ଭୋପାଳ,୯ା୩(ପି.ଟି.): ମଧ୍ୟପ୍ରଦେଶ ଶାସକ ଦଳର ନିଖୋଜ ଥିବା ୧୦ ବିଧାୟକଙ୍କ ମଧ୍ୟରୁ ୮ ଜଣ ଫେରିଆସିଲେଣି। ବାକି ୨ ଜଣ ଫେରୁଥିବା ଦଳ ପକ୍ଷରୁ ସୂଚନା ଦିଆଯାଇଛି। ଘୋଡାବେପାର ଓ ଅପହରଣର ନାଟକବାଜି ପରେ ମୁଖ୍ୟମନ୍ତ୍ରୀ କମଳନାଥ ତାଙ୍କ ମନ୍ତ୍ରିମଣ୍ଡଳରେ ଖୁବ୍ଶୀଘ୍ର ସମ୍ପ୍ରସାରଣ କରିବାକୁ ଯାଉଥିବା ସୂଚନା ମିଳିଛି। ଅସନ୍ତୁଷ୍ଟ ବିଧାୟକମାନଙ୍କୁ କ୍ୟାବିନେଟରେ ଥଇଥାନ କରାଯାଇପାରେ ବୋଲି ଚର୍ଚ୍ଚା ହେଉଛି। ନିଖୋଜର ୬ ଦିନ ପରେ ରବିବାର ବିଧାୟକ ବିସାହୁଲାଲ ସିଂ ଫେରିଛନ୍ତି। ଫଳରେ ସରକାରକୁ ଭାଙ୍ଗିବା ଲାଗି ବିରୋଧୀ ଦଳ ଭାଜପା ଚଳାଇଥିବା ଷଡ଼ଯନ୍ତ୍ର ଫସର ଫାଟିଯାଇଛି ବୋଲି ରାଜ୍ୟ ଗୃହମନ୍ତ୍ରୀ ବାଲା ବଚନ କହିଛନ୍ତି। ଅନ୍ୟପକ୍ଷରେ ୨୬ ତାରିଖ ରାଜ୍ୟ ସଭା ନିର୍ବାଚନ ପୂର୍ବରୁ ଦଳରେ ଆଭ୍ୟନ୍ତରୀଣ କନ୍ଦଳ ଦେଖାଦେଇଥିବା ସୂଚନା ମିଳୁଛି।
