ପୁରୀ ଅଫିସ,୪ା୬: ପୁରୀରେ ପଙ୍ଗପାଳ। ଏମିତି ଚର୍ଚ୍ଚା ଗୁରୁବାର ପୁରୀ ସହରର ବିଭିନ୍ନ ସ୍ଥାନରେ ଶୁଣିବାକୁ ମିଳିଥିଲା। ବାଲୁଖଣ୍ଡ ଅଭୟାରଣ୍ୟ ନୂଆନଈ ନିକଟ ରାସ୍ତା ପାର୍ଶ୍ୱ ଗଛରେ ଏମାନେ ବହୁ ସଂଖ୍ୟାରେ ବସିଥିବା ଗୁରୁବାର ପୂର୍ବାହ୍ନରେ ଲୋକେ ଦେଖିଥିଲେ। ପଙ୍ଗପାଳ ପଳାଇ ଆସିଲେଣି ବୋଲି ପରସ୍ପର ମଧ୍ୟରେ ଚର୍ଚ୍ଚା କରିଥିଲେ। ପରେ ଏହାକୁ ନେଇ ବିଭିନ୍ନ ସ୍ଥାନରେ ଲୋକଙ୍କ ଭିତରେ ଆଲୋଚନା ହୋଇଥିଲା। ଯଦି ପଙ୍ଗପାଳ ହୋଇଥିବେ ତେବେ ଶସ୍ୟ ସବୁ ଚରିଯିବେ ବୋଲି ଆଶଙ୍କା ପ୍ରକାଶ କରିଥିଲେ। ବିଶେଷକରି ଚାଷୀମାନେ ଅଧିକ ଆତଙ୍କିତ ହୋଇପଡ଼ିିଛନ୍ତି। କିନ୍ତୁ ଏହା ପଙ୍ଗପାଳ ନୁହେଁ, ଝିଣ୍ଟିକା ବୋଲି ଜିଲା ମୁଖ୍ୟ କୃଷି ଅଧିକାରୀ ଏସ୍. ଚନ୍ଦ୍ରଶେଖର ରାଓ କହିଛନ୍ତି।
