ବାରବାଙ୍କି,୯।୬: ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ରାସ୍ତାକଡ଼ରୁ ମକା କିଣି ଖାଇବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି। ଶନିବାର ଅଖିଳେଶ ବାରବାଙ୍କିରେ ମଦ ପିଇ ମୃତ୍ୟୁ ହୋଇଥିବା ପରିବାର ସଦସ୍ୟଙ୍କୁ ଭେଟିବାକୁ ଯାଇଥିଲେ। ସେଠାରୁ ଫେରିବା ସମୟରେ ହଠାତ୍ ତାଙ୍କ ଗାଡ଼ି ରାମନଗରର କେଶରିପୁରଠାରେ ଥିବା ଲେବଲ୍ କ୍ରସିଂ ନିକଟରେ ଅଟକି ଯାଇଥିଲା। ସେଠାରେ ଜଣେ ବ୍ୟକ୍ତି ରାସ୍ତା କଡ଼ରେ ମକା ବିକ୍ରି କରୁଥିଲେ। ଅଖିଳେଶ ଗାଡ଼ି ଅଟକାଇ ମକାର ଦାମ୍ ସହ ଏହା ମିଠା ଅଛି କି ନା ବୋଲି ପଚାରିଥିଲେ। ତେବେ ମକା ବିକାଳି ଜଣକ ନମ୍ରତାର ସହ ମିଠା ମକା ବୋଲି କହି ଏହାର ଦାମ୍ ଦଶ ଟଙ୍କା ବୋଲି କହିଥିଲେ। ଅଖିଳେଶ ତାଙ୍କଠାରୁ ଏକ ମକା କିଣି ଖାଇ ସେଠାରୁ ଚାଲି ଆସିଥିଲେ।
