ବ୍ରହ୍ମପୁର ଅଫିସ,୧୨ା୭: ବୟସ ୧୫ ବର୍ଷ। ଏହି ସ୍ବଳ୍ପ ବୟସରୁ ସେ ଜାତୀୟସ୍ତରରେ ସୃଷ୍ଟି କରିଛନ୍ତି ନିଜର ପରିଚୟ ା ସେ ହେଲେ ବ୍ରହ୍ମପୁର ଅରବିନ୍ଦ ନଗରର ପ୍ରଦୀପ କୁମାର ମିଶ୍ର ଓ ସୌଦାମିନୀ ମିଶ୍ରଙ୍କ କନିଷ୍ଠା କନ୍ୟା ତନିଶା। ଦିଲ୍ଲୀରେ ଅନୁ୍ଷ୍ଠିତ ‘ମିସ୍ ଏଣ୍ଡ ମିଷ୍ଟର ଟିନ୍ ଇଣ୍ଡିଆ ର଼୍ୟାମ୍ପ ଶୋ’ରେ ଭାଗନେଇ ଫାଇନାଲକୁ ଉତ୍ତୀର୍ଣ୍ଣ ହୋଇଛନ୍ତି ା ଜୁନ ୨୨ରେ ଦିଲ୍ଲୀରେ ଏକ ପଞ୍ଚତାରକା ହୋଟେଲରେ ଅନୁଷ୍ଠିତ ର଼୍ୟାମ୍ପ ଶୋରେ ଭାଗନେଇ ଏହି ସଫଳତା ହାସଲ କରିଛନ୍ତି। ପୂର୍ବରୁ ଭୁବନେଶ୍ୱରରେ ଅନୁଷ୍ଠିତ ମିସ୍ ଏଣ୍ଡ ମିଷ୍ଟର ଟିନ୍ ଇଣ୍ଡିଆ ର଼୍ୟାମ୍ପ ଶୋ’ ପ୍ରତିଯୋଗିତାର ପ୍ରଥମ ରାଉଣ୍ଡରେ ତନିଶା ଭାଗନେଇ ସେମିଫାଇନାଲକୁ ଉତ୍ତୀର୍ଣ୍ଣ ହୋଇଥିଲେ ା ଜୁନ ୨୨ରେ ଦିଲ୍ଲୀର ଏକ ହେଟେଲରେ ଆୟୋଜିତ ସେମିଫାଇନାଲରେ ଭାଗ ନେଇଥିଲେ ା ଏହି ଶୋରେ ର଼୍ୟାମ୍ପଗୁରୁ ସମ୍ବିତା ବୋଷ, ବଲିଉଡ ଅଭିନେତା ଅସ୍ମିତ ପଟେଲ ଓ କ୍ଲବ ଅର୍ଗାନାଇଜର ପୁଷ୍କର ମେହେତା ପ୍ରମୁଖ ଜଜ୍ ଭାବେ ଯୋଗ ଦେଇଥିଲେ ା ଏଥିରେ ସାରା ଭାରତର ବିଭିନ୍ନ ରାଜ୍ୟରୁ ପ୍ରାୟ ୨୦୦ରୁ ଊର୍ଦ୍ଧ୍ୱ ପ୍ରତିଯୋଗୀ ଭାଗ ନେଇଥିଲେ ା ଓଡିଶାରୁ ଚୟନ ହୋଇଥିବା ତନିଶା ଫାଇନାଲ ରାଉଣ୍ଡକୁ ଉତ୍ତୀର୍ଣ୍ଣ ହୋଇଛନ୍ତି ା ଅଗଷ୍ଟ ୯ରେ ଏହି ଶୋର ଗ୍ରାଣ୍ଡ ଫାଇନାଲ ରାଉଣ୍ଡ ଅନୁଷ୍ଠିତ ହେବ ା
ତେବେ ଆସନ୍ତା ୩୧ରୁ ନୂଆଦିଲ୍ଲୀରେ ଆୟୋଜକଙ୍କ ପକ୍ଷରୁ ଏଥିପାଇଁ ପ୍ରଦାନ କରାଯିବାକୁ ଥିବା ତାଲିମ କାର୍ଯ୍ୟକ୍ରମରେ ତନିଶା ଯୋଗଦେବେ ବୋଲି ପରିବାର ପକ୍ଷରୁ ସୂଚନା ମିଳିଛି ା
