ମାଟ୍ରିକ୍‌ ପରୀକ୍ଷା ଫଳରେ ଉନ୍ନତି ଉଦ୍ୟମ, ଛୁଟିଦିନ, ରବିବାରରେ ହେବ ପାଠପଢ଼ା

ବ୍ରହ୍ମପୁର ଅଫିସ୍‌,୧୪ା୧୦-ଆସନ୍ତା ବର୍ଷ ଅର୍ଥାତ୍‌ ୨୦୨୦ରେ ଗଞ୍ଜାମ ଜିଲାରେ ମାଟ୍ରିକ୍‌ ପରୀକ୍ଷା ଫଳାଫଳରେ ଉନ୍ନତି ଆଣିବା ପାଇଁ ଉଦ୍ୟମ ଆରମ୍ଭ ହୋଇଛି। ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ତତ୍ତ୍ୱାବଧାନରେ ମିଶନ୍‌ ‘ଡ୍ରିମ୍‌’ ପ୍ରସ୍ତୁତ କରାଯାଇଛି। ଗଞ୍ଜାମ ଜିଲା ଶିକ୍ଷା ଅଧିକାରୀଙ୍କ ତରଫରୁ ପ୍ରସ୍ତୁତ ରୋଡ୍‌ମ୍ୟାପ୍‌ରେ ସଫଳତା ପାଇଁ ୨୦ଟି ଫର୍ମୁଲା ରଖାଯାଇଛି । ଏନେଇ ସମସ୍ତ ପ୍ରଧାନ ଶିକ୍ଷୟିତ୍ରୀ ଶିକ୍ଷକଙ୍କୁ ଚିଠି କରାଯାଇଛି । ପ୍ରତ୍ୟକ ଛାତ୍ରୀଛାତ୍ରଙ୍କ ପାଇଁ ସ୍ବତନ୍ତ୍ର ମେଣ୍ଟର୍‌, ରବିବାର ଏବଂ ଛୁଟି ଦିନରେ ପାଠପଢ଼ା ଏବଂ ପ୍ରତ୍ୟେକ ସୋମବାର ଏବଂ ଗୁରୁବାରରେ କମନ୍‌ ଟେଷ୍ଟ ପରୀକ୍ଷା ଆୟୋଜନ ଭଳି ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଛି ।
ଚିଠିରେ ଉଲ୍ଲେଖ ରହିଛି, ୨୦୨୦ ମାଟ୍ରିକ୍‌ ପରୀକ୍ଷା ପ୍ରଶ୍ନପତ୍ରରେ ଅନେକ ପରିବର୍ତ୍ତନ କରାଯିବ। ନୂତନ ପ୍ରକାରର ପ୍ରଶ୍ନପତ୍ର ସମ୍ପର୍କରେ ଛାତ୍ରୀଛାତ୍ରଙ୍କୁ ଅବଗତ କରିବାର ଆବଶ୍ୟକତା ରହିଛି। ଜିଲାରେ କେତେକ ବିଦ୍ୟାଳୟରେ ଏ ଦିଗରେ ପଦକ୍ଷେପ ନେବା ଆରମ୍ଭ କରିସାରିଛନ୍ତି । ଗତ ବର୍ଷ ଭଳି ଚଳିତ ବର୍ଷ କେତେକ ବିଦ୍ୟାଳୟ ରବିବାର ଏବଂ ଛୁଟି ଦିନରେ ଦଶମ ଶ୍ରେଣୀ ଛାତ୍ରୀଛାତ୍ରଙ୍କୁ ପଢ଼ାଇବା ଆରମ୍ଭ କରିଦେଇଛନ୍ତି । ସମସ୍ତ ବିଦ୍ୟାଳୟ ଏହି ପଦକ୍ଷେପ ନେବା ଜରୁରି । ଆଗ୍ରହ ବଢ଼ୁଛି । ଶିକ୍ଷୟିତ୍ରୀ ଶିକ୍ଷକ ଏବଂ ଛାତ୍ରୀଛାତ୍ରଙ୍କ ଆଗ୍ରହକୁ ଦୃଷ୍ଟିରେ ରଖି ମିଶନ୍‌ ‘ଡ୍ରିମ୍‌(ଡ୍ରାଇଭ୍‌ ଫର୍‌ ରେଜଲ୍‌ଟ ଏନ୍‌ହାନ୍ସମେଣ୍ଟ ଇନ୍‌ ଆନୁଆଲ୍‌ ମାଟ୍ରିକୁଲେଶନ୍‌ ଏକ୍ସାମିନେଶନ୍‌)’ କାର୍ଯ୍ୟକାରୀ କରିବାକୁ ରୋଡ୍‌ମ୍ୟାପ୍‌ ପ୍ରସ୍ତୁତ କରାଯାଇଛି । ଏହି ଯୋଜନା ଅନୁଯାୟୀ, ଟେଷ୍ଟ ପରୀକ୍ଷା ପୂର୍ବରୁ ପ୍ରତ୍ୟକ ସପ୍ତାହର ସୋମବାର ଏବଂ ଗୁରୁବାର ଦୁଇଟି ବିଷୟରେ କମନ୍‌ ଟେଷ୍ଟ ଆୟୋଜନ କରାଯିବ । ସୋମବାରରେ ପଡ଼ୁଥିବା ଅକ୍ଟୋବର ୨୧ ଏବଂ ନଭେମ୍ବର ୧୧ତାରିଖରେ ଗଣିତ, ଅକ୍ଟୋବର ୨୮ ଏବଂ ୧୮ତାରିଖରେ ସାଧାରଣ ବିଜ୍ଞାନ, ନଭେମ୍ବର ୪ ଏବଂ ୨୫ତାରିଖରେ ସାମାଜିକ ବିଜ୍ଞାନ ପରୀକ୍ଷା ଅନୁଷ୍ଠିତ ହେବ। ଅକ୍ଟୋବର ୨୪(ଗୁରୁବାର) ଏବଂ ନଭେମ୍ବର ୧୫(ଶୁକ୍ରବାର)ରେ ଇଂଲିଶ, ଗୁରୁବାରରେ ପଡ଼ୁଥିବା ଅକ୍ଟୋବର ୩୧ ଏବଂ ନଭେମ୍ବର ୨୧ତାରିଖରେ ଓଡ଼ିଆ ଓ ନଭେମ୍ବର ୭ ଏବଂ ୨୮ତାରିଖରେ ତୃତୀୟ ଭାଷା(ହିନ୍ଦି ଏବଂ ସଂସ୍କୃତ) ପରୀକ୍ଷା ଆୟୋଜନ ହେବ । ଜିଲା ସ୍ତରରେ ପ୍ରଶ୍ନପତ୍ର ପ୍ରସ୍ତୁତ କରାଯିବ । ଏସବୁ ପରୀକ୍ଷା ପାଇଁ ଛାତ୍ରୀଛାତ୍ରଙ୍କଠାରୁ କୌଣସି ପ୍ରକାର ଦେୟ ଆଦାୟ କରାଯିବ ନାହିଁ । ପରୀକ୍ଷା ପାଣ୍ଠିରୁ ଖର୍ଚ୍ଚ କରାଯିବ । ଛାତ୍ରୀଛାତ୍ରମାନେ ନିଜେ ନୋଟ୍‌ବୁକ୍‌ ଧରି ପରୀକ୍ଷାକୁ ଆସିବେ । ଯଦି କୌଣସି ଆର୍ଥୀକ ଅନଗ୍ରସର ଛାତ୍ରୀଛାତ୍ର ନୋଟ୍‌ବୁକ୍‌ କିଣିବାକୁ ଅସମର୍ଥ ପ୍ରକାଶ କରନ୍ତି, ତେବେ ବିଦ୍ୟାଳୟସ୍ତରରେ ସେମାନଙ୍କ ପାଇଁ ପାଣ୍ଠି ସଂଗ୍ରହ କରାଯିବ । ଯଦି କୌଣସି ଛାତ୍ରୀଛାତ୍ର ନିର୍ଦ୍ଧାରିତ ତାରିଖରେ କମନ୍‌ ଟେଷ୍ଟ ପରୀକ୍ଷା ଦେବାରେ ଅସମର୍ଥ ହେଉଛନ୍ତି, ତେବେ ପରଦିନ ସେମାନେ ପରୀକ୍ଷା ଦେଇପାରିବେ । ପୂର୍ବାହ୍ନ ସାଢ଼େ ୧୦ଟାରୁ ଅପରାହ୍ନ ଗୋଟାଏ ପର୍ଯ୍ୟନ୍ତ ପରୀକ୍ଷା ଚାଲିବ । ପରୀକ୍ଷା ସରିବା ପରେ ଉକ୍ତ ଦିନ ମଧ୍ୟ ଶ୍ରେଣୀରେ ଅନ୍ୟ ଦିନ ଭଳି ପାଠପଢ଼ାଯିବ । ଶିକ୍ଷକମାନେ ପ୍ରଶ୍ନଗୁଡ଼ିକ ସମ୍ପର୍କରେ ଛାତ୍ରୀଛାତ୍ରଙ୍କ ସହ ଆଲୋଚନା କରିବେ। କୌଣସି ପ୍ରଶ୍ନକୁ ନେଇ କୌଣସି ଛାତ୍ରୀଛାତ୍ର ଦ୍ୱନ୍ଦ୍ୱରେ ରହିବେ, ତେବେ ସେଠାରେ ହିଁ ଦ୍ୱନ୍ଦ୍ୱ ଦୂର କରାଯିବ। ଏପରିକି ଆବଶ୍ୟକ ପଡ଼ିଲେ, ସେମାନଙ୍କ ପାଇଁ ସ୍ବତନ୍ତ୍ର ଭାବେ ପାଠପଢ଼ା ଯିବ। ଗୋଷ୍ଠୀ ଶିକ୍ଷା ଅଧିକାରୀମାନେ କମନ୍‌ ଟେଷ୍ଟ ପରୀକ୍ଷା ଦିନ ବିଦ୍ୟାଳୟଗୁଡ଼ିକ ପରିଦର୍ଶନରେ ଯାଇ ଠିକ୍‌ ଭାବେ ପରୀକ୍ଷା ଚାଲିଛି ନା ନାହିଁ ତଦାରଖ କରିବେ । ପ୍ରତ୍ୟକ ପରୀକ୍ଷାର ଫଳାଫଳ ଗୁଗୁଲ୍‌ ଡକ୍ୟୁମେଣ୍ଟ ଜରିଆରେ ଛାତ୍ରୀଛାତ୍ର, ବିଦ୍ୟାଳୟ ଏବଂ ଅଭିଭାବକଙ୍କୁ ଅବଗତ କରାଯିବ । ପରୀକ୍ଷା ଫଳ ପ୍ରକାଶ ପରେ ପ୍ରଧାନ ଶିକ୍ଷକମାନେ ଷ୍ଟାଫ୍‌ ବୈଠକ ଡକାଇ ଆଲୋଚନା କରିବେ। ଦୁର୍ବଳ ଛାତ୍ରୀଛାତ୍ରଙ୍କ ପ୍ରତି ସ୍ବତନ୍ତ୍ର ଦୃଷ୍ଟି ଦେବାକୁ ସ୍ବତନ୍ତ୍ର ଶିକ୍ଷୟିତ୍ରୀ ଶିକ୍ଷକଙ୍କୁ ମେଣ୍ଟର୍‌ ଭାବେ ନିଯୁକ୍ତି ଦିଆଯିବ । ଏଥି ସହ ପ୍ରତ୍ୟେକ ଛାତ୍ରୀଛାତ୍ରଙ୍କୁ ସ୍ବତନ୍ତ୍ର ଦୃଷ୍ଟି ଦିଆଯିବ। ନିୟମିତ ବ୍ୟବଧାନରେ ଅଭିଭାବକ-ଶିକ୍ଷକ ବୈଠକ ଡକାଯାଇ ବିଭିନ୍ନ ବିଷୟ ଉପରେ ଆଲୋଚନା କରାଯିବ । ନିର୍ଦ୍ଧାରିତ ତାରିଖ ପୂର୍ବରୁ ସିଲାବସ୍‌ ସାରିବା ଦାୟିତ୍ୱ ପ୍ରଧାନ ଶିକ୍ଷକମାନଙ୍କ ଉପରେ ନ୍ୟସ୍ତ କରାଯାଇଛି । ଆସନ୍ତା ୨୦ତାରିଖରେ ‘ଡ୍ରିମ୍‌’ କର୍ମଶାଳା ଆୟୋଜନ କରାଯିବ । ସେଥିରେ ଚୂଡ଼ାନ୍ତ ରୋଡ୍‌ମ୍ୟାପ୍‌ ପ୍ରସ୍ତୁତ କରାଯିବା ସହ ଗତ ମାଟ୍ରିକ୍‌ ପରୀକ୍ଷାରେ ଶତ ପ୍ରତିଶତ ସଫଳତା ଏବଂ ସର୍ବାଧିକ ଏ-୧ ଗ୍ରେଡ୍‌ ରଖିଥିବା ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଶିକ୍ଷକଙ୍କୁ ସମ୍ବର୍ଦ୍ଧିତ କରାଯିବ । ଶିକ୍ଷୟିତ୍ରୀ ଶିକ୍ଷକଙ୍କ ଉପରେ ଉପରୋକ୍ତ ଯୋଜନାର ସଫଳତା ନିର୍ଭର କରୁଛି । ସେମାନଙ୍କ କଠିନ ପରିଶ୍ରମ ଏବଂ ଉଦ୍ୟମ ସହ ଅଭିଭାବକଙ୍କ ସହଯୋଗ ଦ୍ୱାରା ଗଞ୍ଜାମ ଜିଲା ୨୦୨୦ ମାଟ୍ରିକ୍‌ ଫରୀକ୍ଷାରେ ଆଶାତିତ ସଫଳତା ହାସଲ କରିବ ବୋଲି ଜିଲାପାଳ ବିଜୟ ଅମୃତା କୁଲାଙ୍ଗେ ଆଶା ପ୍ରକାଶ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ମେଲାଣି ନେଲେ ମା’: ଦୁଲୁକିଲା ସହର

