ବିଦେଶୀ ପକ୍ଷୀଙ୍କ ଉପରେ ଶିକାରୀଙ୍କ ଲୋଲୁପ ଦୃଷ୍ଟି

ଯାଜପୁର ରୋଡ଼,୧୯।୯(ନି.ପ୍ର.): ଯାଜପୁର ରୋଡ଼ ସହରର ସାପଗଡ଼ିଆ ଅଞ୍ଚଳରେ ବିଦେଶୀ ପକ୍ଷୀଙ୍କ ସମାଗମ ହୋଇଛି। ଏହି ପକ୍ଷୀମାନେ ସାଇବେରିଆ ଅଞ୍ଚଳରୁ ଆଜକୁ ୨୦ବର୍ଷ ଧରି ଏଠାକୁ ଆସି ଅଣ୍ଡା ଦେଇଥାନ୍ତି। ଅଣ୍ଡାରୁ ଛୁଆ ବାହାରିଲା ପରେ ଛୁଆକୁ ସାଙ୍ଗରେ ନେଇ ପୁଣି ଗନ୍ତବ୍ୟ ସ୍ଥଳକୁ ଚାଲିଯାନ୍ତି ବୋଲି ବନ ବିଭାଗ ପକ୍ଷରୁ କୁହାଯାଉଛି। ଚଳିତ ବର୍ଷ ୮ହଜାରରୁ ଊର୍ଦ୍ଧ୍ୱ ବିଦେଶୀ ପକ୍ଷୀ ଏହି ଅଞ୍ଚଳର ବିଭିନ୍ନ ଗଛରେ ବସା ବାନ୍ଧି ଅଣ୍ଡା ଦେଇଛନ୍ତି। ଏହି ପକ୍ଷୀ ଜୁଲାଇ ଶେଷ ସମୟରେ ଆସିଥାନ୍ତି। ଜାନୁୟାରୀରେ ପକ୍ଷୀମାନେ ଏଠାରୁ ପଳାଇଯାନ୍ତି। ଏବେ ଶିକାରୀମାନେ ପକ୍ଷୀଙ୍କ ଉପରେ ଲୋଲୁପ ଦୃଷ୍ଟି ପକାଇଛନ୍ତି ଓ ଶିକାର କରିବାରେ ଲାଗିଛନ୍ତି। ଗାଁ ଲୋକ ପକ୍ଷୀଙ୍କୁ ସୁରକ୍ଷା ଦେଉଥିଲେ ମଧ୍ୟ ଶିକାରୀମାନେ ପକ୍ଷୀଙ୍କୁ ମାରିଚାଲିଛନ୍ତି। ବନ ବିଭାଗ ପକ୍ଷରୁ ଏ ଦିଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ। ଦିନରେ ମାଈ ପକ୍ଷୀମାନେ ବାହାରକୁ ଖାଦ୍ୟ ଅନ୍ବେଷଣରେ ନିକଟସ୍ଥ ବ୍ରାହ୍ମଣୀ ଖରସ୍ରୋତା ନଦୀକୁ ଯାଇଥାନ୍ତି। ଠିକ୍‌ ୪ଟାବେଳେ ଫେରିଆସନ୍ତି। ସେମାନଙ୍କ ଛୁଆକୁ ଅଣ୍ଡିରା ପକ୍ଷୀ ଜଗିଥାଏ। ଏବେ ପକ୍ଷୀଙ୍କ ରାବରେ ସମଗ୍ର ଅଞ୍ଚଳ ପ୍ରକମ୍ପିତ ହେଉଛି। ତେବେ ବର୍ଷା ହେଲେ ଶାବକ ପକ୍ଷୀଙ୍କ ପରରେ ପାଣି ଲାଗିଗଲେ ସେମାନେ ତଳେ ପଡ଼ିଯାଉଛନ୍ତି। ଫଳରେ ବିଲେଇ ଓ ଅନ୍ୟାନ୍ୟ ଜନ୍ତୁଙ୍କ ଆହାର ପାଲଟୁଛନ୍ତି। ଏହିଭଳି ଏକ ଘଟଣା ତିନି ବର୍ଷ ତଳେ ମଧ୍ୟ ଘଟିଥିଲା। ଗୋଟିଏ ଶାବକ ପକ୍ଷୀ ବର୍ଷାରେ ଓଦା ହୋଇ ତଳେ ପଡ଼ି ଯାଇଥିଲା। ଉକ୍ତ ପକ୍ଷୀଟିକୁ ସାପଗଡ଼ିଆ ଗାଁର ବିଜୟ ବାରିକ ନାମକ ବ୍ୟକ୍ତି ଆଣି ଚିକିତ୍ସା କରି ଭଲ କରିଥିଲେ। ଏହାପରେ ଉକ୍ତ ପକ୍ଷୀଟି ସେଠାରୁ ଆଉ ଯାଉ ନ ଥିବା ଦେଖିବାକୁ ମିଳିଛି। ବିଜୟ ତାଙ୍କ ନାଁ କାଳିଆ ଦେଇଛନ୍ତି। ବିଜୟ କାଳିଆ ଡାକିଲେ ପକ୍ଷୀଟି ଯେଉଁଠି ଥିଲେ ବି ଉଡ଼ିଆସି ତାଙ୍କ କାନ୍ଧରେ ବସେ। ସେ ଗେଣ୍ଡା ଓ ଅନ୍ୟାନ୍ୟ ଖାଦ୍ୟ ଦେଲେ ସେ ଖାଇ ପୁଣି ଉଡ଼ିଯାଏ। ଏଥିପାଇଁ ବାରିକଙ୍କୁ ବନ ବିଭାଗ ତରଫରୁ ବିଜୁ ପଟ୍ଟନାୟକ ପୁରସ୍କାର ମିଳିଛି। ଏହି ପକ୍ଷୀଟି ଅନ୍ୟ ପକ୍ଷୀଙ୍କ ସହ ମିଶୁନାହିଁ। ସେ ଏକ ଗଛରେ ରହୁଛି। ଏହାକୁ ଦେଖିବା ପାଇଁ ଅନେକ ଲୋକ ସେଠାରେ ରୁଣ୍ଡ ହୁଅନ୍ତି ଓ କାଳିଆକୁ ଶ୍ରଦ୍ଧାରେ ଆଉଁସି ଦିଅନ୍ତି। ଯେତେବେଳେ ଖାଦ୍ୟ ନ ପାଏ, ସେ ଉଡ଼ିଆସି ବିଜୟଙ୍କ ଘରେ ଆସି ବସେ। ତାକୁ ଖାଦ୍ୟ ଦେଲାପରେ ସେ ଖାଇ ଉଡ଼ିଯାଏ। ତେବେ ଏହିଭଳି ଏଠାକୁ ଆସୁଥିବା ବିଦେଶୀ ପକ୍ଷୀଙ୍କ ସୁରକ୍ଷା ସମ୍ପର୍କରେ ଯାଜପୁର ରୋଡ଼ ବନ ବିଭାଗର ଦେବେନ୍ଦ୍ର ପଟ୍ଟନାୟକଙ୍କୁ ପଚାରିବାରୁ, ଏଠାରେ ଅନେକ ବିଦେଶୀ ପକ୍ଷୀ ଆସି ରହିଥିବା ଜଣାପଡ଼ିଛି। ସେମାନଙ୍କୁ ସୁରକ୍ଷା ଦେବା ପାଇଁ ଷ୍ଟାଫ୍‌ ମୁତୟନ କରାଯିବ। ପକ୍ଷୀ ଶିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆଶ୍ଚର୍ଯ୍ୟର ବିଷୟ ଯେ, ଯାଜପୁରରୋଡ଼ରେ ବହୁ ବଡ଼ ବଡ଼ ଗଛ ଥିଲେ ମଧ୍ୟ ଏହି ପକ୍ଷୀମାନେ ସେଠାରେ ନ ରହି କେବଳ ସାପଗଡ଼ିଆରେ ରହୁଛନ୍ତି। ଗ୍ରାମବାସୀମାନେ ପକ୍ଷୀପ୍ରେମୀ ହେଇଥିବାରୁ ସେମାନଙ୍କୁ ସୁରକ୍ଷା ଦେଉଛନ୍ତି। ପକ୍ଷୀଗୁଡ଼ିକ ଏଠାକୁ ଆସିବା ଦ୍ୱାରା ତାଙ୍କ ଗ୍ରାମର ମଙ୍ଗଳ ହେଉଛି ବୋଲି ଗ୍ରାମବାସୀଙ୍କ ବିଶ୍ୱାସ ରହିଛି।


