ପୋଲିସ ସମ୍ମୁଖରେ ପଞ୍ଜାବୀ ଯୁବକଙ୍କୁ ଆକ୍ରମଣ ଘଟଣା: ୩୦୭ ଦଫା ପାଇଁ କୋର୍ଟଙ୍କ ଦ୍ୱାରସ୍ଥ ହେବେ ପରବିନ୍ଦର

ଭୁବନେଶ୍ୱର,୧୯।୧(ବ୍ୟୁରୋ)- ପଞ୍ଜାବୀ ଯୁବକ ପରବିନ୍ଦର ସିଂ ପାଲ୍‌ଙ୍କୁ ପୋଲିସ ସମ୍ମୁଖରେ ସଂଘବଦ୍ଧ ଆକ୍ରମଣ ଘଟଣାକୁ ନେଇ ସମାଲୋଚନାର ଶିକାର ହୋଇଛି କମିଶନରେଟ ପୋଲିସ। କୋହଳ ଦଫା ଲଗାଯିବାରୁ ଗିରଫ ୩ ଅଭିଯୁକ୍ତ ଦୀପକ ଜେନା, ଶଙ୍କର ରାଉତ ଓ ଦୀପକ ମହାନ୍ତି କେଇଘଣ୍ଟାରେ ଜାମିନରେ ମୁକୁଳିଗଲେ। ପୋଲିସ ଚାପରେ ଏପରି କାର୍ଯ୍ୟ କରିଥିବା ଚର୍ଚ୍ଚା ଓ ଅଭିଯୋଗ ହେଉଥିବାବେଳେ ରାତି ଅଧରେ ବିଧାୟକ, ଜଣେ ବରିଷ୍ଠ ପୋଲିସ ଅଧିକାରୀ ଓ ଅନ୍ୟ ଦୁଇଜଣ ପରବିନ୍ଦରଙ୍କ ଘର କବାଟ ବାଡ଼େଇବା ଏଭଳି ଚର୍ଚ୍ଚାକୁ ଖୋରାକ ଯୋଗାଇଛି। ଘଟଣା ସହ ରାଜନୈତିକ ଓ ପୋଲିସର ଲିଙ୍କ୍‌ ପଦାକୁ ଆସିବା ପରେ କମିଶନରେଟ ପୋଲିସ ବିବାଦକୁ ଟାଣିହୋଇଯାଇଛି। ଏପରିସ୍ଥଳେ ଭୁବନେଶ୍ୱରରେ ରହୁଥିବା ଶିଖ୍‌ ସମ୍ପ୍ରଦାୟ ମଧ୍ୟରେ ଅସନ୍ତୋଷର ନିଆଁ ଜଳୁଛି। ଅଭିଯୁକ୍ତଙ୍କ ନାଁରେ ୩୦୭ ଦଫା ଲଗାଇବାକୁ ଦାବି କରି ଶୁକ୍ରବାର ଗୁରୁଦ୍ୱାରଠାରେ ମହମବତି ଶୋଭାଯାତ୍ରା କରାଯାଇଥିଲା। ଶନିବାର ପରବିନ୍ଦରଙ୍କ ଓକିଲ ସୁଖ୍‌ବିନ୍ଦର କୌର କହିଛନ୍ତି, ପୋଲିସ ଏଭଳି ଜାଣିଶୁଣି କୋହଳ ଦଫା ଲଗାଇଛି। ପୋଲିସ ନିଜ ଦୋଷ ଘୋଡାଇବାକୁ ଏବେ ମିଛ କହୁଛି। ମାମଲାରେ ୩୦୭ ଦଫା ଯୋଡ଼ିବାକୁ କୋର୍ଟରେ ଆବେଦନ କରାଯିବ। ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ କୋର୍ଟଙ୍କ ନିକଟରେ ଦାବି ରଖାଯିବ ବୋଲି ସେ କହିଛନ୍ତି। ଅନ୍ୟପକ୍ଷରେ ଘଟଣାର ୬ଦିନ ପରେ ବି ପରବିନ୍ଦର ଓ ତାଙ୍କ ପରିବାର ସଦସ୍ୟଙ୍କ ମାନସିକ ସ୍ଥିତି ସ୍ବାଭାବିକ ହୋଇପାରିନି। ପୋଲିସ ଯାହା କରୁଛି ସେଥିରେ ବିଶ୍ୱାସ କିପରି ହେବ? ପୂରା ଘଟଣାକ୍ରମ ମୋ ମନକୁ ଆନ୍ଦୋଳିତ କରୁଛି। ପୋଲିସ ଉପରେ ଭରସା ପାଉନି ବୋଲି ପରବିନ୍ଦର ଦୁଃଖର ସହ କହିଛନ୍ତି।

