ଭଞ୍ଜନଗର,୯।୬(ଡି.ଏନ.ଏ)- ନନ୍ଦିନୀ ଶତପଥୀ ସ୍ମୃତି ସଂସଦ ପକ୍ଷରୁ ପୂର୍ବତନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀଙ୍କ ୮୯ତମ ଜୟନ୍ତୀ ମଙ୍ଗଳବାର ଭଞ୍ଜନଗରରେ ପାଳିତ ହୋଇଯାଇଛି। କରୋନା ଯୋଗୁ ସମସ୍ତ ବ୍ୟକ୍ତିଙ୍କୁ ସାନିଟାଇଜ କରାଯିବା ପରେ ସାମାଜିକ ଦୂରତ୍ୱ ବଜାୟ ରଖି ଶ୍ରୀଅରବିନ୍ଦ ଶକ୍ତିପୀଠରେ ଜୟନ୍ତୀ ଉସତ୍ବ ପାଳିତ ହୋଇଥିଲା। କରୋନା ସମୟରେ ସାମାଜିକ ସେବା କରିଥିବା ହେଲପିଙ୍ଗ୍ ହ୍ୟାଣ୍ଡର କର୍ମକର୍ତ୍ତା ପ୍ରଶାନ୍ତ ପ୍ରଧାନ, କିରନ କୁମାର ବିଷୋୟୀ, ଟିଟୁ ବାହାଦୁର ଥାପ୍ପା, ଶୁଭମ୍ ପ୍ରଧାନ, ଭବାନୀ ପାଳ, ସିଦ୍ଧାର୍ଥ ସାହୁ, ଦୀପକ ପ୍ରଧାନ, ଅବସରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ନିରଦାବାସିନୀ ପଟ୍ଟନାୟକ, ସାବିତ୍ରୀ ମହିଳା ମହାବିଦ୍ୟାଳୟ ଅବସରପ୍ରାପ୍ତ ଗ୍ରନ୍ଥପାଳ ପଞ୍ଚାନନ ପାଳ, ସାଈ ଏସ୍ଏଚ୍ଜି ସଭାନେତ୍ରୀ ଗୀତାଞ୍ଜଳି ତ୍ରିପାଠୀ, ସ୍ବଚ୍ଛସାଥୀ ଗୋଲାପ ମଳିକ, ଚଳିତ ବର୍ଷ ପ୍ରକୃତି ମିତ୍ର୍ର ପୁରସ୍କାର ପାଇଁ ମନୋନିତ ସାଇ ଗୁରୁକୂଳର ପ୍ରଧାନ ଶିକ୍ଷକ ମନୋରଞ୍ଜନ ମିଶ୍ର ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏହାପରେ ସାଈ ଗୁରୁକୂଳ ଆବାସିକ ବିଦ୍ୟାଳୟ, ଶ୍ରୀଅରବିନ୍ଦ ଶକ୍ତିପୀଠ ଏବଂ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପରିସରରେ ଚାରାରୋପଣ ସହ ସତ୍ୟସାଈ ସେବା ସମିତି ସାଇ ଅମୃତ କଳସର କର୍ମକର୍ତ୍ତା ସନତ ସାହୁଙ୍କ ସହଯୋଗରେ ସହରର ବିଭିନ୍ନ ଗରିବ ଲୋକଙ୍କୁ ଶୁଖିଲା ଖାଦ୍ୟ ଓ ରାଶନ ବଣ୍ଟନ କରାଯାଇଥିଲା।
ଏହି ଅବସରରେ ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ ଅଧ୍ୟକ୍ଷ ଡ଼. ନୀଳାଞ୍ଚଳ ମୁନି ମୁଖ୍ୟ ଅତିଥି, ଅବସରପ୍ରାପ୍ତ କଲେଜ ଅଧ୍ୟକ୍ଷ ଡ଼. ପୂର୍ଣ୍ଣଚନ୍ଦ୍ର ତ୍ରିପାଠୀ, ଗଞ୍ଜାମ ଜିଲା ଅବୈତନିକ ବନ୍ୟପ୍ରାଣୀ ତତ୍ତ୍ୱାବଧାରକ ଅନୁପମ ବାନାର୍ଜି, ସାଈ ଗୁରୁକୂଳ ଆବାସିକ ବିଦ୍ୟାଳୟ ଚେୟାରମ୍ୟାନ ଅଜିତ ଶତପଥୀ, ଭଞ୍ଜନଗର ସତ୍ୟସାଈ ସେବା ସଙ୍ଗଠନର କର୍ମକର୍ତ୍ତା ସନତ କୁମାର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସଂସଦ ସଭାପତି ତଥା ଅବସରପ୍ରାପ୍ତ କଲେଜ ଅଧ୍ୟକ୍ଷ କୃତିବାସ ବିଶ୍ୱାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉସତ୍ବକୁ ସାମାଜିକ କର୍ମୀ ଶୁଳପାଣି ଶତପଥୀ ସଂଯୋଜନା କରିଥିଲେ। ସମ୍ପାଦକ ବାବୁଲା ପ୍ରଧାନ ଧନ୍ୟବାଦ ଅର୍ପଣ କରିଥିଲେ।
ପ୍ରମୋଦ ପ୍ରଧାନ, ଖେଳବତୀ ସାହୁ, ସାଈ ଗୁରୁକୂଳ ଆବାସିକ ବିଦ୍ୟାଳୟ ଓ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଶିକ୍ଷୟିତ୍ରୀ ଶିକ୍ଷକ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଆଗାମୀ ଦିନରେ କରୋନା ସ୍ଥିତିରେ ସୁଧାର ଆସିଲେ ଅଗଷ୍ଟ ୪ରେ ନନ୍ଦିନୀ ଶତପଥୀଙ୍କ ଶ୍ରାଦ୍ଧ ଦିବସରେ ଭଞ୍ଜନଗର ଅଞ୍ଚଳର କରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯିବ ବୋଲି ସଂସଦ ପକ୍ଷରୁ ନିଷ୍ପତି ହୋଇଥିଲା।
(((((ଫଟୋ୯ଏ-ସମ୍ବର୍ଦ୍ଧନା ଉସତ୍ବରେ ଅତିଥି ଏବଂ ସମ୍ବର୍ଦ୍ଧିତ ବ୍ୟକ୍ତି।
