ଶେରଗଡ଼,୯ା୫(ଡି.ଏନ୍.ଏ.) : ଗଞ୍ଜାମ ଜିଲା ଶେରଗଡ଼ ଚାରିଛକରେ ଶନିବାର ବିଦେଶୀ ମଦ ବୋଝେଇ ଏକ ବୋଲେରୋ ନଂ. ଓଡି ୦୭ ଆର୍ ୬୯୭୨କୁ ଶେରଗଡ଼ ଏସ୍ଡିପିଓ ସୂର୍ଯ୍ୟମଣି ପ୍ରଧାନଙ୍କ ନେତୃତ୍ୱରେ ଜବତ କରାଯାଇଛି। ଏନେଇ ଶେରଗଡ଼ ଥାନାରେ ୪୮/୨୦ରେ ଏକ ମାମଲା ରୁଜୁ ହୋଇଛି। ଉକ୍ତ ବୋଲେରୋରେ ଗାଡ଼ିଚାଳକକୁ ମିଶାଇ ୬ଜଣଙ୍କୁ ଗିରଫ କରିଛି ପୋଲିସ। ଏହି ବୋଲେରୋ ମଦ ବୋଝେଇ କରି ବ୍ରହ୍ମପୁର ଅଭିମୁଖେ ଯାଉଥିଲା। ବିଶେଷ ସୂତ୍ରରୁ ଖବର ପାଇ ଏସ୍ଡିପିଓ ସୂର୍ଯ୍ୟମଣି ପ୍ରଧାନ ଏବଂ ଶେରଗଡ଼ ଥାନାଧିକାରୀ ରମେଶ ଚନ୍ଦ୍ର ଦାସ ଚାରିଛକରେ ଉକ୍ତ ବୋଲେରୋକୁ କାବୁ କରିଥିଲେ। ଜବତ ଗାଡ଼ି ଶେରଗଡ ଥାନାରେ ରଖାଯାଇଛି। ଉକ୍ତ ଗାଡ଼ିରେ ଯାଉଥିବା ଅମୂଲ୍ୟ କୁମାର ପଣ୍ଡା,ପ୍ରଶାନ୍ତ କୁମାର ସାହୁ,ରତ୍ନାକର ସାହୁ, ମିଟୁ ପ୍ରଧାନ, ଧନୁ ଗୌଡ଼, ସୁଶାନ୍ତ କୁମାର ଗୌଡ଼ଙ୍କୁ ପୋଲିସ ଗିରଫ କରିଛି।
