ଲକ୍ଷ୍ନୌ,୧୦।୮: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ରାକ୍ଷୀ ପୂର୍ଣ୍ଣିମା ଅବସରରେ ମହିଳାମାନଙ୍କୁ ବିଶେଷ ଉପହାର ଦେଇଛନ୍ତି। ଉକ୍ତଦିନ ମହିଳାମାନେ ମାଗଣାରେ ବସ୍ ଯାତ୍ରା କରିପାରିବେ ବୋଲି ଯୋଗୀ ଆଦିତ୍ୟନାଥ ଘୋଷଣା କରିଛନ୍ତି। ସରକାରୀ ସିଟି ବସ୍ ଓ ଉତ୍ତର ପ୍ରଦେଶ ପରିବହନ ନିଗମ ବସ୍ରେ ମହିଳାମାନେ ମାଗଣା ଯାତ୍ରା କରିବେ। ଅଗଷ୍ଟ ୧୫ରେ ରାକ୍ଷୀ ପୂର୍ଣ୍ଣିମା ପଡୁଥିବାରୁ ୧୪ ଅଗଷ୍ଟ ରାତି ୧୨ଟାରୁ ୧୫ ଅଗଷ୍ଟ ରାତି ୧୨ଟା ପର୍ଯ୍ୟନ୍ତ ମହିଳାମାନେ ଏହି ମାଗଣା ଯାତ୍ରାର ଲାଭ ଉଠାଇ ପାରିବେ। ରାକ୍ଷୀ ପୂର୍ଣ୍ଣିମାକୁ ଦୃଷ୍ଟିରେ ରଖି ଅତିରିକ୍ତ ବସ୍ ଚଲାଇବାକୁ ମଧ୍ୟ ନିଷ୍ପତ୍ତି ନେଇଛନ୍ତି ସରକାର। ଅଗଷ୍ଟ ୧୩ରୁ ଏହା ଅଗଷ୍ଟ ୧୮ ପର୍ଯ୍ୟନ୍ତ ବିଭିନ୍ନ ମାର୍ଗରେ ଚାଲିବ।
