ଭୁବନେଶ୍ୱର,୧୪-୧୨: ମିନି ଅଟୋ ଏକ୍ସପୋ ୨୦୧୯ ସ୍ଥାନୀୟ ଶହୀଦନଗରସ୍ଥିତ ଦୁର୍ଗାପୂଜା ପଡିଆଠାରେ ଶୁକ୍ରବାର ଶୁଭାରମ୍ଭ ହୋଇଛି। ୫ ଦିନ ବ୍ୟାପି ଅନୁଷ୍ଠିତ ହେବାକୁ ଥିବା ଏହି ଏକ୍ସପୋ ରେସପନ୍ସ ମାର୍କେଟିଂ ସର୍ଭିସେସ୍ ପ୍ରାଇଭେଟ ଲିମିଟେଡ ପକ୍ଷରୁ ଆରମ୍ଭ ଆୟୋଜନ କରାଯାଇଛି। ଏକ୍ସପୋକୁ ବିଧାୟକ ଅନନ୍ତ ନରାୟଣ ଜେନା ଉନ୍ମୋଚନ କରିଥିଲେ। ଏଠାରେ ୨୫ରୁ ଊର୍ଦ୍ଧ୍ୱ ଶୀର୍ଷ ଅଟୋମୋବାଇଲ ପ୍ଲେୟର ସେମାନଙ୍କ କାର ଏବଂ ଟୁହ୍ବିଲର୍ସ ପ୍ରଦର୍ଶନ କରିବା ସହ ଆକର୍ଷଣୀୟ ଅଫର ପ୍ରଦାନ କରୁଛନ୍ତି। ଏକ୍ସପୋରେ ୩୦ ଷ୍ଟଲ ସ୍ଥାପନ କରାଯାଇଛି। ଏହା ପୂର୍ବାହ୍ନ ୧୧ଟା ଠାରୁ ରାତି ୯ଟା ଯାଏ ଚାଲିବ। ଲୋକମାନେ ଏକ୍ସପୋ ବୁଲିବା ସହ ପ୍ରଡକ୍ଟ ଦେଖିବା ଏବଂ ଅଫର ଲାଭ ନେଇ ପାରିବେ ବୋଲି ରେସ୍ପନ୍ସର ଏମ୍ଡି ଏନ୍.ରବି ଶଙ୍କର ସୂଚନା ଦେଇଛନ୍ତି। ଏଠାରେ ପ୍ରମୁଖ ବ୍ୟାଙ୍କ ଏବଂ ବିତ୍ତ ପ୍ରତିଷ୍ଠାନଗୁଡିକ ମଧ୍ୟ ସେମାନଙ୍କ ଷ୍ଟଲ ସ୍ଥାପନ କରିଛନ୍ତି। ଲୋକଙ୍କୁ ଆବଶ୍ୟକତା ମୁତାବକ ଫାଇନାନ୍ସ ସୁବିଧା ଏଠାରେ ପ୍ରଦାନ କରାଯାଉଛି। ଅଟୋମୋବାଇଲ କମ୍ପାନୀମାନେ ଏକ୍ସଚେଞ୍ଜ ମେଳାରେ ରିହାତି ପ୍ରଦାନ କରୁଥିବା ଜଣାପଡିଛି। ସେହିଭଳି ଗ୍ରାହକଙ୍କ ଲାଗି ବିଭିନ୍ନ ପ୍ରତିଯୋଗିତା ଏହି ଅବସରରେ ଆୟୋଜନ କରାଯାଉଛି। ଏଥିରେ ବିଜେତାଙ୍କୁ ଆକର୍ଷଣୀୟ ପୁରସ୍କାର ଜିତିବାର ସୁବିଧା ରହିଛି।
