ଯୁକ୍ତ ୩ ବ୍ୟାକ ଫଳ ପ୍ରକାଶ ବିଳମ୍ବ ଘଟଣା: ପୁଣି ଧାରଣାରେ ବସିଲେ ଛାତ୍ରୀଛାତ୍ର
8:16 amAugust 8, 2019 / 21

ବ୍ରହ୍ମପୁର ଅଫିସ, ୮ା୮-ବ୍ରହ୍ମପୁର ବିଶ୍ୱବିଦ୍ୟାଳୟ ଅଧୀନସ୍ଥ ମହାବିଦ୍ୟାଳୟରେ ଅଧ୍ୟୟନ ଛାତ୍ରୀଛାତ୍ରଙ୍କ ଯୁକ୍ତ ୩ ଦ୍ୱିତୀୟ ଓ ତୃତୀୟ ସେମିଷ୍ଟର ବ୍ୟାକ ପରୀକ୍ଷା ଫଳ ପ୍ରକାଶରେ ବିଳମ୍ବକୁ ନେଇ ପୁଣି ଛାତ୍ର ଅଶାନ୍ତି ଦେଖାଦେଇଛି। ବୁଧବାର ସ୍ନାତକୋତ୍ତର ପାଠ୍ୟକ୍ରମରେ ନାମଲେଖାକୁ ନେଇ ବିଶ୍ୱବିଦ୍ୟାଳୟ ପକ୍ଷରୁ ମେରିଟ୍‌ ଲିଷ୍ଟ ପ୍ରକାଶ ପରେ ଯୁକ୍ତ ୩ ବ୍ୟାକ ପେପର ପରୀକ୍ଷା ଦେଇଥିବା ଛାତ୍ରୀଛାତ୍ରମାନେ ପୁଣି ଆନ୍ଦୋଳନ କରିଛନ୍ତି ା ପ୍ରକାଶ ପାଇଥିବା ମେରିଟ୍‌ ଲିଷ୍ଟ ବାତିଲ କରି ବ୍ୟାକ ପେପର ଫଳ ପରେ ତାଲିକା ପ୍ରକାଶ କରିବାକୁ ସେମାନେ ଦାବି କରି ସ୍ନାତକୋତ୍ତର ପରିଷଦ ଅଧ୍ୟକ୍ଷାଙ୍କ କାର୍ଯ୍ୟାଳୟ ଆଗରେ ଧାରଣାରେ ବସିଥିଲେ। ଏହାର ସମାଧାନ କ୍ଷେତ୍ରରେ ସ୍ନାତକ ପରିଷଦ ଅଧ୍ୟକ୍ଷା ପ୍ରଫେସର ଅରୁନ୍ଧତୀ ରଥ ଅସମର୍ଥ ପ୍ରକାଶ କରିବା ସହ ଭାରପ୍ରାପ୍ତ କୁଳପତି ତଥା ଆରଡିସି ଟି. ଆଓଙ୍କୁ ଏନେଇ ଅବଗତ କରିବାକୁ ଛାତ୍ରୀଛାତ୍ରଙ୍କୁ ପରାମର୍ଶ ଦେଇଥିଲେ। ଫଳରେ ଗୁରୁବାର ଛାତ୍ରୀଛାତ୍ରମାନେ ଆରଡିସିଙ୍କୁ ଭେଟିବେ ବୋଲି ସୂଚନା ମିଳିଛି ା ଯୁକ୍ତ ୩ ଦ୍ୱିତୀୟ ଓ ତୃତୀୟ ସେମିଷ୍ଟର ବ୍ୟାକପେପର ପରୀକ୍ଷା ଖାତା ମୂଲ୍ୟାୟନ ଜୁଲାଇ ୩୧ରୁ ଶେଷ ହୋଇଛି ା ଫଳ ପ୍ରକାଶ ନେଇ ବିଳମ୍ବ ହେଉଛି ା ତଥାପି ଆସନ୍ତା ୨୦ ରୁ ୨୨ ସୁଦ୍ଧା ଫଳ ପ୍ରକାଶ କରିବା ନେଇ ଏନ୍‌ଆଇସି ସୂଚନା ଦେଇଥିବା ପରୀକ୍ଷା ନିୟନ୍ତ୍ରକ ସୁରେନ୍ଦ୍ର ସେଠୀ ସୂଚାଇଛନ୍ତି।