ସୂଚନାଯୋଗ୍ୟ, ଗତ ମଙ୍ଗଳବାର ଅପରାହ୍ନରେ ଲକ୍ଷ୍ମୀସାଗର ଥାନା ଅନ୍ତର୍ଗତ ଭଗବାନ ଟାଓ୍ବାର ଆପାର୍ଟମେଣ୍ଟ ସମ୍ମୁଖରେ ପରବିନ୍ଦରଙ୍କୁ ମରଣାନ୍ତକ ଆକ୍ରମଣ କରାଯାଇଥିଲା। ଏହି ଘଟଣାରେ ପିସିଆର୍‌ ଇନ୍‌ଚାର୍ଜ ସୁବାସ ଚନ୍ଦ୍ର ରାଉତଙ୍କୁ ନିଲମ୍ବିତ କରାଯିବା ସହ ୩ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିଲା।

ଚାପରେ ନୁହେଁ, ନିରପେକ୍ଷ ତଦନ୍ତ ହେଉ : ପୂର୍ବତନ ଡିଜିପି
ଘଟଣାକୁ ନେଇ ପୂର୍ବତନ ପୋଲିସ ଡିଜି ପ୍ରକାଶ ମିଶ୍ର ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ନିଜ ଟୁଇଟର ଆକାଉଣ୍ଟରେ ପ୍ରକାଶ ଲେଖିଛନ୍ତି ଯେ, ପରବିନ୍ଦର ପାଲ ସିଂଙ୍କ ଆକ୍ରମଣ ଘଟଣାକୁ ଦେଖିଲେ ପୂରା ରହସ୍ୟମୟ ଲାଗୁଛି। ଘଟଣା ଧୀରେ ଧୀରେ ଆହୁରି ରହସ୍ୟ ଭିତରକୁ ଚାଲିଯାଉଛି। ପୋଲିସ ଚାପରେ ନ ଆସି ଘଟଣାର ନିରପେକ୍ଷ ତଦନ୍ତ କରି ସାଧାରଣ ଲୋକଙ୍କ ମନରେ ସୃଷ୍ଟି ହୋଇଥିବା ଆଶଙ୍କାକୁ ଶୀଘ୍ର ଦୂର କରନ୍ତୁ ବୋଲି ସେ ଉଲ୍ଲେଖ କରିଛନ୍ତି।

ଅନ୍ୟମାନଙ୍କୁ ଧରିବାକୁ ହାତ ଯାଉନି
ଘଟଣାକୁ ନେଇ କମିଶନରେଟ ପୋଲିସର କାର୍ଯ୍ୟଧାରାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଆକ୍ରମଣ ଘଟଣାରେ ୭ରୁ ୮ଜଣ ସମ୍ପୃକ୍ତ ଥିଲେ ମଧ୍ୟ ପୋଲିସ କେବଳ ୩ଜଣଙ୍କୁ ଗିରଫ କରି ବସି ପଡିଛି। ଅନ୍ୟମାନଙ୍କୁ ଗିରଫ କରିବାକୁ ପୋଲିସର ହାତ ଯାଉ ନ ଥିବାରୁ ପୂର୍ବରୁ ଗିରଫ ହୋଇଥିବା ଯୁବକମାନେ ପ୍ରକୃତ ଅଭିଯୁକ୍ତ କି ନୁହେଁ, ତାହାକୁ ନେଇ ମଧ୍ୟ ସନ୍ଦେହ ପ୍ରକାଶ ପାଇଛି। ଯେଉଁମାନଙ୍କୁ ଗିରଫ କରାଗଲା ବୋଲି ଦର୍ଶାଯାଇଛି, ସେମାନଙ୍କ ବଦଳରେ ଅନ୍ୟ କେତେଜଣଙ୍କୁ ମୁହଁଘୋଡ଼ାଇ କୋର୍ଟରେ ହାଜର କରାଯାଇଥିବା ମଧ୍ୟ ଅଭିଯୋଗ ଉଠୁଛି। ଶୁକ୍ରବାର ମଧ୍ୟ ପୋଲିସର କାର୍ଯ୍ୟଧାରାକୁ ନେଇ ବରିଷ୍ଠ ଆଇନିଜୀବୀ ଚିତ୍ତରଞ୍ଜନ ଦାସ ପ୍ରଶ୍ନ କରିଥିଲେ।

