ବାଲିଗୁଡ଼ା,୨୨।୧୦: କନ୍ଧମାଳ ଜିଲା ବାଲିଗୁଡ଼ା ବସଷ୍ଟାଣ୍ଡରୁ ୧୯ ଯୁବତୀଯୁବକଙ୍କୁ ଚାଲାଣ ବେଳେ ବାଲିଗୁଡ଼ା ପୋଲିସ ସେମାନଙ୍କୁ ଉଦ୍ଧାର କରିଛି। ଏଥିରେ ସମ୍ପୃକ୍ତ ଜଣେ ଦଲାଲଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେ ହେଲେ ସୋନପୁର ଜିଲା ତରଭା ଗ୍ରାମର ଆଶୁତୋଷ ଗିଜେ।
ସୂଚନାଯୋଗ୍ୟ, ସୋମବାର ବିଳମ୍ବିତ ରାତିରେ ବାଲିଗୁଡ଼ା ପୋଲିସ ଲେବର ଚାଲାଣ ଖବର ପାଇ ବସଷ୍ଟାଣ୍ଡରେ ପହଞ୍ଚତ୍ଥିଲା। ପରେ ସେଠାରୁ ସେମାନଙ୍କୁ ଉଦ୍ଧାର କରି ଜଣେ ଦଲାଲଙ୍କୁ ଗିରଫ କରିଥିଲା। ଉଦ୍ଧାର ହୋଇଥିବା ୧୮ ବର୍ଷରୁ ଊର୍ଦ୍ଧ୍ୱ ଯୁବତୀଯୁବକଙ୍କୁ ପୋଲିସ ଛାଡିଥିବା ବେଳେ ନାବାଳିକା ଓ ନାବାଳକଙ୍କୁ ସିଡବ୍ଲ୍ୟୁସିକୁ ହସ୍ତାନ୍ତର କରାଯିବ ବୋଲି ପୋଲିସ ସୂଚନା ଦେଇଛି । କେସ ନଂ.୧୪୩/୧୯ରେ ମାମଲା ରୁଜୁକରି ଅଭିଯୁକ୍ତଙ୍କୁ କୋର୍ଟଚାଲାଣ କରିଥିବା ଥାନା ଅଧିକାରୀ ପ୍ରଶାନ୍ତ କୁମାର ବେହେରା ସୂଚନା ଦେଇଛନ୍ତି ।
