ଗ୍ରେଟର ନୋଏଡା,୧୨।୧୦(ପି.ଟି.)- ପ୍ରୋ କବାଡ଼ି ଲିଗ୍ (ପିକେଏଲ୍)ରେ ଶୁକ୍ରବାର ଅନୁଷ୍ଠିତ ମ୍ୟାଚ୍ରେ ୟୁପି ଯୋଦ୍ଧା ୪୫- ୩୩ରେ ବେଙ୍ଗାଲୁରୁ ବୁଲ୍ସକୁ ପରାସ୍ତ କରିଛି। ଏଥିସହିତ ପୂରା ଢଙ୍ଗରେ ୟୁପି ତା’ର ହୋମ୍ ଲେଗ୍ ସମ୍ପନ୍ନ କରିଛି। ଏହି ବିଜୟ ସହ ୟୁପି ୭୪ ପଏଣ୍ଟ ସହ ତାଲିକାର ତୃତୀୟ ସ୍ଥାନରେ ରହିଛି। ଆସନ୍ତା ୧୪ ତାରିଖରେ ୟୁପି ଏଲିମିନେଟର-୧ରେ ଷଷ୍ଠ ସ୍ଥାନରେ ଥିବା ବୁଲ୍ସକୁ ଅହମ୍ମଦାବାଦ୍ରେ ଭେଟିବ। ପ୍ରଥମାର୍ଦ୍ଧରେ ଆୟୋଜକ ଦଳ ପଛରେ ପଡିଥିଲା। ତେବେ ଏହାପରେ ଶ୍ରୀକାନ୍ତ ଯାଦବ ଓ ସୁରେନ୍ଦର ଗିଲ୍ ପ୍ରତ୍ୟେକ ୯ ପଏଣ୍ଟ ଲୋଖାଏ ସ୍କୋର କରି ୟୁପିକୁ ମ୍ୟାଚ୍ରେ ଫେରାଇଥିଲେ। ହେଡ କୋଚ ଯଶବୀର ସିଂଙ୍କ ତତ୍ତ୍ୱାବଧାନ ଓ ନିତେଶ କୁମାରଙ୍କ ନେତୃତ୍ୱରେ ୟୁପି ଏପର୍ଯ୍ୟନ୍ତ ଲିଗ୍ରେ ଦମ୍ଦାର ପ୍ରଦର୍ଶନ କରିଛି।
