ଧରାକୋଟ,୨୪ା୪ (ଡି.ଏନ.ଏ.)- ଧରାକୋଟ ଥାନା ଗଡ଼ଦାମୋଦରପୁରପଲ୍ଲୀସ୍ଥିତ ଜାତୀୟ ରାଜପଥ ନଂ.୫୯ରେ ଶୁକ୍ରବାର ମଧ୍ୟାହ୍ନରେ ପିକଅପ୍ ଭ୍ୟାନ ଓ ଅଟୋ ମୁହାଁମୁହିଁ ଧକ୍କାରେ ଜଣେ ଗର୍ଭବତୀଙ୍କ ସମେତ ୪ଜଣ ଗୁରୁତର ହୋଇଛନ୍ତି। ସେମାନେ ହେଲେ ହୀରା ନାୟକ, ଝୁମୁରି ନାୟକ, ପିଙ୍କି ନାଇକ ଓ ଅଟୋ ଚାଳକ ଜଗା ନାୟକ। ଅଟୋ(ନଂ.ଓଡି୩୨ଇ୪୬୪୨)ରେ ସୋରଡାରୁ ଗର୍ଭବତୀ ହୀରାଙ୍କୁ ଝୁମୁରି ଓ ପିଙ୍କି ଅଟୋ ଯୋଗେ ଆସିକା ସ୍ବାସ୍ଥ୍ୟକେନ୍ଦ୍ରକୁ ନେଉଥିଲେ। ଗଡଦାମୋଦରପୁରପଲ୍ଲୀଠାରେ ବ୍ରହ୍ମପୁରରୁ ଦାରିଙ୍ଗିବାଡ଼ି ଅଭିମୁଖେ ସାର ବୋଝେଇ କରି ଯାଉଥିବା ପିକଅପ୍ ଭ୍ୟାନ (ନଂ.ଓଡି୦୭ଏସି-୦୭୮୧) ସହ ଅଟୋର ମୁହଁାମୁହିଁ ଧକ୍କା ହୋଇଥିଲା। ଧରାକୋଟ ଅଗ୍ନିଶମ ବାହିନୀ ଓ ପୋଲିସ ପହଞ୍ଚତ୍ ଆହତଙ୍କୁ ଧରାକୋଟ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ପ୍ରାଥମିକ ଚିିକିତ୍ସା ପରେ ଅବସ୍ଥା ଗୁରୁତର ହେବାରୁ ସମସ୍ତଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।