Enter your email to get our daily news in your inbox.

All Right Reserved By Dharitri.Com

ନାବାଳିକାଙ୍କୁ ବଳାତ୍କାର: ଅଭିଯୁକ୍ତଙ୍କୁ ୧୦ ବର୍ଷ ଜେଲ ସହ ଜରିମାନା

ବ୍ରହ୍ମପୁର ଅଫିସ,୨୮ା୮- ନାବାଳିକାଙ୍କୁ ବଳାତ୍କାର ମାମଲାର ମଙ୍ଗଳବାର ଶୁଣାଣି କରି ଅତିରିକ୍ତ ଜିଲା ଦୌରା ଜଜ -୨ ତଥା ସ୍ବତନ୍ତ୍ର ପୋକ୍‌ସୋ ବିଚାରପତି ଜଗଦୀଶ ପ୍ରସାଦ...

କୋଭିଡ୍‌ କେୟାର ସେଣ୍ଟରରେ ଜୀବନ ହାରିଲେ ଯୁବକ

ବାଲିଗୁଡା,୨୧ା୬(ଡି.ଏନ୍‌.ଏ.)-କନ୍ଧମାଳ ଜିଲା ବାଲିଗୁଡା ବ୍ଲକ ବଡଗାଁସ୍ଥିତ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ହୋଇଥିବା ଅସ୍ଥାୟୀ କୋଭିଡ୍‌ କେୟାର ସେଣ୍ଟରରେ ଜଣେ ହାଇଦ୍ରାବାଦ ଫେରନ୍ତା ପ୍ରବାସୀ ଓଡ଼ିଆ...

ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ: ଉପଶାସ୍ତ୍ରୀ, ଶାସ୍ତ୍ରୀ ପରୀକ୍ଷା ଫଳ ପ୍ରକାଶ

ପୁରୀ ଅଫିସ,୩୦ା୫: ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ଦ୍ୱାରା ପରିଚାଳିତ ୨୦୧୯ ଉପଶାସ୍ତ୍ରୀ ଓ ଶାସ୍ତ୍ରୀ ତୃତୀୟ ବର୍ଷ ରେଗୁଲାର ଏବଂ ଏକ୍ସ ରେଗୁଲାର ପରୀକ୍ଷା ଫଳାଫଳ...

ଲକଡାଉନ୍‌ ନିୟମକୁ ଅବମାନନା: ୧୦ ଦୋକାନ ସିଲ୍‌ କଲା ପ୍ରଶାସନ

ଯୋଡା,୨୪ା୫,(ଡି.ଏନ.ଏ.)-ଲକଡାଉନ୍‌ ୪.୦ ନିୟମକୁ ଅବମାନନା କରିବା ଅଭିଯୋଗରେ ଶନିବାର ସାରେ କେନ୍ଦୁଝର ଜିଲା ଯୋଡା ପୌରପାଳିକାରେ ଥିବା ୧୦ ଦୋକାନକୁ ପ୍ରଶାସନ ପକ୍ଷରୁ ସିଲ କରାଯାଇଛି।...

୨୦୩୫ ପର୍ଯ୍ୟନ୍ତ ଦେଶରେ ଖାଦ୍ୟାଭାବ ଭୟ ନାହିଁ

କଟକ ଅଫିସ, ୨୯।୫: ସମ୍ପ୍ରତି ଚାଇନା ବିଶ୍ୱରେ ସର୍ବାଧିକ ଧାନ ଉତ୍ପାଦନକାରୀ ରାଷ୍ଟ୍ର ଭାବେ ପରିଗଣିତ ହେଉଛି। ଚାଇନାରେ ହେକ୍ଟର ପିଛା ହାରାହାରି ୬୦ କୁଇଣ୍ଟାଲ...

ଗାଡ଼ି ପାସ୍‌ ନବୀକରଣ ଅନାବଶ୍ୟକ, ଖୋଲା ରହିବ ଟାୟାର ମରାମତି ଦୋକାନ: ପୋଲିସ କମିଶନର

ଭୁବନେଶ୍ୱର, ୩୦।୩(ବ୍ୟୁରୋ): ଲକ୍‌ଡାଉନ୍‌ ପାଇଁ କମିଶନରେଟ ପୋଲିସ ପକ୍ଷରୁ ଜାରି ହୋଇଥିବା ସମସ୍ତ ଗାଡ଼ି ପାସ୍‌ ନବୀକରଣର ଆବଶ୍ୟକତା ନାହିଁ। କରୋନା (କୋଭିଡ-୧୯) ସ୍ଥିତିର ସୁଧାର...

ବିଜେପୁର ଉପନିର୍ବାଚନ : ନାମାଙ୍କନପତ୍ର ଦାଖଲ କଲେ ଭାଜପା ପ୍ରାର୍ଥୀ

ବରଗଡ଼ ଅଫିସ/ପଦ୍ମପୁର,୩୦।୯(ଡି.ଏନ୍‌.ଏ.): ଭାଜପା ପ୍ରାର୍ଥୀ ସନତ ଗଡ଼ତିଆ ପଦ୍ମପୁର ଉପଜିଲାପାଳଙ୍କ ନିକଟରେ ନାମାଙ୍କନପତ୍ର ଦାଖଲ କରିଛନ୍ତି। ଏହି ସମୟରେ ତାଙ୍କ ସହିତ ଭାଜପାର ବସନ୍ତ ପଣ୍ଡା,...

ଆଜି ସୁସ୍ଥ ହେଲେ ୧୫୪୪ କରୋନା ଆକ୍ରାନ୍ତ: ଏହି ଜିଲାରୁ ସର୍ବାଧିକ ସୁସ୍ଥ…

ଭୁବନେଶ୍ୱର,୮।୮(ବ୍ୟୁରୋ)-ରାଜ୍ୟରେ ଶନିବାର ଆଉ ୧୫୪୪ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଗଞ୍ଜାମରୁ ସର୍ବାଧିକ ୫୬୦ ଜଣ ସୁସ୍ଥ ହୋଇଥିବାବେଳେ ଖୋର୍ଦ୍ଧାରୁ ୨୦୩, କୋରାପୁଟରୁ ୧୪୩, ଗଜପତିରୁ...

Coronavirus Update


Archives

Model This Week

Why Dharitri