ମୁମ୍ବାଇ: କରୋନା ମହାମାରୀ ସହ ଏବେ ସାରା ବିଶ୍ୱ ଲଢେଇ କରୁଥିବା ବେଳେ ଭାରତ ମଧ୍ୟ ଏଥିରୁ ବାଦ୍ ପଡି ନାହିଁ। ଏହି ସଂକ୍ରମଣକୁ ରୋକିବାକୁ ଦେଶରେ ଲକ୍ଡାଉନ ଜାରି କରାଯାଇଥିଲେ ମଧ୍ୟ ଏବେ କରୋନା ସଂକ୍ରମଣ ଧୀରେ ଧୀରେ ଚିନ୍ତାର କାରଣ ପାଲଟି ଗଲାଣି। ଏହି ଲକ୍ଡାଉନ ସମୟରେ ବିଭିନ୍ନ ରାଜ୍ୟରେ ଫସି ରହିଥିବା ପ୍ରବାସୀ ଶ୍ରମିକମାନେ ଯେଉଁଭଳି ଭାବେ ଶହ ଶହ କିଲୋମିଟର ପାଦରେ ଚାଲି ଚାଲି ଘରମୁହାଁ ହୋଇଥିଲେ ତାହା ସମସ୍ତଙ୍କ ହୃଦୟରେ ଗଭିରଭାବେ ରେଖାପାତ କରିଥିଲା। ନିକଟରେ ଏହି ପ୍ରବାସୀ ଶ୍ରମିକଙ୍କ ଦୁର୍ଦ୍ଦଶାକୁ ଦେଖି ବଲିଉଡ୍ ନାୟିକା ତାପସୀ ପନ୍ନୁ ସୋସିଆଲ ମିଡିଆରେ ଏକ ଇମୋଶନାଲ କବିତା ଶେୟାର କରିଛନ୍ତି। ଅସଲ କଥା ହେଲା ନିକଟରେ ତାପସୀ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ଶେୟାର କରିଛନ୍ତି। ଉକ୍ତ ଭିଡିଓ ପ୍ରବାସୀ ଶ୍ରମିକଙ୍କ ଦୁର୍ଦ୍ଦଶା ବଖାଣୁଥିବା ଏକ କବିତା। ଏହି କବିତାରେ କେତୋଟି ଧାଡି ଶ୍ରୋତାଙ୍କ ହୃଦୟକୁ ଛୁଇଁଗଲା ପରି। ତେବେ କରୋନା ମହାମାରୀ ଯୋଗୁ ସବୁ ସେଲିବ୍ରିଟିଙ୍କ ପରି ତାପସୀ ମଧ୍ୟ ନିଜ ପରିବାର ସହ ସମୟ କାଟୁଛନ୍ତି।
