ବଲିଉଡ୍ ଅଭିନେତ୍ରୀ ଭୂମି ପେଡନେକରଙ୍କ ଅଭିନୟ ଦକ୍ଷତା ସମସ୍ତଙ୍କୁ ଜଣା। ମୋଟି, ବୁଢୀ ଏବଂ କଳା ଯୁବତୀ ରୋଲ୍ରେ ସେ ଏପର୍ଯ୍ୟନ୍ତ ଦର୍ଶକଙ୍କ ସାମ୍ନାକୁ ଆସିସାରିଛନ୍ତି। ତାଙ୍କ ଅଭିନୟକୁ ମଧ୍ୟ ଦର୍ଶକ ବେଶ୍ ପ୍ରଶଂସା କରିଛନ୍ତି। ନିକଟରେ ଆଗାମୀ ଫିଲ୍ମ ‘ପତି, ପତ୍ନୀ ଔର୍ ଓ୍ବ’ରେ ସେ ନଜର ଆସିବେ। ଫିଲ୍ମର ପ୍ରମୋଶନବେଳେ ସେ କହିଛନ୍ତି ମୋ ପିତାଙ୍କ ମୃତ୍ୟୁ ପରେ ତାଙ୍କ କୋକେଇ ମୁଁ କାନ୍ଧେଇଥିଲି। ବର୍ତ୍ତମାନ ସମାଜରେ ଝିଅମାନେ ବହୁତ ଆଗକୁ ଗଲେଣି। ତେଣୁ ତାଙ୍କୁ କୌଣସି ଗୁଣରେ କମ୍ ଭାବିବା ଉଚିତ୍ ନୁହେଁ। ‘ପତି, ପତ୍ନୀ ଔର୍ ଓ୍ବ’ରେ ସ୍ବାମୀ-ସ୍ତ୍ରୀଙ୍କ ମଧ୍ୟରେ ତୃତୀୟ ବ୍ୟକ୍ତି ଆସିଲେ ଯେଉଁ ପରିସ୍ଥିତି ସୃଷ୍ଟି ହୁଏ ତାକୁ ରୋମାଣ୍ଟିକ କମେଡି ଜରିଆରେ ପରଦାରେ ରଖିବେ (ପତି) କାର୍ତ୍ତିକ ଆର୍ୟନ, (ପତ୍ନୀ)ଭୂମି ପେଡନେକର୍ ଏବଂ (ଔର୍ ଓ୍ବ) ଅନନ୍ୟା ପାଣ୍ଡେ। ଫିଲ୍ମରେ ରାଜେଶ ଶର୍ମା ଏବଂ ଅପାରଶକ୍ତି ଖୁରାନା ମଧ୍ୟ ପ୍ରମୁଖ ଭୂମିକାରେ ନଜରକୁ ଆସିବେ। ତେଣୁ ରବି ଚୋପ୍ରାଙ୍କ ପ୍ରଯୋଜିତ ଏହି ଫିଲ୍ମ ୧୯୭୮ର ଫିଲ୍ମ ‘ପତି, ପତ୍ନୀ ଔର୍ ଓ୍ବ’ର ରିମେକ।