ଦଫାକୁ ଠିକ୍‌ ନ ବୁଝି ଉଦ୍‌ଭ୍ରାନ୍ତ କରାଯାଉଛି: ପୋଲିସ କମିଶନର
ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ଏକ କାର୍ଯ୍ୟକ୍ରମରେ କହିଛନ୍ତି, ପୋଲିସ ଯାହା ପ୍ରମାଣ ପାଇଥିଲା, ସେହି ଅନୁସାରେ ଅଭିଯୁକ୍ତଙ୍କୁ ଗିରଫ କରିଥିଲା। ଡାକ୍ତରୀ ରିପୋର୍ଟ ଆଧାରରେ ଚାର୍ଜଶିଟ୍‌ ଦାଖଲ କରାଯାଇଛି। କୋର୍ଟ ଉଭୟ ପକ୍ଷଙ୍କ କଥା ଶୁଣିବେ। କୋର୍ଟ ହୃଦବୋଧ କଲେ ଅଧିକ ଦଫା ଲଗାଇ ପାରନ୍ତି। ଡାକ୍ତରୀ ରିପୋର୍ଟ ନ ଦେଖି ଅଯଥା ମତ ଦେବା ଠିକ୍‌ ନୁହେଁ। ୩୦୭ ଦଫାକୁ ଠିକ୍‌ ନ ବୁଝି ଲୋକଙ୍କୁ ଉଦ୍‌ଭ୍ରାନ୍ତ କରାଯାଉଛି। କୋର୍ଟ ଯଦି ବେଲ୍‌ ଦେଲେ ପୋଲିସକୁ ଦୋଷ ଦେବା ଠିକ୍‌ କି ବୋଲି କମିଶନର ଷଡ଼ଙ୍ଗୀ କହିଛନ୍ତ।


Enter your email to get our daily news in your inbox.

All Right Reserved By Dharitri.Com

ମାଲିକଙ୍କ ଏଟିଏମରୁ ଟଙ୍କା ଚୋରି: ୨ ଗିରଫ, ଲକ୍ଷେ ୬୪ହଜାର ଟଙ୍କା ଉଦ୍ଧାର

କଣ୍ଟାପଡ଼ା,୩୧ା୩(ଡି.ଏନ୍‌.ଏ)- ମାଲିକଙ୍କ ଏଟିଏମକୁ ବ୍ୟବହାର କରି ଲକ୍ଷାଧିକ ଟଙ୍କା ଚୋରି କରିବା ଅଭିଯୋଗରେ ଓଲଟପୁର ଥାନା ପୋଲିସ ୨ଜଣଙ୍କୁ ଗିରଫକରି ମଙ୍ଗଳବାର କୋର୍ଟଚାଲାଣ କରିଛି। ସେମାନେ...

ଟ୍ରାକ୍ଟର ଧକ୍କାରେ କକା, ପୁତୁରାଙ୍କ ଜୀବନ ଗଲା

ଜୁନାଗଡ଼,୬।୧:କଳାହାଣ୍ଡି ଜିଲା ଜୁନାଗଡ଼ ବ୍ଲକ ସନ୍ନ୍ୟାସୀକୁଣ୍ଡାମାଲ ଛକ ନିକଟରେ ବୁଧବାର ସାରେ ଟ୍ରାକ୍ଟର ଧକ୍କାରେ କକା, ପୁତୁରାଙ୍କ ମୃତ୍ୟୁ ଘଟିଛି। ମୃତ କକାଙ୍କ ନାମ ଜଗବନ୍ଧୁ...

