପଯୁକ୍ତ ବଜାର। ଯେଉଁଥି ପାଇଁ କୁମ୍ଭାରମାନେ ନିଜର ନିର୍ମିତ ମାଟି ପାତ୍ରଗୁଡିକୁ କମ ଦାମ୍ରେ ବିକୁଛନ୍ତ ା ରୋଜଗାର କମ ହେଉଥିବାରୁ ପିଲାମାନଙ୍କୁ ଉଚ୍ଚ ଶିକ୍ଷା ଦେବା ତ ଦୂରର କଥା ଖାଇବାକୁ ମଧ୍ୟ ଠିକ୍ ରୂପେ ଦେଇପାରୁନୁ ବୋଲି ମଇନା କୁମ୍ଭାର ଓ ଗଣପତି କୁମ୍ଭାର ପ୍ରକାଶ କରିଛନ୍ତି ା ଏହି ବୃତ୍ତିରେ ପରିବାର ଭରଣ ପୋଷଣ କଷ୍ଟକର ହେଉଥିବାରୁ ଅନେକ ଏହି କାରଣରୁ କୁମ୍ଭକାର ବ୍ୟବସାୟକୁ ଛାଡି ଅନ୍ୟ କାମ କରିବାକୁ ମଧ୍ୟ ଆରମ୍ଭ କରିସାରିଲେଣି ବୋଲି ଅଶୋକ କୁମ୍ଭାର ଓ ସୋନିଆ କୁମ୍ଭାର କହିଛନ୍ତି। ଏହି କୌଳିକ ବୃତ୍ତିର ସୁରକ୍ଷା ପାଇଁ ଜିଲା ପ୍ରଶାସନ ପଦକ୍ଷେପ ନେବାକୁ ଦାବି ହେଉଛି ା
