ବ୍ରହ୍ମପୁର ଅଫିସ,୧୩ା୪-କରୋନା ସଂକ୍ରମଣ ତଥା ଜନଗହଳି ସ୍ଥାନରୁ ଲୋକଙ୍କୁ ଦୂରେଇ ରଖିବା ନେଇ ଗଞ୍ଜାମ ଜିଲା ପ୍ରଶାସନ ପକ୍ଷରୁ ମେରୁ ଯାତ୍ରା ବନ୍ଦ ନିର୍ଦ୍ଦେଶ ଦିଆଯାଇଛି। ସୋମବାର ବ୍ରହ୍ମପୁର ସହରରେ ମେରୁ ଯାତ୍ରା ବନ୍ଦ ରହିଥିଲା ା ଆମ୍ବପୁଆସ୍ଥିତ ମା’ ଦଣ୍ଡକାଳୀଙ୍କ ମନ୍ଦିର ସମେତ ନୂଆବସ୍ଷ୍ଟାଣ୍ଡ ଦଣ୍ଡକାଳୀମନ୍ଦିର, ପାଣିଗ୍ରାହୀପେଣ୍ଠ ଦଣ୍ଡକାଳୀମନ୍ଦିରରେ ଭୋରରୁ ପୂଜା ସମ୍ପନ୍ନ ହେବା ପରେ ବନ୍ଦ କରାଯାଇଥିଲା ା ଫଳରେ ମେରୁ ଯାତ୍ରା ବେଳେ ଶ୍ରଦ୍ଧାଳୁଙ୍କ ଦ୍ୱାରା ଲୋକାରଣ୍ୟ ହେଉଥିବା ପୀଠ ସମ୍ପୂର୍ଣ୍ଣ ଜନଶୂନ୍ୟ ହୋଇଯାଇଥିଲା ା ତେବେ କେତେକ ସ୍ଥାନରେ ଶ୍ରଦ୍ଧାଳୁମାନେ ପୂଜା ପାଇଁ ଅସିଥିଲେ ସୁଦ୍ଧା ବାହାରେ କେବଳ ଭୋଗ, ଦୀପ ଅର୍ପଣ କରିଥିବା ଦେଖିବାକୁ ମିଳିଥିଲା ା
ପାଣିଗ୍ରାହୀ ପେଣ୍ଠ ସାହିସ୍ଥିତ ଦଣ୍ଡକାଳୀଙ୍କ ମନ୍ଦିରକୁ ସକାଳୁ କେତେକ ଶ୍ରଦ୍ଧାଳୁ ଭୋଗ ଲଗାଇବାକୁ ଆସିଥିବା ବେଳେ ମନ୍ଦିର ପରିଚାଳନା କମିଟି ପକ୍ଷରୁ ନିୟୋଜିତ ସ୍ବେଚ୍ଛାସେବୀମାନେ ତାଙ୍କୁ ବାହାରେ ଭୋଗ ରଖିବାକୁ କହି ଘଉଡାଇଥିଲେ। ସେହିପରି ଲୋଚାପଡାର ଦଣ୍ଡକାଳୀ ମନ୍ଦିର, ବ୍ରହ୍ମପୁର ଉପକଣ୍ଠ ବୋରଗଁା ଦଣ୍ଡକାଳୀ ମନ୍ଦିରରେ ମେରୁ କୁଣ୍ଡ ନିକଟକୁ ପୂଜା ପାଇଁ ଆସିଥିବା ଶ୍ରଦ୍ଧାଳୁଙ୍କୁ ମଧ୍ୟ ପୋଲିସ ଘଉଡାଇଥିବା ଦେଖିବାକୁ ମିଳିଥିଲା ା ଜିଲାପାଳ ବିଜୟ ଅମୃତା କୁଲାଙ୍ଗେ, ଉପଜିଲାପାଳ ସିନ୍ଧେ ଦତ୍ତାତ୍ରେୟ ଭାଉସାହେବ ବିଭିନ୍ନ ମନ୍ଦିର ତଥା ମେରୁ ଯାତ୍ରା ଆୟୋଜିତ ସ୍ଥଳ ବୁଲି ସ୍ଥିତି ଅନୁଧ୍ୟାନ କରିଥିଲେ ା ଏହି ସମୟରେ ଆସ୍କାରୋଡ ରଘୁନାଥ ମଠ ଓ ପିଚିପିଚାନଗର ହନୁମାନ ମନ୍ଦିର ଖୋଲା ଥିବା କାରଣରୁ ଉକ୍ତ ମନ୍ଦିର ପୂଜାରୀଙ୍କୁ ପ୍ରଶାସନ ଦଣ୍ଡିତ କରିଥିବା ସୂଚନା ମିଳିଛି ା ସେହିପରି ଲୋଚାପଡା ଦଣ୍ଡକାଳୀ ମନ୍ଦିର ନିକଟରେ ପୂଜା ସାମଗ୍ରୀ ଦୋକାନୀଙ୍କୁ ନିୟମ ଉଲ୍ଲଂଘନ ଅଭିଯୋଗରେ କୁକୁଡାଖଣ୍ଡି ତହସିଲଦାର ଇପ୍ସିତା ପ୍ରିୟଦର୍ଶିନୀ ମିଶ୍ର ଦଣ୍ଡିତ କରିଥିବା ଜଣାପଡିଛି।