ରେଳଧାରଣାରୁ ଅଜଣା ଯୁବକଙ୍କ ମୃତଦେହ ଉଦ୍ଧାର

କଟକ ରୋଡ଼, ୬।୮(ଡି.ଏନ୍‌.ଏ.): ଭୁବନେଶ୍ୱର ଲକ୍ଷ୍ମୀସାଗର ଥାନା ଅଧୀନ ହଠାତ କଲୋନୀ ନିକଟ ରେଳଧାରଣାରୁ ମଙ୍ଗଳବାର ଭୁବନେଶ୍ୱର ଜିଆର୍‌ପି ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି।...

ଫକୀରମୋହନ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବ: ‘ରାଜନୀତି, ପ୍ରଶାସନଠାରୁ ଶିକ୍ଷାନୁଷ୍ଠାନ ମୁକ୍ତ ରହୁ’

ବାଲେଶ୍ୱର ଅଫିସ,୪।୩: ବାଲେଶ୍ୱର ଜିଲା ରେମୁଣା ସ୍ଥିତ ବ୍ୟାସବିହାର ଠାରେ ଫକୀରମୋହନ ବିଶ୍ୱବିଦ୍ୟାଳୟର ଦଶମ ସମାବର୍ତ୍ତନ ଉତ୍ସବ ବୁଧବାର ପୂର୍ବାହ୍ନ ୧୦ଟା ସମୟରେ ପାଳିତ ହୋଇଯାଇଛି।...

ଶ୍ରୀମନ୍ଦିରରେ ପାନ ଖାଇ ଧରାପଡ଼ିଲେ ୬ଜଣ

ପୁରୀ ଅଫିସ, ୧୬।୧୦:ଶ୍ରୀମନ୍ଦିର ଭିତରେ ପାନ ଖାଇ ମଙ୍ଗଳବାର ୬ଜଣ ଧରାପଡ଼ିଛନ୍ତି। ମଙ୍ଗଳବାର ବାହାର ଦେଉଳିରେ କେତେଜଣ ଖଜା ତିଆରି କରୁଥିଲେ। ଶ୍ରୀମନ୍ଦିର ସ୍କ୍ବାଡ ସେଠାରେ...

ମିଳିଲା କ୍ଷମତା: ଜବରଦଖଲ ଉଚ୍ଛେଦ କରିପାରିବେ ତହସିଲଦାର

ଭୁବନେଶ୍ୱର,୧୫।୯(ବ୍ୟୁରୋ): ସର୍ବସାଧାରଣ ସ୍ଥାନରୁ ଜବରଦଖଲ ଉଚ୍ଛେଦ କରିବା ଲାଗି ରାଜ୍ୟ ସରକାର ତହସିଲଦାର ଓ ଅତିରିକ୍ତ ତହସିଲଦାରଙ୍କୁ ଇଷ୍ଟେଟ ଅଫିସର କ୍ଷମତା ପ୍ରଦାନ କରିଛନ୍ତି। ଏ...

ମାସିକିଆ ରିପୋର୍ଟ ପ୍ରଦାନ କଲେ ମନ୍ତ୍ରୀ

ଭୁବନେଶ୍ୱର,୭ା୯(ବ୍ୟୁରୋ): ରାଜ୍ୟ ସରକାରଙ୍କ ବିଭିନ୍ନ ବିଭାଗୀୟ ମନ୍ତ୍ରୀମାନେ ନିଜ ବିଭାଗ ସମ୍ପର୍କିତ ମାସିକିଆ ରିପୋର୍ଟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଦାନ କରିଛନ୍ତି। ସରକାରଙ୍କ ପକ୍ଷରୁ ଦିଆଯାଇଥିବା...

ଶ୍ରୀମନ୍ଦିର ସୁରକ୍ଷା ଜୋନ୍‌ ପୁଣି ଜମି ହସ୍ତାନ୍ତର କଲେ ୩ ପରିବାର

ପୁରୀ ଅଫିସ, ୧୯ା୧୧: ଶ୍ରୀମନ୍ଦିର ସୁରକ୍ଷା ଜୋନ୍‌ରୁ ଜମି ଅଧିଗ୍ରହଣ ଚାଲିଛି। ସ୍ବେଚ୍ଛାକୃତ ଭାବେ କେତେକ ପରିବାର ସେମାନଙ୍କ ଜମି ହସ୍ତାନ୍ତର କରୁଛନ୍ତି। ପୂର୍ବରୁ ୪୫ଟି...

Advertisement

BGU

Archives

Model This Week

Why Dharitri