ନୂଆଦିଲ୍ଲୀ, ୨୬।୬: କଂଗ୍ରେସର ବରିଷ୍ଠ ନେତା ଆନନ୍ଦ ଶର୍ମା ଭାଜପା ସରକାର ଉପରେ ବର୍ଷିଛନ୍ତି। ବୁଧବାର ରାଷ୍ଟ୍ରପତିଙ୍କ ଅଭିଭାଷଣକୁ ନେଇ ରାଜ୍ୟସଭାରେ ଚାଲିଥିବା ଆଲୋଚନାରେ ଭାଗ ନେଇ ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାହାକୁ ସମାଲୋଚନ କରିବା ଅପେକ୍ଷା ନିର୍ବାଚନ ପୂର୍ବରୁ ଯାହା ଦେଇଛନ୍ତି ତାହା ଆଗ ପାଳନ କରନ୍ତୁ। ଗତ ପାଞ୍ଚବର୍ଷ ମଧ୍ୟ ସମାଲୋଚନା କରି କରି ବର୍ବାଦ କରିଛନ୍ତି ଅଗାମୀ ପାଞ୍ଚ ବର୍ଷ ଲୋକଙ୍କ ଆଶାକୁ ପୂରଣ କରିବା ଉଚିତ ହେବ ବୋଲି ଆନନ୍ଦ ଶର୍ମା କହିଛନ୍ତି। ଦେଶର ଜିଡିପି ଲଗାତର କମୁଛି, ବେରୋଜଗାର ବଢୁଛି ଏବଂ ଦେଶରେ ଚାଷୀମାନଙ୍କ ଅବସ୍ଥା ଖରାପ ସେଥିରେ ମୋଦି ନ୍ୟୁ ଇଣ୍ଡିଆର ସ୍ବପ୍ନ ଦେଖୁଛନ୍ତି ବୋଲି ସେ କହିଛନ୍ତି।