କାମାକ୍ଷାନଗର, ୧୦।୧୦(ଡି.ଏନ.ଏ.) – ଢେଙ୍କାନାଳ ଜିଲା କାମାକ୍ଷାନଗର ଦଶହରାର ଅନ୍ତିମପର୍ବ ଭସାଣି ବୁଧବାର ଶାନ୍ତିଶୃଙ୍ଖଳାର ସହ ଶେଷ ହୋଇଛି। ମିଳିତ ଭସାଣି ଶୋଭାଯାତ୍ରାରେ ୧୫ ମେଢ଼...

‘ଆଉ କୋଭିଡ୍‌ ପରିସ୍ଥିତି ନ ଆସୁ’

ପୁରୀ ଅଫିସ,୨୬ା୧୨: ‘ନୂତନ ବର୍ଷ ଓଡ଼ିଶାବାସୀଙ୍କ ପାଇଁ ଖୁସିର ବର୍ଷ ହେଉ। ଆଉ କୋଭିଡ୍‌ ପରିସ୍ଥିତି ନ ଆସୁ। ସାମଗ୍ରିକ ଭାବେ ସମସ୍ତଙ୍କର ଉନ୍ନତି ହେଉ।...

ଠାକୁରଗଡ଼ରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ : ଡାକ୍ତର ନିଯୁକ୍ତି ପାଇଁ ବିଧାୟକଙ୍କୁ ଦାବିପତ୍ର

ବଇଣ୍ଡା,୧୫।୬(ଡି.ଏନ.ଏ.): ଆଠମଲ୍ଲିକ ବ୍ଲକ ଠାକୁରଗଡ଼ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଏବେ ଘୋର ସମସ୍ୟା ଦେଇ ଗତି କରୁଛି। ଡାକ୍ତର ପଦବୀ ଖାଲି ପଡ଼ିଥିବା ଯୋଗୁ ସ୍ବାସ୍ଥ୍ୟସେବା ବିପର୍ଯ୍ୟସ୍ତ...

ଚାଲାଣ ବେଳେ ୨୪ ଶ୍ରମିକ ଉଦ୍ଧାର

ଢେଙ୍କାନାଳ ଅଫିସ, ୩।୨: ବେଆଇନ ଭାବେ ତାମିଲନାଡୁ ଚାଲାଣ କରାଯାଉଥିବା ୨୪ ଶ୍ରମିକଙ୍କୁ ଢେଙ୍କାନାଳ ଜିଲା ଶ୍ରମ ବିଭାଗ ପୋଲିସ ସହାୟତାରେ ମଙ୍ଗଳବାର ଉଦ୍ଧାର କରିଛି।...

୧୪ରେ କେସିଙ୍ଗା ଗସ୍ତରେ ଯିବେ ଅପରାଜିତା ଷଡ଼ଙ୍ଗୀ

କେସିଙ୍ଗା ,୧୩।୧୧(ଡି.ଏନ୍‌.ଏ.): ଆସନ୍ତା ୧୪ ତାରିଖ ରବିବାର ଭୁବନେଶ୍ୱର ଏମ୍‌ପି ତଥା ଭାଜପାର ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ କଳାହାଣ୍ଡିର କେସିଙ୍ଗା ଗସ୍ତରେ ଯିବେ। ଏ...

ଉତ୍ତର ଓଡ଼ିିଶା ବିଶ୍ୱବିଦ୍ୟାଳୟରେ ଛାତ୍ର ଅଶାନ୍ତି: ଧାରଣାରେ ବସିଲେ ଛାତ୍ରୀଛାତ୍ର

ବାରିପଦା ଅଫିସ,୮ା୧୧- ମୟୂରଭଞ୍ଜ ଜିଲା ବାରିପଦାର ତକତପୁରସ୍ଥିତ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କ ପରିଚାଳନାଗତ ତ୍ରୁଟି ଯୋଗୁ କିଛିଦିନ ହେବ ଛାତ୍ର ଅଶାନ୍ତି ଲାଗି ରହିଛି।...

ଖୁରରେ ଆକ୍ରମଣ, ଯୁବକ ଗୁରୁତର

ଦିଗପହଣ୍ଡି,୧୧ା୧୨(ଡି.ଏନ୍‌.ଏ.)-ଦିଗପହଣ୍ଡି ବ୍ଲକ କୁଶପଡା ପଞ୍ଚାୟତ କେ. ସାମନ୍ତରାପୁର ଗାଁରେ ମଙ୍ଗଳବାର ନିରଞ୍ଜନ ରେଡ୍ଡୀଙ୍କୁ ଖୁରରେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଏତଲା ପାଇ ପୋଲିସ ଘଟଣାର...

ବଡ଼ପଡ଼ାରେ ପାନୀୟ ଜଳର ଉତ୍କଟ ଅଭାବ: ଜାତୀୟ ରାଜପଥ ଅବରୋଧ କଲେ ମହିଳା

କୋକସରା,୪।୬(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ୍‌ ସଦର ମହକୁମା ବଡ଼ପଡ଼ାଠାରେ ପାନୀୟ ଜଳର ଉତ୍କଟ ଅଭାବ ଦେଖାଦେଇଥିବା ବେଳେ ମହିଳାମାନେ ରାସ୍ତାକୁ ଓହ୍ଲାଇଛନ୍ତି। ମଙ୍ଗଳବାର ସ୍ଥାନୀୟ...

Advertisement
Archives

Model This Week