ବାହାନଗା, ୧୯ା୮(ଡି.ଏନ.ଏ.)-ବାଲେଶ୍ୱର ଜିଲା ଶନିବାରଠାରୁ ଲଘୁଚାପଜନିତ ବର୍ଷା ଲାଗି ରହିବାରୁ ବାହାନଗା ବ୍ଲକରେ କୃତ୍ରିମ ବନ୍ୟା ଦେଖାଦେଇଛି ା ସମୁଦ୍ର କୂଳବର୍ତ୍ତୀ ଅଞ୍ଚଳରେ ଥିବା ଚାଷ ଜମଗୁଡିକରେ ବର୍ଷା ପାଣି ମାଡିଯାଇଛି ା ବର୍ଷା ନ ହେବାରୁ ଚାଷୀ ବିଲକୁ ଲଙ୍ଗଳଟିଏ ନେଇପାରୁ ନ ଥିଲା ା ମାତ୍ର ଦୁଇଦିନ ଧରି ଲଘୁଚାପ ବର୍ଷା ଲାଗି ରହିବାରୁ ବର୍ଷା ପାଣି ନିଷ୍କାସନ ହୋଇ ନ ପାରି ଚାଷ ଜମିରେ ଜମିରହିଛି ା ରାସ୍ତା କଡରେ ଥିବା ନୟନଯୋରିକୁ ପୋତି ଦେଇ ଲୋକମାନେ ନିଜ ଅକ୍ତିଆରକୁ ନେବା ଫଳରେ ଏଭଳି ପରିସ୍ଥିତି ଉପୁଜିଛି।
ଉପରମୁଣ୍ଡରେ ବର୍ଷା ଜଳ ପ୍ରବାହିତ ହୋଇ ସମୁଦ୍ରକୁ ନିଷ୍କାସନ ହୋଇଥାଏ। ମାତ୍ର ସେହି ଜଳ ସମୁଦ୍ରକୁ ନ ଯାଇ ଚାଷ ଜମି ଓ ଗ୍ରାମ ଭିତରକୁ ପ୍ରବେଶ କରିବାରୁ କୃତ୍ରିମ ବନ୍ୟା ଦେଖାଦେଇଛି। ଖରାସାହାପୁର, ଅଭଣା ଓ ଚିତ୍ତଳ ଆଦି ଅଞ୍ଚଳରେ ଉପରମୁଣ୍ଡ ପାଣି କାଂଶବାଂଶ ନଦୀଜଳରୁ ସମୁଦ୍ରକୁ ପ୍ରବାହିତ ହେଉଥିବା ବେଳେ ସେହି ନଦୀର ମୁହଁ ଓ ନୟନଯୋରି, ମହାନାଳ ମୁହଁକୁ ଲୋକମାନେ ପୋତିଦେଇଛନ୍ତି। ଲଗାଣ ବର୍ଷା ହେଲାମାତ୍ରେ ସେହି ପାଣି ନିଷ୍କାସନ ନ ହୋଇ ଚାଷ ଜମିରେ ଜମାଟ ବନ୍ଧିବା ଯୋଗୁ ଚାଷୀମାନେ ନାହିଁ ନ ଥିବା ଅସୁବିଧାରେ ସମ୍ମୁଖୀନ ହେଉଛନ୍ତି। ପ୍ରଶାସନ ଯଦି ରାସ୍ତା କଡରେ ଥିବା ନୟନଯୋରି, ଜଳ ନିଷ୍କାସନ ନିମନ୍ତେ ଥିବା ମହାନାଳଗୁଡିକୁ ଅବରୋଧକାରୀଙ୍କ କବଳରୁ ଉଚ୍ଛେଦ ନ କରନ୍ତି ତା’ହେଲେ ଆଗାମୀ ଦିନରେ ବିଲରେ ଚାଷ କରିବା ବନ୍ଦ ହୋଇଯିବ। ତେବେ ଖରାସାହାପୁର, ଅଭଣା ଚିତ୍ତଳର ଛତୁବାଟି ଆଦି ଅଞ୍ଚଳଗୁଡିକରେ ବନ୍ୟାପାଣି ସମୁଦ୍ରକୁ ନିଷ୍କାସନ ହୋଇ ନ ପାରି ରବିବାର ବର୍ଷାରେ ଚାଷଜମିରେ ଅଣ୍ଟେ ଲେଖାଏଁ ପାଣି ଜମିରହିଛି। ବହୁ କଷ୍ଟରେ ଚାଷୀମାନେ ବିଲରେ ଧାନ ରୋଇଥିଲେ। ତେବେ ଜମିରେ ପାଣି ଜମି ରହିଲେ ତଳି ନଷ୍ଟ ହୋଇଯିବା ସହ ଚାଷୀମାନଙ୍କ ମେରୁଦଣ୍ଡ ସମ୍ପୂର୍ଣ୍ଣ ଭାଙ୍ଗିଯିବ। ସେଥିପ୍ରତି ପ୍ରଶାସନ ନଜର ଦେବାକୁ ଚାଷୀମାନେ ଦାବି କରିଛନ୍ତି। ନୟନଯୋରୀ ଓ ମହାନାଳକୁ ଅବରୋଧମୁକ୍ତ କରିବା ପାଇଁ ଦାବି ହେଉଛି ା
