ଛତ୍ରପୁର,୨ା୪(ଡି.ଏନ୍.ଏ.)- ଗଞ୍ଜାମ ଜିଲାକୁ ବିଦେଶ ଓ ବାହାର ରାଜ୍ୟରୁ ୨୫ ହଜାର ୫୮୦ ଜଣ ଫେରିଛନ୍ତି। ସେଥିମଧ୍ୟରେ ବାହାର ରାଜ୍ୟରୁ ୨୪ ହଜାର ୮୫୦ ଜଣ ଓ ବିଦେଶରୁ ୭୩୦ ଜଣ ରହିଛନ୍ତି। ଅପରପକ୍ଷରେ ବିଦେଶରୁ ଗଞ୍ଜାମ ଜିଲାରେ ଖଲ୍ଲିକୋଟ ବ୍ଲକ ଓ ଏନ୍ଏସିକୁ ସର୍ବାଧିକ ୧୪୦ ଜଣ ଆସିଛନ୍ତି। ବ୍ରହ୍ମପୁର ମହାନଗର ନିଗମକୁ ୯୮ ଜଣ ବିଦେଶରୁ ଆସିଥିବାବେଳେ ଚିକିଟି ବ୍ଲକକୁ ୯୯ ଜଣ, ରଙ୍ଗେଇଲୁଣ୍ଡା ବ୍ଲକକୁ ୮୨ ଜଣ, ପାତ୍ରପୁର ବ୍ଲକ ୭୯ ଜଣ ଆସିଛନ୍ତି। ମାତ୍ର ଉଭୟ ରାଜ୍ୟ ବାହାରୁ ଓ ବିଦେଶରୁ ସର୍ବାଧିକ ପୋଲସରାକୁ ୧୮୨୦ ଜଣ ଆସିଛନ୍ତି। ସେହିପରି ହିଞ୍ଜିଳିକୁ ୧୭୯୨ ଜଣ, କବିସୂର୍ଯ୍ୟନଗରକୁ ୧୭୦୧ ଜଣ, ଧରାକୋଟକୁ ୧୪୮୦ ଜଣ ଓ ରଙ୍ଗେଇଲୁଣ୍ଡାକୁ ୧୪୫୨ ଜଣ ଆସିଛନ୍ତି।
