ଲଣ୍ଡନ,୩ା୧୦(ପି.ଟି.): ହାଇଦ୍ରାବାଦର ନିଜାମଙ୍କ ସମ୍ପତ୍ତି ଉପରେ ପାକିସ୍ତାନର ଦାବିକୁ ବ୍ରିଟେନ ହାଇକୋର୍ଟ ବୁଧବାର ଅଗ୍ରାହ୍ୟ କରିଦେଇଛନ୍ତି। ବହୁ ଦଶନ୍ଧି ଧରି ଲାଗି ରହିଥିବା ଏହି ବିବାଦର ରାୟ ଭାରତ ସପକ୍ଷରେ ଯାଇଛି। ୧୯୪୭ରେ ଦେଶ ବିଭାଜନ ବେଳେ ନିଜାମଙ୍କର ବିପୁଳ ପାଣ୍ଠି ଓ ଲଣ୍ଡନ ବ୍ୟାଙ୍କ ଆକାଉଣ୍ଟରେ ଥିବା ଜମାରାଶି ଉପରେ ପାକିସ୍ତାନ ଦାବି କରିଆସୁଥିଲା। ବ୍ରିଟେନର ନେଟଓ୍ବେଷ୍ଟ ବ୍ୟାଙ୍କରେ ନିଜାମଙ୍କର ପାଖାପାଖି ୩୫ ନିୟୁତ ପାଉଣ୍ଡ ଜମା ରହିଛି। ଏହି ଆଇନଗତ ଲଢ଼େଇରେ ଭାରତ ସରକାରଙ୍କ ସହ ନିଜାମଙ୍କ ବଂଶଧର ଯୁବରାଜ ମୁକାରାମ ଜାହ ଓ ତାଙ୍କ ସାନଭାଇ ମୁଫକରାମ ହାତ ମିଳାଇଥିଲେ। ଲଣ୍ଡନ ରୟାଲ କୋର୍ଟ ଅଫ୍ ଜଷ୍ଟିସ୍ର ବିଚାରପତି ମାର୍କସ୍ ସ୍ମିଥ୍ ତାଙ୍କ ରାୟରେ କହିଥିଲେ ସପ୍ତମ ନିଜାମଙ୍କ ସମ୍ପତ୍ତିର ହକ୍ଦାର ଯୁବରାଜ ଓ ଭାରତ। ଫରେନ୍ ଆକ୍ଟ ଅଫ ଷ୍ଟେଟ୍ ଡକ୍ଟ୍ରିନ୍ କାରଣରୁ ପାକିସ୍ତାନର ଦାବି ଯଥାର୍ଥ ନୁହେଁ।
ହାଇଦ୍ରାବାଦର ତତ୍କାଳୀନ ନିଜାମଙ୍କର ୧,୦୦୭,୯୪୦ ପାଉଣ୍ଡ ୯ ସିଲିଂ ନବଗଠିତ ପାକିସ୍ତାନର ବ୍ରିଟେନରେ ଥିବା ହାଇକମିଶନରଙ୍କ ପାଖକୁ ଟ୍ରାନ୍ସଫର ହୋଇଥିଲା, ଯାହାକୁ ନେଇ ବିବାଦ ଲାଗି ରହିଛି। ଏବେ ଉକ୍ତ ଅର୍ଥରାଶି ପରିମାଣ ୩୫ ନିୟୁତ ପାଉଣ୍ଡରେ ପହଞ୍ଚତ୍ଲାଣି। ଭାରତ ସମର୍ଥନ କରୁଥିବା ନିଜାମଙ୍କ ବଂଶଧର ଉକ୍ତ ଜମାରାଶି ସେମାନଙ୍କର ବୋଲି ଦାବି କରିଥିବାବେଳେ ପାକିସ୍ତାନ ଏହା ଉପରେ ନିଜର ଅଧିକାର ସାବ୍ୟସ୍ତ କରୁଥିଲା। ୧୯୪୮ରୁ ଲାଗି ରହିଥିବା ଏହି ବିବାଦର ଏକପ୍ରକାର ସମାଧାନ ହୋଇଯାଇଛି। ପାଣ୍ଠି ଉପରେ ଅଷ୍ଟମ ନିଜାମର ଅଧିକାର ରହିଥିବା କୋର୍ଟ କହିଛନ୍ତି। ବିବାଦ ଆରମ୍ଭ ହେବା ବେଳେ ଯୁବରାଜ ଶିଶୁ ଥିଲେ। ଏବେ ସେ ୮୦ ବର୍ଷରେ ପହଞ୍ଚତ୍ଥିବାବେଳେ ରାୟ ତାଙ୍କ ସପକ୍ଷରେ ଯାଇଥିବା ଓକିଲ ପଲ୍ ହଓ୍ବେିଟ୍ କହିଛନ୍ତି।
