ମାଲକାନଗିରି,୨୦।୧୦(ଡି.ଏନ.ଏ)- ମାଲକାନଗିରି ଜିଲାରେ ବିଏସଏନଏଲ ମୋବାଇଲ ସେବା ବିପର୍ଯ୍ୟସ୍ତ ହୋଇପଡ଼ିଛି ା ଜିଲା ସଦର ମହକୁମାରେ ଗତ ୨୦ ଦିନ ଧରି ୩ଜି ସେବା ନ ଥିବାରୁ ବାରମ୍ବାର କଲ ଡ୍ରପ ହେବା ସହ କିଛି ଶୁଣାଯାଉନାହିଁ ା ନେଟ ସେବା ପାଇଁ କମ୍ପାନୀ ଜିଲାର ଗ୍ରାହକଙ୍କଠାରୁ ଲକ୍ଷ ଲକ୍ଷ ଟଙ୍କା ପ୍ରତି ମାସରେ ପାଉଥିବାବେଳେ ଉଚିତ ସେବା ପାଇପାରୁ ନ ଥିବା ଅଭିଯୋଗ ହୋଇଛି ା ସେହିଭଳି ଚିତ୍ରକୋଣ୍ଡା ବ୍ଲକରେ ମୋବାଇଲ ସେବା ସମ୍ପୂୂର୍ଣ୍ଣ ବାଧାପ୍ରାପ୍ତ ହୋଇଛି ା ଏଠାରେ କେବଳ ଗୋଟିଏ ମୋବାଇଲ ସେବା ବିଏସଏନଏଲର ଥିବା ବେଳେ ଅଞ୍ଚଳବାସୀ କେବଳ ୨ଜି ସେବା ହିଁ ପାଇପାରୁଛନ୍ତିା ନେଟୱର୍କ ଥିଲେ ମଧ୍ୟ କଲ କରିବାକୁ ହେଲେ ଆନ୍ଧ୍ର ପ୍ରଦେଶର ସିଲେରୁ ସହରକୁ ଯିବାକୁ ପଡ଼ୁଛି। ଏଭଳି ସ୍ଥିତିରେ ନେଟ ସେବା ନ ଥିବା ସହ ସମାନ ହୋଇପଡ଼ିଛି ା ଏଥିଯୋଗୁ ବ୍ୟାଙ୍କ, ତହସିଲ ଓ ବ୍ଲକ କାର୍ଯ୍ୟ ମଧ୍ୟ ବାଧାପ୍ରାପ୍ତ ହୋଇଛି ା ଏହି ଅଂଚଳରେ ଅନ୍ୟ ନେଟୱର୍କ ମଧ୍ୟ ନ ଥିବାରୁ ଲୋକେ ଘଣ୍ଟ ଘଣ୍ଟା ଧରି ପ୍ରତ୍ୟେକ ଦିନ ଶହ ଶହ ଲୋକେ ନିଜ ପରିବାରବର୍ଗଙ୍କ ସହ କଥା ହୋଇପାରୁ ନ ଥିବା ଶଙ୍କର ରାଉତ, ଅନିଲ ଅଗ୍ରୱାଲ, ମନୁ ନାୟକ, ପ୍ରକାଶ ନାୟକ, ଶଙ୍କର ନାୟକ, ସୁଧାକର ନାୟକ ଅଭିଯୋଗ କରିଛନ୍ତି। ବାରମ୍ବାର ଦାବି ସତ୍ତ୍ୱେ ଉଚ୍ଚ କତୃର୍ର୍ପକ୍ଷ ଦୃଷ୍ଟି ଦେଉ ନ ଥିବାରୁ ଲୋକେ ମାସିକ ଶହ ଶହ ଟଙ୍କାର ରିଚାର୍ଜ ଭାଉଚର ପକାଇ କ୍ଷତି ସହୁଛନ୍ତିା ଆଜିର ଯୁଗରେ ମୋବାଇଲ ଏକ ନିତ୍ୟାନ୍ତ ଆବଶ୍ୟକ ବସ୍ତୁ ହୋଇଥିବାବେଳେ ଜିଲ୍ଲା ପ୍ରଶାସନ ମଧ୍ୟ କିଭଳି ସମସ୍ୟା ପ୍ରତି ଧ୍ୟାନ ଦେଉନାହିଁ , ତାହା ହିଁ ସବୁଠାରୁ ବଡ଼ ପ୍ରଶ୍ନ ବୋଲି ମତ ପ୍ରକାଶ ପାଇଛି। ଏଠାକାର ଜନସାଧାରଣଙ୍କ ସମସ୍ୟା ସମ୍ପର୍କରେ ଅବଗତ ହୋଇଛୁ। ଏ ସମ୍ପର୍କରେ ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇଛୁ ଓ ଶୀଘ୍ର ଏହାର ସମାଧାନ କରିବୁ ବୋଲି ବିଏସଏନଏଲର ସହକାରୀ ଯନ୍ତ୍ରୀ ସୁବୋଧ କୁମାର ପ୍ରଧାନ ପ୍ରକାଶ କରିଛନ୍ତିା
