ସିଡ୍ନୀ,୧୧।୧୧(ପି.ଟି.)- ମୁଁ ବିରାଟ କୋହଲିଙ୍କ ଭଳି। ଏକଥା କହିଛନ୍ତି ଅଷ୍ଟ୍ରେଲିଆ ଧୂଅଁାଧାର ଓପନର ଡେଭିଡ ଓ୍ବାର୍ନରଙ୍କ ଝିଅ ଇଭି ମାଏ। ବାପା ଡେଭିଡ୍ ଓ୍ବାର୍ନରଙ୍କ ସହ ଘରେ କ୍ରିକେଟ ଖେଳିବା ବେଳେ ଇଭି ଏହି କଥା କହିଛନ୍ତି। ଓ୍ବାର୍ନରଙ୍କ ସ୍ତ୍ରୀ କଣ୍ଡାଇସ୍ ଓ୍ବାର୍ନର ଏକ ଭିଡିଓ ଶୁଟ୍ କରିଥିଲେ। ଇଭିଙ୍କୁ ବାପା ଓ୍ବାର୍ନର ବଲ୍ ପକାଉଥିଲେ। ବ୍ୟାଟିଂ ପାଇଁ ପ୍ରସ୍ତୁତ୍ ହେଉଥିବା ବେଳେ ‘ମୁଁ କୋହଲିଙ୍କ ଭଳି’ ବାରମ୍ବାର କହୁଥିବା ଭିଡିଓରେ ଦେଖାଯାଇଛି।
ସୀମିତ ଓଭର କ୍ରିକେଟରେ ଓ୍ବାର୍ନର ବିଶ୍ୱର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ବିବେଚିତ ହୁଅନ୍ତି। ତେବେ ତାଙ୍କ ଝିଅ କୋହଲିଙ୍କୁ ପସନ୍ଦ କରୁଛନ୍ତି। ଏହା ଏକ ମଜାଦାର ଘଟଣା ବୋଲ କୁହାଯାଇପାରେ। ୩୩ ବର୍ଷୀୟ ଓ୍ବାର୍ନର ଏହି ଭିଡିଓ ନିଜ ଇନ୍ଷ୍ଟଗ୍ରାମରେ ପୋଷ୍ଟ କରିଛନ୍ତି। ଝିଅ କୋହଲିଙ୍କ ଭଳି ହେବାକୁ ଚାହୁଁଛି। ତେବେ ଏ ନେଇ ମୁଁ ନିଶ୍ଚିତ ନୁହଁ ବୋଲି ଓ୍ବାର୍ନର କ୍ୟାପ୍ଶନରେ ଉଲ୍ଲେଖ କରିଛନ୍ତି। ଓ୍ବର୍ନରଙ୍କ ପତ୍ନୀ ମଧ୍ୟ ସମାନ ଭିଡିଓ ଟୁଇଟରରେ ପୋଷ୍ଟ କରିଛନ୍ତି। ଏହି ଛୋଟିଆ ଝିଆ ବହୁତ ସମୟ ଭାରତରେ କଟାଇଛି। ସେ ବିରାଟ କୋହଲିଙ୍କ ଭଳି ହେବାକୁ ଚାହୁଁଛି ବୋଲି କ୍ୟାପଶନରେ ଉଲ୍ଲେଖ କରିଛନ୍ତି।
