ଯାଜପୁର ଟାଉନ,୧୮।୪: (ଡି.ଏନ.ଏ.) ଅଖିଳ ଭାରତ କଂଗ୍ରେସ କମିଟିର ନିଷ୍ପତ୍ତି କ୍ରମେ ପ୍ରଦେଶ କଂଗ୍ରେସର ସଭାପତି ଶରତ ପଟ୍ଟନାୟକଙ୍କ ଆହ୍ବାନରେ ଯାଜପୁର ଜିଲା କଂଗ୍ରେସ କମିଟି ପକ୍ଷରୁ ଜୟ ଭାରତ ସତ୍ୟାଗ୍ରହ ଏବଂ ବିକ୍ଷୋଭ ସମାବେଶ ସୋମବାର ଅନୁଷ୍ଠିତ ହୋଇଯାଇଛି। ଜିଲା କଂଗ୍ରେସର ସଭାପତି ମନୋଜ କୁମାର ରାଉତଙ୍କ ସଭାପତିତ୍ୱରେ ଏକ ବିଶାଳ ଶୋଭାଯାତ୍ରା ସ୍ଥାନୀୟ କିଆନାଳୀ ଛକଠାରୁ ବାହାରି ସହର ପରିକ୍ରମା କରିବା ସହିତ ମୋଦି ହଟାଅ ଓ ସମ୍ବିଧାନ ବଞ୍ଚାଅ ସ୍ଲୋଗାନ ଦେଇ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକ ବିଶାଳ ସମାବେଶର ଆୟୋଜନ କରାଯାଇଥିଲା। ଏହି ସଭାରେ ପର୍ଯ୍ୟବେକ୍ଷକ ଭାବେ ବାଲିକୁଦା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଲଲାଟେନ୍ଦୁ ମହାପାତ୍ର, ପୂର୍ବତନ ରାଜ୍ୟସଭା ସଦସ୍ୟ ରାମଚନ୍ଦ୍ର ଖୁଣ୍ଟିଆ, ସୁକିନ୍ଦାର ପୂର୍ବତନ ବିଧାୟକ ଶରତ ରାଉତ, ଯାଜପୁର ନିର୍ବାଚନ ମଣ୍ଡଳୀର ବରିଷ୍ଠ ନେତା ସନ୍ତୋଷ ନନ୍ଦ, ରାଜ୍ୟ ମହିଳା କଂଗ୍ରେସର ସଭାନେତ୍ରୀ ବନ୍ଦିତା ପରିଡ଼ା, ବଡ଼ଚଣା ନେତା କ୍ୟାପଟେନ ରାଜନାରାୟଣ ମହାପାତ୍ର, ଜିଲା ମହିଳା କଂଗ୍ରେସର ସଭାନେତ୍ରୀ ରୀତାଶ୍ରୀ ମହାନ୍ତି, କନକଲତା ମଲିକ ପ୍ରମୁଖ ଯୋଗଦେଇ କେନ୍ଦ୍ର ସରକାର ଗଣତନ୍ତ୍ର ଓ ସମ୍ବିଧାନ ହତ୍ୟାକୁ ନେଇ ବର୍ଷିବା ସହିତ ଓଡ଼ିଶାରେ ମିଛୁଆ ସରକାର ଚାଲିଛି ା କେନ୍ଦ୍ରରେ ସମ୍ବିଧାନ ଓ ଗଣନ୍ତ୍ରତକୁ ହତ୍ୟା କରୁଥ୍ତ୍ବା ସରକାର ଚାଲିଛି ବୋଲି ବକ୍ତବ୍ୟ ରଖିଥିଲେ। ଏହି ବିକ୍ଷୋଭ ସମାବେଶରେ ଯାଜପୁର ଜିଲାରୁ ହାରାହାରି ୩ ହଜାରରୁ ଊର୍ଦ୍ଧ୍ୱ କଂଗ୍ରେସ କର୍ମୀ ଓ ନେତୃମଣ୍ଡଳୀ ଯୋଗଦେଇଥିଲେ। ଏହି ସମାବେଶରେ ଯାଜପୁରର ବରିଷ୍ଠ ନେତା ଦିଗମ୍ବର କର, ବଳଭଦ୍ର ଦାସ, ଦଳିତ ସେଲର ସଭାପତି ଦୁର୍ଯ୍ୟୋଧନ ବେହେରା, ଦିଲ୍ଲିପ ଦାସ, ରଞ୍ଜିତା ରାଉତ, ଦେବେନ୍ଦ୍ର ପଣ୍ଡା, ଚନ୍ଦ୍ରଶେଖର ସାହୁ, ପ୍ରଶାନ୍ତ ସାହୁ, ଅରଜିତ ନାୟକ, ଆଲୋକ ବେହେରା, ସଂଗ୍ରାମ ସାହଣୀ, ସନ୍ତୋଷ ସାହୁ, ସଂଗ୍ରାମ ଜେନା, ବିଭୁତି ଭୂଷଣ ମହାପାତ୍ର, ଭରତ ଚନ୍ଦ୍ର ସାମଲ, ଦିଲୁ ପତି, ବିଳାସ ରାଉତ, ଅପର୍ଣ୍ଣାଧିର ସିଂ, ସନ୍ତୋଷ ବେହେରା ପ୍ରମୁଖ ସାମିଲ ହୋଇଥିଲେ। କାର୍ଯ୍ୟକାରୀ ସଭାପତି ବିଷ୍ଣୁ ରାଉତ ଧନ୍ୟବାଦ ଅର୍ପଣ କରିଥିଲେ।
