ସିଡ୍ନୀ,୨୧ା୫- ଦୁଇ ସାଙ୍ଗଙ୍କ ସହ ପ୍ରବଳ ଯୁକ୍ତିତର୍କ ପରେ ପୂର୍ବତନ ଅଷ୍ଟ୍ରେଲିଆନ ଓପନର ମାଇକେଲ ସ୍ଲାଟରଙ୍କୁ ବିମାନରୁ ବିଦା ହେବାକୁ ପଡ଼ିଛି। ମାକୁରି ସ୍ପୋଟର୍ସ ରେଡିଓ ଅନୁଯାୟୀ, ରବିବାର ସିଡ୍ନୀରୁ ବିମାନ ଓ୍ବାଗା ଯିବାର ଥିଲା। କିନ୍ତୁ ସ୍ଲାଟର ଓ ଦୁଇ ମହିଳାଙ୍କ ମଧ୍ୟରେ କୌଣସି କାରଣରୁ ଯୁକ୍ତି ହୋଇଥିଲା। ଏହାପରେ ସ୍ଲାଟର ବିମାନର ଶୌଚାଳୟରେ ନିଜକୁ ବନ୍ଦ କରି ଦେଇଥିଲେ। ତାଙ୍କୁ ବାହାରକୁ କାଢ଼ିବା ପାଇଁ ସୁରକ୍ଷା କର୍ମକର୍ତ୍ତାଙ୍କୁ ଡକାଇବାକୁ ପଡ଼ିଥିଲା। ଏଥିନେଇ ବିମାନ ଉଡାଣରେ ଅଧ ଘଣ୍ଟା ବିଳମ୍ବ ହୋଇଥିଲା। କ୍ରିକେଟ ପଣ୍ଡିତ ଭାବେ ଜଣାଶୁଣା ସ୍ଲାଟରଙ୍କୁ ବିଶ୍ୱକପ୍ ଲାଗି ଭାଷ୍ୟକାର ପେନାଲରେ ସ୍ଥାନ ମିଳିଛି। ଏହି ଘଟଣାକୁ ଅଷ୍ଟ୍ରେଲିଆନ ଏୟାର ଲାଇନ କ୍ୱାଣ୍ଟାସ ସ୍ପଷ୍ଟ କରିଛି। ଓ୍ବାଗା ପାଇଁ ବିମାନ ଉଡାଣ ଆରମ୍ଭ କରିବା ପୂର୍ବରୁ ମୁଁ ଦୁଇ ବନ୍ଧୁଙ୍କ ସହ ଯୁକ୍ତି କରିଥିଲି। ଏଥିଯୋଗୁ ବିମାନର ଅନ୍ୟ ଯାତ୍ରୀମାନଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିଥିଲା। ଏଥିନେଇ ମୁଁ କ୍ଷମା ପ୍ରାର୍ଥନା କରୁଛି ବୋଲି ସ୍ଲାଟର କହିଛନ୍ତି। ୨୦୦୪ରେ ଅବସର ନେଇଥିବା ପୂର୍ବତନ ଅଷ୍ଟ୍ରେଲିଆନ ଟେଷ୍ଟ କ୍ରିକେଟରେ ୫,୩୧୨ ରନ୍ କରିଛନ୍ତି।
