ମଧ୍ୟପ୍ରଦେଶର ଶିବପୁରୀ ସହରର ଜଣେ ଚା’ ବିକାଳି ତାଙ୍କ ଝିଅର ଇଚ୍ଛା ପୂରଣ ପାଇଁ ଭିନ୍ନ ଢଙ୍ଗରେ ଘରକୁ ଆସିଛନ୍ତି। ଏହି ଦିନଟିକୁ ସ୍ମରଣୀୟ କରିବା ପାଇଁ ସେ ଏମିତି ନିଆରା ପଦକ୍ଷେପ ନେଇଛନ୍ତି। ପ୍ରଥମ ଥର ପାଇଁ ଏକ ନୂତନ ମୋବାଇଲ କିଣି ସେ ନିଜ ଝିଅକୁ ଏକ ଘୋଡ଼ାଗାଡ଼ିରେ ବସାଇ ବାଜା ବାଣ ରୋଷଣି କରି ଘରକୁ ଆସିଥିଲେ। ଯାହାକୁ ଦେଖି ସହରବାସୀ ଆଶ୍ଚର୍ଯ୍ୟ ହୋଇଯାଇଥିଲେ।
ଦୋକାନରୁ ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହୋଇଛି। ଚା’ ବିକ୍ରି କରୁଥିବା ଏହି ବ୍ୟକ୍ତିଙ୍କ ନାମ ମୁରାରୀ କୁଶଓ୍ବା। ସେ ଶିବପୁରୀ ସହରର ନୀଳଗରେ ଚା’ ବିକ୍ରି କରନ୍ତି। ଝିଅର ଇଚ୍ଛା ପୂରଣ କରିବା ପାଇଁ ସେ ସୋମବାର ସନ୍ଧ୍ୟାରେ ୧୨,୫୦୦ ଟଙ୍କାରେ ଏକ ମୋବାଇଲ କିଣି ଏହିଦିନଟିକୁ ସ୍ମରଣୀୟ କରିବା ପାଇଁ ଏକ ଶୋଭାଯାତ୍ରା କରିଥିଲେ।
ମୁରାରୀ କହିଛନ୍ତି, ମୋ ଘରକୁ ପ୍ରଥମ ଥର ମୋବାଇଲ ଆସିବା ପରେ ମୁଁ ଦୋକାନ ନିକଟରୁ ଘର ପର୍ଯ୍ୟନ୍ତ ବାଜା ବାଣ ରୋଷଣି କରି ଆସିଥିଲି। ଏହି ଶୋଭାଯାତ୍ରାରେ ଏକ ଘୋଡ଼ାଗାଡ଼ି ମଧ୍ୟ ଥିଲା, ଯେଉଁଥିରେ ମୁଁ ମୋ ଝିଅ ବସିକି ଆସିଥିଲୁ।
शिवपुरी के नीलनगर में चाय की दुकान चलाने वाले मुरारी ने जब अपना पहला स्मार्टफोन खरीदा तो उसे अपने घर में डीजे, आतिशबाजी के बीच बग्गी पर सवार होकर लेकर आये, मुरारी की बेटी ने उनसे शराब छोड़कर उस पैसे से मोबाइल लाने का वायदा लिया था @ndtv @ndtvindia pic.twitter.com/hUr6LrCjnx
— Anurag Dwary (@Anurag_Dwary) December 22, 2021
ସେ ଆହୁରି ମଧ୍ୟ କହିଛନ୍ତି, ମୁଁ ମୋର ବନ୍ଧୁମାନଙ୍କୁ ମଧ୍ୟ ଏକ ପାର୍ଟି ଦେଇଥିଲି। ସେ କହିଛନ୍ତି, କମ୍ ଟଙ୍କା ହେତୁ ମୁଁ ଝିଅର ଇଚ୍ଛା ପୂରଣ କରିବା ପାଇଁ ଇଏମ୍ଆଇରେ ମୋବାଇଲ କିଣିଛି। ମୋର ୫ ବର୍ଷର ଶିଶୁ କନ୍ୟା ଅଛି। ସେ ମୋତେ ଦୁଇ ବର୍ଷ ଧରି କହୁଥିଲା, ବାପା ତୁମେ ବହୁତ ମଦ ପିଉଛ। ତୁମେ ମଦ ପିଇବା ବନ୍ଦ କର। ସେହି ଟଙ୍କାରେ ମୋତେ ଏକ ମୋବାଇଲ କିଣି କି ଦିଅ।
ମୁରାରୀ କହିଛନ୍ତି, ମୁଁ ଝିଅକୁ କହିଲି, ଆଉ ଚିନ୍ତା କର ନାହିଁ। ମୁଁ ଏମିତି ଏକ ମୋବାଇଲ କିଣିବି ଯାହାକୁ ପୂରା ସହରବାସୀ ଦେଖିବେ। ତେଣୁ ମୋବାଇଲ କିଣି ଏପରି ଶୋଭାଯାତ୍ରାର ଆୟୋଜନ କରିଥିଲି।
