ବନ୍ତ,୧୫।୭(ଡି.ଏନ୍.ଏ.)- ଭଦ୍ରକ ଜିଲା ବନ୍ତ ବ୍ଲକରେ ମଦ ବିରୋଧୀ ଆନ୍ଦୋଳନ ଜେତିିବାରେ ଲାଗିଛି। ରବିବାର ଭଦ୍ରକ ଜିଲା ବନ୍ତ ବ୍ଲକ ‘ସମ୍ଭବ ଓଡ଼ିଶା’ ଆନୁକୂଲ୍ୟରେ ମଦ ମୁକ୍ତି ଯୁବବାହିନୀ ପକ୍ଷରୁ ବନ୍ତଠାରେ ମଦ ବିରୋଧୀ ଜନସଚେତନତା ଶୋଭାଯାତ୍ରା କରାଯାଥିଲା। ସୁରଜ କୁମାର ମହାନ୍ତିଙ୍କ ନେତୃତ୍ୱରେ ଶତାଧିକ ମହିଳା ଓ ପୁରୁଷ ହାତରେ ତ୍ରିରଙ୍ଗା ପତାକା, ବ୍ୟାନର ଓ ପ୍ଲାକାର୍ଡ ଧରି ମଦ ବିରୋଧୀ ସ୍ଲୋଗାନ ଦେଇ ବନ୍ତ ବ୍ଲକ ଛକଠାରୁ ବାହାରି ବନ୍ତ, ଟିଲୋ ଓ ତରାପୁର ଆଦି ବଜାର ପରିକ୍ରମା କରିଥିଲେ। ବନ୍ତ ବ୍ଲକକୁ ସମ୍ପୂର୍ଣ୍ଣ ମଦମୁକ୍ତ କରିବା ଏହି ଆନ୍ଦୋଳନର ମୂଳ ଲକ୍ଷ୍ୟ ବୋଲି ଯୁବବାହିନୀ ପକ୍ଷରୁ କୁହାଯାଇଛି। ଏହି କାର୍ଯ୍ୟକ୍ରମରେ ଡା. ମୁରଲୀଧର ସୁତାର, ବରିଷ୍ଠ ନାଗରିକ କୃଷ୍ଣଚନ୍ଦ୍ର ଭଟ୍ଟରାୟ, ସମ୍ବିତ୍ କୁମାର ପଣ୍ଡା, ସୌଭାଗ୍ୟ କୁମାର ଦାଶ, ଅଶୋକ ବେହେରା, ବିକାଶ ଶ୍ରେଷ୍ଠା, ସଞ୍ଜୟ ଜେନା, ଜଗନ୍ନାଥ ବେହେରା, ସତ୍ୟବ୍ରତ ଦାସ, ସତ୍ୟସାଇ ପରିଡା, ହିମାଂଶୁ ସାହାଣୀ, କଳ୍ପନା ପଣ୍ଡା, ମନୋରମା ଦାଶ, ପୁଷ୍ପଲତା ଜେନା, ମୀନାରାଣୀ ଜେନା ପ୍ରମୁଖ ଅଂଶ ଗ୍ରହଣ କରିଥିଲେ ା
